Morgunblaðið - 09.08.2007, Blaðsíða 7

MORGUNBLAÐIÐ FIMMTUDAGUR 9. ÁGÚST 2007 7
REYKJANESBÆR, Keilir og
Hjallastefnan undirrituðu í gær
samkomulag um uppbyggingu og
rekstur leik- og grunnskóla á há-
skólasvæði Keilis, miðstöðvar vís-
inda, fræða og atvinnulífs á Kefla-
víkurflugvelli.
Hjallastefnan mun opna leik-
skólann sem hlotið hefur nafnið
Völlur, hinn 15. ágúst næstkom-
andi í húsnæði sem áður hýsti
leikskóla sem bandaríski herinn
rak. Grunnskóli fyrir 1.-4. bekk
verður jafnframt starfræktur frá
og með þessu hausti en eldri börn
á svæðinu sækja nám sitt í aðra
grunnskóla Reykjanesbæjar.
Starfsfólk þegar ráðið
Starf skólanna verður í sam-
ræmi við Hjallastefnuna en fyrir-
tækið hefur langa reynslu af
rekstri leikskóla með góðum ár-
angri. Hjallastefnan hefur þegar
ráðið stjórnendur og starfsfólk til
starfa við báða skólana. Markmið
samkomulagsins er að byggja upp
öfluga og framsækna skóla sem
hafi bestu mögulegu aðstæður til
þróunar og nýsköpunar í íslensku
skólakerfi.
Nýsköpun í skóla-
og menntamálum
Reykjanesbær og Keilir lýsa
jafnframt yfir þeim vilja sínum að
standa sameiginlega að frekari
framþróun skólastarfs og mennt-
unar á svæðinu á öllum sviðum á
næstu árum í samstarfi við leik-
skóla, grunnskóla og framhalds-
skóla á svæðinu sem og íslenska
háskóla og ráðuneyti mennta-
mála. Markmið slíks samstarf
verði nýsköpun í skóla- og
menntamálum.
Hjallastefnan opnar
skóla á Vellinum
VISTORKA, stærsti hluthafi Ís-
lenskrar NýOrku, hefur ákveðið að
halda áfram að efla vetnisrannsókn-
ir sínar á Íslandi en rannsóknirnar
felast í að koma á grunnaðstöðu til
að prófa og reka vetnisbíla á Ís-
landi.
Bílaframleiðandinn Daimler-
Chrysler hefur nú þegar afhent einn
vetnisbíl til viðskiptavina á Íslandi
og í gær fékk VistOrka 10 Toyota
Prius vetnisbíla afhenta frá Quant-
um. Kaupendur bílanna eru OR,
Landsvirkjun og bílaleigan Hertz
sem leigja mun út vetnisbíla.
Vetnisbílar
til landsins
HÆSTIRÉTTUR hefur staðfest
áframhaldandi gæsluvarðhald yfir
manni sem viðurkenndi tilraun til
vopnaðs ráns í 10-11-verslun á Dal-
vegi í júní sl. Rétturinn markaði
varðhaldinu hins vegar styttri tíma
en héraðsdómur, eða til 12. septem-
ber nk. í stað 28. september.
Í dómi Hæstaréttar segir að frá
þeim tíma er manninum var gert að
sæta varðhaldi, þ.e. 26. júní, hafi
engin gögn komið fram sem hafi
verulega þýðingu við rannsókn máls-
ins. Eigi að síður var ekki gefin út
ákæra fyrr en 25. júlí sl. – en sér-
staklega rík ástæða er til þess að
hraða málsmeðferð þegar grunaður
maður sætir gæsluvarðhaldi.
Maðurinn sætir varðhaldi með til-
liti til almannahagsmuna en brot
hans getur varðað allt að tíu ára
fangelsi. Hann ógnaði m.a. starfs-
stúlku í versluninni með stórum eld-
húshnífi.
Varðhald
framlengt
ÞÝSKUR ferðamaður var fluttur
með þyrlu Landhelgisgæslunnar,
TF-GNA, á Fjórðungssjúkrahúsið á
Akureyri um miðjan dag í gær eftir
að hann hrapaði ofan í gil og fót-
brotnaði í Lambártungum í innsveit-
um Skagafjarðar, milli Þorljótsstaða
og Klausturs. Ferðamaðurinn var í
hestaferð á svæðinu þegar atvikið
átti sér stað. Hestinn sakaði ekki.
Tæplega þrjátíu björgunarsveit-
armenn á fimm bílum tóku þátt í út-
kallinu, frá Björgunarsveitinni
Gretti á Hofsósi, Skagafjarðarsveit-
inni á Sauðárkróki og Flugbjörgun-
arsveitinni Varmahlíð, samkvæmt
upplýsingum frá Flugbjörgunar-
sveitinni í Varmahlíð.
Féll í gil og
fótbrotnaði
♦♦♦
♦♦♦
AUGLÝSINGASÍMI 569 1100
Fáðu
sms-fréttir
í símann
þinn af
mbl.is