Morgunblaðið - 16.09.2007, Blaðsíða 6
6 SUNNUDAGUR 16. SEPTEMBER 2007 MORGUNBLAÐIÐ
FRÉTTIR
Eftir Ómar Friðriksson
omfr@mbl.is
Að frumkvæði Vilhjálms Þ.Vilhjálmssonar borg-arstjóra boða hann og lög-reglustjóri höfuðborg-
arsvæðisins til opins
Miðborgarþings með íbúum í Tjarn-
arsal Ráðhússins á morgun, mánu-
dag, kl. 17.30. Yfirskrift þingsins er
„Miðborgin – Hverfið mitt“ en efnt
er til þess í framhaldi af umræðu um
umgengni og framkomu fólks í mið-
bænum um helgar.
Áhersla verður lögð á sjónarhorn
íbúa í miðborginni og er það öllum
opið.
Óásættanlegt ástand
„Málefni miðborgarinnar hafa
verið mikið til umræðu að und-
anförnu og það ætti ekki að koma
neinum á óvart, því það hefur margt
verið til umfjöllunar sem snýr að
ýmsu sem tengist miðborginni, bæði
hvað varðar ástandið um helgar og
líka umgengni og umhirðu í mið-
borginni,“ segir Vilhjálmur í samtali
við Morgunblaðið. „Það ástand sem
ríkt hefur er í mínum huga óásætt-
anlegt,“ segir hann.
Vilhjálmur bendir þó á að ástand-
ið hafi heldur breyst til batnaðar
með því átaki sem lögreglustjóri og
hans fólk hafi staðið fyrir. „Ofbeldi,
drykkjulæti og hávaði með tilheyr-
andi tillitsleysi og virðingarleysi fyr-
ir umhverfinu, skemmdarverk, sóða-
skapur og slæm umgengni, allt eru
þetta þættir sem við þurfum með
ákveðnum hætti að ná tökum á og
draga úr,“ segir Vilhjálmur.
Hann segir að menn hafi of lengi
látið reka á reiðanum. Ljóst sé að
ekki sé um einhvern einn sökudólg
að ræða og segist Vilhjálmur ekki
vera að leita að ákveðnum sökudólg-
um þegar unnið sé að því verkefni að
bæta ástandið.
„Það er greinilegt að það er
ákveðinn hópur fólks sem stendur
fyrir þessu og það er óþolandi að
fólk geti ekki verið tiltölulega öruggt
um sig þegar það fer um miðborg-
ina. Ekki er heldur hægt að una við
þann mikla sóðaskap sem fylgir
þessu, þar sem glerbrot eru úti um
allt, veggjakrot o.s.frv.“
Vilhjálmur segir að borgaryf-
irvöld hafi tekið á þessu með marg-
víslegum hætti. „Við höfum til að
mynda stóraukið hreinsun hér á
miðborgarsvæðinu og aukið fjárveit-
ingar til hreinsunar. Þá er verið að
fjölga ruslafötum á svæðinu og unn-
ið er gegn veggjakroti eins og kostur
er. Það er ekki hægt að una því að
ákveðinn hópur einstaklinga valdi
tjóni á eignum annarra, sem nemur
tugum milljóna. Reykjavíkurborg
ein og sér ver hundrað milljónum
króna í að hreinsa veggjakrot á ári,“
segir Vilhjálmur.
Ákveðin viðhorfsbreyting
hefur orðið að undanförnu
Borgarstjóri er þeirrar skoðunar
að núna sé lag til að reyna með sam-
stilltu átaki að bæta ástandið. „Öll sú
umræða og ákveðin viðhorfsbreyt-
ing sem hefur orðið að undanförnu,
gefur okkur tilefni til að ætla að við
getum náð árangri. Það ber að fagna
aðgerðum lögreglunnar sem hafa nú
þegar borið sýnilegan árangur. Við
eigum öll að stuðla að því að gera
miðborgina okkar að skemmtilegum
og eftirsóknarverðum stað, hvort
heldur sem er að nóttu eða degi,“
segir Vilhjálmur.
Borgaryfirvöld gegna lykilhlut-
verki í þessu verkefni að sögn hans.
Kveðst Vilhjálmur hafa beitt sér sér-
staklega fyrir því að undanförnu að
snúa þessu vandamáli í verkefni sem
unnið er að og hann hafi m.a. rætt
við fjölda fólks, íbúa og veit-
ingamenn, og haldið fundi með lög-
reglustjóra og lykilfólki innan borg-
arkerfisins um málið. Ýmislegt hafi
komið út úr því sem muni vonandi
smám saman leiða til betra ástands í
miðborginni.
