Morgunblaðið - 24.06.2007, Blaðsíða 19

tíu stærðfræðingar fóru með pólsku
samninganefndinni til Brussel til að
tryggja að Pólverjar yrðu ekki plat-
aðir til að samþykkja óviðunandi leik-
reglur.
Tortryggnir Pólverjar
Varð töluvert uppnám þegar Jar-
oslaw Kaczynsky, forsætisráðherra
Póllands, vísaði til Þýskalands nasista
og krafðist þess að Pólverjum yrði
bætt upp mannfallið í heimsstyrjöld-
inni síðari. „Hefði Pólland ekki þurft
að ganga í gegnum árin 1939 til 1945
væru sennilega um 66 milljónir íbúa í
Póllandi,“ sagði Kaczynski. Í Póllandi
búa tæplega 39 milljónir manna.
Á undanförnum dögum hafði Pól-
verjum verið hótað með ýmsum hætti
héldu þeir sig ekki á mottunni, meðal
annars með því að þeir yrðu einangr-
aðir í Evrópusambandinu og svo gæti
farið að niðurgreiðslur til þeirra frá
ESB yrðu skornar niður.
Á vefmiðli Der Spiegel var því í
gærmorgun lýst hvernig Angela Mer-
kel, Nicolas Sarkozy, forseti Frakk-
lands, Jean-Claude Juncker, for-
sætisráðherra Lúxemborgar, og
nokkrir leiðtogar til viðbótar hefðu
tímunum saman reynt að tala um fyr-
ir Lech Kaczynski, forseta Póllands
og tvíburabróður forsætisráðherrans,
„lokka hann með gylliboðum og meira
að segja beinhörðum peningum“.
Þegar forsetinn hefði byrjað að mýkj-
ast í afstöðu sinni hefði Jaroslav bróð-
ir hans gripið inn frá Varsjá með hjálp
gervihnattasjónvarps og sagt þvert
nei, sem hefði sett allt í uppnám að
nýju.
Þá hefði Merkel svarað með hótun
um að hleypa ríkjaráðstefnunni um
mótun nýs Evrópusáttmála af stokk-
unum án samþykkis Pólverja, en Sar-
kozy og Blair hefðu þá mælst til þess
að reynt yrði að gera Pólverjum lífið
bærilegra með því að finna handa
þeim einhverja dúsu. Bæði Blair og
Sarkozy áttu samtal við Lech Kac-
zynski. Sagði Sarkozy að vegna sál-
rænna og sagnfræðilegra þátta væri
minni spenna í samskiptum Frakka
og Pólverja en Þjóðverja og Pólverja.
Niðurstaðan varð sú að það tvö-
falda kerfi, sem ætlað er að taki við í
atkvæðagreiðslum innan ESB, verði
ekki sett í gang fyrr en 2014 auk ann-
arra, smávægilegra breytinga á fyr-
irkomulaginu. „Það er ekki hægt að
sniðganga stærsta ríkið í Austur-Evr-
ópu,“ sagði Sarkozy.
Skilyrði Blairs
Þegar Tony Blair komst til valda í
Bretlandi lýsti hann því yfir að nú yrði
snúið við blaðinu í Evrópumálum og
horfið frá þeirri Evrópuandúð, sem
ríkt hefði í valdatíð Margaretar
Thatcher. Á sínum síðasta Evrópu-
leiðtogafundi hótaði hann hins vegar
einnig að beita neitunarvaldi yrði ekki
komið til móts við hans sjónarmið.
Á föstudag var þó ljóst að sátt
myndi nást í þeim málum, sem Blair
hafði sett á oddinn. Hann féllst á að
myndað yrði nokkurs konar utanrík-
isráðuneyti eftir að fallið hafði verið
frá því að yfir henni yrði „utanríkis-
ráðherra“. Töldu Bretar að það gæti
þrengt að fullveldi þeirra. Einnig
knúði Blair fram tryggingar fyrir því
að réttindaskrá Evrópusambandsins
myndi ekki hafa áhrif á bresk lög um
atvinnu- og félagsmál og að Bretar
héldu forræði í dóms- og innanríkis-
málum.
Af ummælum leiðtoganna má ráða
að ekki hafi miklu munað að leiðtoga-
fundurinn í Brussel færi út um þúfur,
en leiðtogarnir voru sigri hrósandi
þegar upp var staðið. Angela Merkel
sagði að stigið hefði verið „greinilegt,
mikilvægt framfaraskref fyrir Evr-
ópusambandið“. Það hefði ekki verið
einfalt að fá aðildarríkin 27 til að stíga
í takt, en niðurstaðan sýndi að Evrópa
næði á endanum saman.
Gert er ráð fyrir því að ríkjaráð-
stefnan leggi fram sáttmála í árslok.
Við gerð stjórnarskrárinnar mis-
heppnuðu tók sambærilegt starf níu
mánuði. Sérfræðingar segja að nú
muni samningar taka skemmri tíma.
Tíminn mun leiða í ljós hvernig geng-
ur að ná samkomulagi.
MORGUNBLAÐIÐ SUNNUDAGUR 24. JÚNÍ 2007 19
BMW320d - 2.0 dísel / 5,7 ltr/100 km -Hröðun 0-100 8,3 sek - 163 hö.
Verð kr. 3.750.000
BMW325xi (4x4) - 2.5l bensín / 9,2 ltr/100 km -Hröðun 0-100 7,5 sek - 218 hö.
Verð kr. 4.890.000
A-Class – Ánægjunnar vegna
ASKJA · Laugavegi 170 · 105 Reykjavík · Sími 590 2100 · www.askja.is · ASKJA er eini viðurkenndi sölu- og þjónustuaðili Mercedes-Benz á Íslandi.
Nýr A-Class sameinar skynsemi og þægindi með fullkomnum hætti. Hann er nettur
en einnig ótrúlega rúmgóður og glæsileikinn helst í hendur við stórkostleg þægindin.
A-Class er bíll sem þú velur ánægjunnar vegna – af því að það er skynsamlegt.
Verð frá 2.290.000 kr.
Fáðu úrslitin
send í símann þinn