Morgunblaðið - 09.08.2007, Side 4

 






 





  



 
 





   


  
 




 


 !

 
"  




HÓPUR bænda og annarra landeig-
enda í Nesjum í Hornafirði hefur
stefnt Vegagerðinni og íslenska rík-
inu. Krefst hópurinn þess að úrskurð-
ur umhverfisráðherra frá því í maí á
þessu ári um áætlun vegna mats á
umhverfisáhrifum lagningar hring-
vegar um Hornafjarðarfljót verði
felldur úr gildi.
Í úrskurðinum fólst að Vegagerðin
þarf ekki að meta umhverfisáhrif
þeirra veglína sem hópurinn lagði til
en landeigendur telja að þær leiðir,
sem Vegagerðin leggur til og verða
metnar með tilliti til umhverfisáhrifa,
séu ótækar. Segir í fréttatilkynningu
frá hópnum að allir þeir veglínumögu-
leikar sem Vegagerðin hyggist skoða
muni hafa víðtæk áhrif á náttúru og
umhverfi, á kostnað og skaða hags-
muni stefnenda. Fyrirhuguð veg-
stæði muni m.a. skerða eignarlönd og
rýra möguleika til landnýtingar,
valda spjöllum á ræktarlandi, raska
rannsókna- og tilraunalandi í skóg-
fræði, stefna kartöflurækt í hættu og
spilla beitilöndum, allt eftir því hvaða
veglína verði fyrir valinu. Tvær leið-
anna muni hafa í för með sér stórkost-
leg umhverfis- og náttúruspjöll á
ósnortnu landi stefnenda. Nýr vegur í
samræmi við einhverja þeirra leiða
sem Vegagerðin leggi til muni bein-
línis standa atvinnurekstri, búskap og
byggð í Nesjum fyrir þrifum og hafa
óafturkræf umhverfisáhrif.
Standi úrskurðurinn koma til-
lögur hópsins ekki til greina
Lagði hópurinn því til tvær nýjar
leiðir sem uppfylltu markmið nýs veg-
ar en án fyrrnefndra ókosta. Hafnaði
Vegagerðin því að meta þær leiðir
sem lagðar voru til af landeigendum
en Skipulagsstofnun lagði fyrir Vega-
gerðina að meta þær. Kærði Vega-
gerðin þá ákvörðun til ráðuneytisins
sem úrskurðaði að þeir kostir sem
stefnendur legðu til yrðu ekki metnir.
Segir í tilkynningu frá landeigendum
að standi úrskurðurinn, leiði það til
þess að tillögur landeigenda muni
ekki koma til álita þegar endanleg
ákvörðun um vegstæði verði tekin.
Deila um vegstæði í Hornafirði
4 FIMMTUDAGUR 9. ÁGÚST 2007 MORGUNBLAÐIÐ
FRÉTTIR
Morgunblaðið/Hjálmar S. Brynjólfsson
STRAUMURINN liggur um þessar
mundir norður á Dalvík þar sem
Fiskidagurinn mikli verður haldinn
næsta laugardag. Slegið hefur ver-
ið upp viðburðavikunni Húllumhæ
á Norðurlandi þar sem ýmislegt
verður á dagskrá á Eyjafjarð-
arsvæðinu.
Á bænum Krossum sem er ná-
lægt Árskógssandi var opnuð
þrautabraut fyrir börn, með stökk-
dýnu. Boðið er upp á kaffi og kökur
fyrir gesti og gangandi auk þess
sem opið er í lítinn dýragarð. Þar
geta áhugasamir skoðað ýmis hús-
dýr: t.d. refi, minka, kanínur, folöld
og hesta, landnámshænur, fashana,
svín, geitur og nokkuð stygga kett-
linga.
Húllumhæ
á Norður-
landi
Opið hús í Dýragarðinum á Krossum
„STUTTA svarið er
einfaldlega að við önn-
um ekki eftirspurn-
inni,“ segir Guð-
mundur. Í kringum
1.600 hjartaþræðingar
voru framkvæmdar í
fyrra en í ár stefnir
fjöldinn í 1.800 eða að
meðaltali fimm á dag.
Í ársbyrjun 2004 var
biðlistinn stuttur en
mikill niðurskurður
það árið tók sinn toll
og í lok ársins var
fjöldi sjúklinga á bið-
lista orðinn tvö hundr-
uð. Að sögn Guð-
mundar má skýringar
helst finna í tækjakosti og fjölda
rúma á legudeildum.
Hjartaþræðingartækin samnýtt
Hjartaþræðingartækin tvö sem
hjartadeild LSH hefur yfir að ráða
eru einnig nýtt í aðrar aðgerðir, t.d.
í gangráðsísetningar og brennsluað-
gerðir við hjartsláttartruflunum.
Útboð er hafið á þriðja tækinu sem
vonast er til að verði komið í notkun
fyrri hluta næsta árs. Guðmundur
vonar að með tækinu komi nokkur
gæslurúm til viðbótar,
því án þeirra verði ekki
hægt að nýta tækið til
fulls.
Þá þurfi að halda öll-
um rúmum opnum til
að hámarka afköstin.
„Ef fráflæðið truflast,
til dæmis ef við komum
ekki öldruðum sjúk-
lingum á öldrunardeild
eða í endurhæfingu eða
ef skurðdeildirnar
anna ekki sjúkling-
unum sem þurfa
hjartaaðgerð, þá trufl-
ar það afkastagetuna
okkar,“ segir Guð-
mundur en hann segir
deildirnar háðar hver annarri og
álag á einni deild hafi mikil áhrif á
starfsemi annarra deilda.
Meiri þörf fyrir þræðingu