Meðal þess sem tekið hefur verið
til skoðunar er nánara samstarf
borgaryfirvalda og lögreglu. Segir
Vilhjálmur að hann og lögreglustjóri
hittist reglulega til að fara yfir þessi
mál.
Fyrir skömmu áttu borgarstjóri
og lögreglustjóri einnig fund með
veitingahúsaeigendum í miðborginni
og segir Vilhjálmur að í ljós hafi
komið mjög eindreginn vilji þeirra
til að taka þátt í þessu verkefni, m.a.
hvað varðar betri umgengni og
hreinlæti fyrir utan veitingastaði. Þá
minnir hann á að gerð verði sú krafa
í nýjum leyfisveitingum til veitinga-
húsaeigenda að þeir haldi sínu nán-
asta umhverfi hreinu eins og kostur
er á og að gestir beri ekki áfengi í
glösum eða flöskum út af veit-
ingastöðum.
„Nánara samráð verður haft við
veitingahúsaeigendur og tilgang-
urinn er að sjálfsögðu sá að menn
setji sér það markmið að bæta
ástandið og fari í ákveðnar aðgerðir
til að svo verði,“ segir hann.
Tilbúin að festa kaup á átta
myndavélum til viðbótar
Meðal úrræða sem stungið hefur
verið upp á til að bæta umgengni og
almenna hegðun gesta í miðborginni
er að fjölga eftirlitsmyndavélum og
auka lýsingu. „Reykjavíkurborg er
tilbúin að festa kaup á átta mynda-
vélum til viðbótar þeim átta sem fyr-
ir eru,“ segir Vilhjálmur. „Við erum
um þessar mundir að leita leiða í
samráði við lögreglu um hvernig
greiða megi fyrir rekstur þeirra.
Mér finnst líka vel koma til greina að
lýsa betur tiltekin svæði í miðborg-
inni. Einnig er borgin tilbúin að
leggja lögreglunni lið með
mannafla.“
Fleiri kallaðir til ábyrgðar?
Nýlega stóð borgin fyrir stofnun
félagsins Miðborg Reykjavíkur, sem
hefur það hlutverk að efla miðborg-
ina í nánu samstarfi við rekstr-
araðila, íbúa og þjónustustofnanir
borgarinnar.
Að sögn borgarstjóra er einnig
verið að fara yfir hreinsunarmálin
hjá borginni og er m.a. til skoðunar
hvort hægt sé að byrja fyrr að
hreinsa til í miðborginni, hvar fjölga
þurfi ruslafötum og hvort kalla megi
fleiri til ábyrgðar í þessum málum.
Vilhjálmur leggur áherslu á að í
þessu sem öðru er snýr að fram-
komu fólks í miðborginni verði að
eiga sér stað viðhorfsbreyting meðal
almennings.
Miklar umræður hafa einnig farið
fram að undanförnu um afgreiðslu-
tíma veitingastaða og hvaða reglur
gilda um rekstur þeirra. Samkvæmt
upplýsingum Vilhjálms er þessa
dagana verið að fara yfir verkferla í
tengslum við umsóknir um leyf-
isveitingar og er m.a. til skoðunar
hvort skýra þurfi betur ábyrgð
þeirra sem reka veitingahúsin.
Fram hefur komið að leigubílstjórar
veigra sér sumir við að fara í mið-
borgina að nóttu til um helgar.
Borgarstjóri segir að boðað verði til
fundar með Frama til að ræða úr-
bætur í leigubílamálum og vænt-
anlegar séu hugmyndir um breyt-
ingar sem muni vonandi bæta
ástandið.
Afla upplýsinga um reglur og
aðgerðir í öðrum borgum
„Við höfum líka sett í gang vinnu
til að afla með skipulegum hætti
upplýsinga um ástandið í borgum er-
lendis, hvað menn hafa gert þar til
að laga það og hvaða reglur gilda í
borgum í nágrannalöndum og víðar.
Vonandi fáum við þar upplýsingar
sem geta gagnast við þau viðfangs-
efni okkar að bæta miðborgina,“
segir hann.
Íbúar í miðbænum hafa ekki síst
kvartað yfir hávaða frá skemmti- og
veitingastöðum um helgar og nætur
og segir Vilhjálmur mikilvægt að
veitingamenn fylgi þeim reglum sem
um þetta gilda. Geri þeir það ekki sé
að sjálfsögðu hætta á að þeir missi
leyfið.
Skiptar skoðanir hafa verið um
hvort æskilegt sé að áfengisverslun
sé í miðbænum og segist Vilhjálmur
vera þeirrar skoðunar að þessi þjón-
usta þurfi að standa til boða á mið-
borgarsvæðinu.
„Því fylgja vandamál,“ segir Vil-
hjálmur um staðsetningu verslunar
ÁTVR í Austurstræti. „Það hefur átt
sér stað mikil útidrykkja og áreitni í
Austurstræti og í grennd við verslun
ÁTVR, og einnig innan um fjöl-
skyldur á Austurvelli. Það er alveg
ljóst að töluverður hópur drukkinna
einstaklinga heldur til í grennd við
áfengisverslunina og eru dæmi um
að þeir áreiti vegfarendur og biðji þá
um peninga. Þetta á sér stað í hjarta
miðborgarinnar. Ég held að hvorki
íbúar né þeir sem eiga þarna leið um
séu sáttir við viðlíka hegðun. Íbúar
sem hafa komið í viðtöl til mín hafa
kvartað mjög undan þessu.“
Veitingastöðum lokað fyrr?
Vilhjálmur segist vilja setja fram
áleitnar spurningar og leita svara.
Á hvern hátt taka eigi á úti-
drykkju ölvaðs fólks í miðborginni.
Hvort loka eigi veitingastöðum fyrr
á nóttunni eins og verið hefur í um-
ræðunni. Hvort rétt sé að hækka
sektir vegna brota á lögreglu-
samþykktum og hvernig megi nota
hana til að ná tökum á ástandinu.
Hvernig viðhorfsbreytingu verður
náð fram, ólík sjónarmið sætt og
hvernig leyst úr hagsmuna-
árekstrum.
„Það liggur ljóst fyrir að borg-
aryfirvöld eru reiðubúin að leita
allra leiða til að ná tökum á þeim
vanda sem við höfum verið að fjalla
um. En borgin gerir þetta ekki ein.
Samstarf fjölda aðila þarf til og vilja
allra til að leggja sitt af mörkum.
Þetta tekur tíma en aðalatriðið er að
við stígum rétt skref í þessum að-
gerðum. Það er mikilvægt að allur
almenningu leggi sitt af mörkum
eins og kostur er og við þurfum líka
að höfða til þess fólks sem hefur
staðið fyrir áreitni og ólátum í mið-
borginni, veggjakroti og slæmri um-
gengni. Það er ekki hægt að sætta
sig við að fólk telji sig hafa frelsi til
þess að valda öðrum óþægindum,
eignaspjöllum eða líkamstjóni.“
Samstillt átak gegn ástandinu
Morgunblaðið/Golli
Ótækt „Það er ekki hægt að una því að ákveðinn hópur einstaklinga valdi
tjóni á eignum annarra, sem nemur tugum milljóna,“ segir Vilhjálmur.
„Það er ekki hægt að sætta sig við að fólk telji sig hafa frelsi til þess að valda öðrum óþægindum,
eignaspjöllum eða líkamstjóni,“ segir Vilhjálmur Þ. Vilhjálmsson borgarstjóri um miðbæjarmálið
Vilhjálmur Þ. Vilhjálmsson borgarstjóri segir að
bæta þurfi umgengni og almenna framkomu
gesta í miðbænum um helgar. Nú þurfi með sam-
stilltu átaki að kortleggja og bæta ástandið.
BÚAST má við líflegum umræðum
á Miðborgarþingi Reykjavíkur í
Ráðhúsinu á morgun. Vilhjálmur Þ.
Vilhjálmsson, borgarstjóri í
Reykjavík, ríður á vaðið með um-
fjöllun um aðgerðir borgaryf-
irvalda til stuðnings jákvæðara
mannlífi og aukinni virðingu gagn-
vart fólki og umhverfi í miðborg-
inni. Stefán Eiríksson, lög-
reglustjóri höfuðborgarsvæðisins,
fjallar því næst um nýjar áherslur í
skipulagi löggæslu í miðborginni.
Að því loknu taka tveir íbúar í
miðborginni til máls. Í erindi undir
yfirskriftinni „Heimsborgarölt“
fjallar Fríða Björk Ingvarsdóttir
um stærilæti og minnimáttarkennd
– sjálfsímynd þjóðar. Því næst mun
Árni Einarsson fjalla um nauðsyn
þess að leita nýrra leiða til að end-
urreisa virðingu miðborgarinnar.
Þá fjallar Sigmundur Davíð
Gunnlaugsson, doktorsnemi í borg-
arskipulagi og hagfræði, um rann-
sóknir sínar á fylgni fegurðar mið-
borga og efnahagslegrar velgengni
þeirra.
Að lokum verður efnt til pall-
borðsumræða með þátttöku fyr-
irlesaranna og áheyrenda úr sal.
Gert er ráð fyrir að Miðborg-
arþingið sem er öllum opið muni
standa frá kl. 17.30 til 19.30.
„Endurreisa
virðingu
miðborgar