Hvað auknu eftirspurnina varðar
segir Guðmundur hana stafa af því
að öldruðum á Íslandi hafi fjölgað
og þörf þeirra fyrir þessa þjónustu
því aukist. „Fyrir 15-20 árum var
gert mun minna af hjartaþræð-
ingum og öðru slíku fyrir gamalt
fólk með hjartasjúkdóma. Núna er
þessu fólki veitt meiri þjónustu.“ Þá
hafa verið tekin í gagnið ný tæki
sem eiga hægara með að greina
kransæðasjúkdóma á byrj-
unarstigum.
Árið 2006 var meðalbiðtíminn eft-
ir hjartaþræðingu 1,7 mánuðir en
var kominn í rúmlega tvo mánuði í
byrjun þessa árs. Sumir sjúkling-
anna þurfa að bíða í allt að 6-7 mán-
uði. „Þetta finnst okkur óásætt-
anlegt og okkar markmið er að
enginn bíði lengur en tvo mánuði.“
Bráðatilvik hljóta þó forgang og er
þeim sinnt nánast jafnóðum, hve-
nær sem er sólarhringsins. Tekið
var upp á þeirri þjónustu fyrir
nokkrum árum og segir Guð-
mundur árangurinn afar góðan.
„Dánar- og fylgikvillatíðnin hefur
hrapað hjá okkur og við erum mjög
ánægð með þjónustuna. Síðan er
alltaf verið að vinna í biðlistanum
þannig að þeim er forgangsraðað
sem eru veikastir og liggur mest á.“
Guðmundur segir stuðning heil-
brigðisráðuneytisins nauðsynlegan
þar sem starfsemin sé háð rekstr-
arumhverfi spítalans sem rekinn er
með miklu aðhaldi. „Það hefur ekk-
ert verið afgangs í rými eða
mannafla og það snýr beint að
hjartadeildinni og vinnuumhverfi
hennar. Hún getur ekki verið
ósnortin af annarri starfsemi spít-
alans og því er mjög mikilvægt að
ráðuneyti heilbrigðis og fjármála
viðurkenni mikla þörf spítalans.“
„Okkar akkillesarhæll er að við
önnum ekki eftirspurn nógu ört“
Morgunblaðið/Kristinn
Aukin eftirspurn Gert er ráð fyrir 1.800 hjartaþræðingum á LSH í ár en í
fyrra töldu þær 1.600. Um tvö hundruð manns eru á biðlista eftir aðgerð.
Langur biðlisti eftir hjartaþræðingu hefur verið í
umræðunni síðustu daga. Um 200 manns bíða að-
gerðar – sumir hverjir síðan í janúar. Ylfa Kristín
K. Árnadóttir leitaði skýringa hjá Guðmundi Þor-
geirssyni, sviðsstjóra lækninga á lyflækningasviði.
ylfa@mbl.is
Guðmundur
Þorgeirsson
FLUGVÉLIN sem hlekktist á í flug-
taki í Nýjadal á Sprengisandsleið í
fyrrakvöld er enn í Nýjadal. Sam-
kvæmt upplýsingum frá lögreglunni
á Hvolsvelli er ekki enn ljóst hvort
reynt verður að gera við flugvélina á
staðnum eða hún flutt til byggða til
viðgerðar.
Flugvélin er skráð í Bandaríkjun-
um og flugu henni tveir breskir flug-
menn. Með þeim í vélinni voru tveir
ástralskir farþegar. Það vakti at-
hygli að auðkennismerki flugvélar-
innar voru hulin með málningu eftir
óhappið. Að sögn lögreglunnar var
gefin sú skýring að mennirnir hefðu
hulið skráningarmerkin til að koma í
veg fyrir að þau sæjust á myndum á
Netinu.
Flugvélinni var lent á flugvellinum
í Nýjadal og síðan ekið eftir veginum
að skálanum. Þegar fara átti á loft
ákváðu flugmennirnir að fara bara
beint af augum, langt utan flug-
brautarinnar. Þar var jarðvegurinn
gljúpur og fór flugvélin yfir tvö drög
í flugtaksbruninu. Þar skall vélin
niður og skemmdist hjólabúnaður-
inn töluvert og skrúfan einnig.
Vildu ekki
þekkjast á
Netinu
Ljósmynd/Kjartan P. Sigurðsson
Ómerkt? Spreyjað var yfir ein-
kennisstafi flugvélarinnar.
HÆSTIRÉTTUR hefur staðfest úr-
skurð Héraðsdóms Reykjaness um
að maður sem býr í húsi á landspildu
á Vatnsendabletti verði borinn út.
Leigusamningur mannsins rann út á
síðasta ári en um var að ræða samn-
ing til fimmtíu ára.
Landeigandinn sagði upp leigu-
samningnum árið 2001 og var mann-
inum gert að rýma spilduna eigi síð-
ar en 15. nóvember 2002 – og var það
samkvæmt ákvæðum leigusamn-
ingsins. Leigutakinn freistaði þess
að fá uppsögnina ógilta með málsókn
en kröfu hans var hafnað árið 2004.
Í úrskurði héraðsdóms frá 26. júní
sl. kemur m.a. fram að krafa landeig-
andans um að maðurinn verði borinn
út af landspildunni hafi verið sett
fram með hefðbundnum hætti og
lagaleg skilyrði hafi verið uppfyllt.
Það staðfesti Hæstiréttur.
Málið dæmdu hæstaréttardómar-
arnir Árni Kolbeinsson, Jón Steinar
Gunnlaugsson og Ólafur Börkur
Þorvaldsson.
Fallist á
kröfu land-
eiganda
Borinn út úr húsnæði
á Vatnsendabletti