Morgunblaðið - 16.09.2007, Blaðsíða 39

Kína Maður grillar mat sem Jóhann og Sonja pöntuðu í litlu veitingahúsi í
Peking. Þar sem einungis kínversk tákn voru á matseðlinum þurftu þau að
fara inn í eldhús og benda, því þótt látbragðsleikur dugi víða virkar ekki
vel í Kína að líkja t.d. eftir hænu eða svíni.
þeirra og vefslóðir, sem hann kann
utanað.
Ánægjunnar vegna
Trúlega eru nöfn frægra
ljósmyndara þó flestum framandi
öðrum en ástríðufullum
ljósmyndurum, enda almenningur
alla jafna forvitnari um myndefnið
heldur en myndasmiðinn. Þrátt fyrir
ævintýralegt líf margra
atvinnuljósmyndara með tilheyrandi
ferðalögum um framandi slóðir
kveðst Jóhann ekki láta sig dreyma
um slíkan starfa.
„Ég bíð ekki eftir því að mér verði
boðið að ferðast um heiminn og taka
myndir, slíkt væri fjarstæða. Hins
vegar myndi ég hugsa málið, ef sú
yrði raunin. Það freistar mín ekki að
verða ljósmyndari við íslenskt
dagblað eða tímarit. Ljósmyndun er
dýrt áhugamál, einkum vegna þess
að græjurnar eru svo dýrar, en ég hef
alltaf tekið myndir á eigin kostnað og
er fyrst og fremst að þessu til þess að
hafa gaman af,“ segir Jóhann og
rifjar upp hvernig eitt leiddi af öðru.
Þegar hann var sex ára varð áhugi
hans á fuglum til þess að hann keypti
sér imbavél til að taka myndir af
fuglunum við Feigsdal í Arnarfirði,
þar sem hann var í sveit. „Ég varð
alltaf fyrir vonbrigðum þegar
filmurnar komu úr framköllun, því
nánast þurfti stækkunargler til þess
að sjá fyrirsæturnar.“
Gott og gjöfult samband
Eftir þessa frumraun í sveitinni
forðum segir fátt af
ljósmyndatilþrifum Jóhanns eða þar
til næstum tveimur áratugum síðar,
árið 1999, að hann keypti sér alvöru
linsuvél „… sem ég náði þó ekki
almennilegu sambandi við,“ játar
hann og að hafa aldrei lært
almennilega á alla takkana. Hins
vegar hefur hann átt gott og gjöfult
samband við stafræna myndavél,
sem hann keypti 2003. „Ég fann að
stafræn ljósmyndatækni átti betur
við mig og fór að prófa mig áfram.
Fyrsta viðurkenningin, sem ég fékk
fyrir ljósmynd, varð mér hvatning til
að halda áfram og kafa dýpra, en ég
lenti í 2. sæti í ljósmyndasamkeppni
Morgunblaðsins 2004 fyrir mynd af
skúm að ráðast á mann á
Ingólfshöfða,“ segir Jóhann, sem upp
úr því hóf að setja myndir sínar í
auknum mæli á Netið og taka þátt í
keppni. Hann hefur unnið til fjölda
verðlauna og viðurkenninga og
kveðst fá mikil viðbrögð á myndirnar
á vefsíðu sinni.
„Við Sonja förum núna í fjórða
sinn í ferðalag saman til útlanda
gagngert til þess að taka myndir. Við
skipuleggjum ferðalögin ekki mikið
fyrirfram heldur látum oft hendingu
ráða hvert dagurinn ber okkur.“
Þrívíddin og
ræturnar
Ljósmyndaáhugi Jóhanns hefur
borið hann víðar en til framandi
landa. Nefnilega inn í heim
þrívíddargrafíkur, þar sem fyrirbæri
á borð við Shrek hafa sprottið upp,
og Litla lirfan ljóta, ef litið er okkur
nær. Jóhann lætur þó ekki meira
uppi um fyrirætlanir sínar en að
hann sé að læra að teikna fígúrur og
fyrir dyrum standi að fara á þriggja
mánaða námskeið í tækninni í
London.
Hann verður öllu upprifnari þegar
talið berst að öðrum verkefnum.
Rætur hans sjálfs eiga þar hlut að
máli.
„Mig langar, í samvinnu við
Særúnu, systur mína, að búa til bók
með andlitsmyndum af allri
móðurfjölskyldu minni, en móðir mín
á 14 systkini svo ættin er orðin býsna
stór. Mamma ólst upp í Hvestudal í
Arnarfirði, en þar á firðinum
sunnanverðum vestan við Bíldudal, í
svokölluðum Ketildölum hef ég tekið
margar myndir, sem ég gæti hugsað
mér að gefa út í bók. Þá hef ég verið
að skanna inn og skrá gamlar
mannlífsmyndir frá Hvestu, sem
móðir mín og ættingjar eiga, og verð
áfram viðloðandi það verkefni því af
nógu er að taka,“ segir Jóhann og
býst til brottfarar. Séu þessi síðustu
orð hent á lofti má þau til sanns
vegar færa í þeim skilningi að fyrir
ljósmyndarann sé myndefnið
óþrjótandi, heima sem heiman, í
fortíð sem framtíð.
vjon@mbl.is
Í HNOTSKURN
» Árið 2004 ferðuðustJóhanna og Sonja
um Austur-Evrópu,
2005 tóku þau
Síberíuhraðlestina frá
Moskvu til Peking með
viðkomu í Mongólíu og
Síberíu og ferðuðust
áfram til Laos og
Taílands. Til Kúbu fóru
þau 2006 og eru nú á
ferðalagi um Indland,
Búthan og Nepal.
» Þau hafa búið tiltvær bækur með myndum úr ferðalögum sínum og gefið út í
takmörkuðu upplagi í gegnum netið, þar sem sú þjónusta er í boði að búa
til bækur og prenta í mjög litlu upplagi.
» Bókin um Havana: blurb.com/bookstore/detail/36883
og bókin um Austur-Evrópu: lulu.com/content/193834
» Þessa dagana blogga þau um ferðalagið í Asíu:sonjaogjoi.blogspot.com
Doðrantur Afrakstur Adobe-
ævintýrsins er rúmlega 300 blað-
síðna kynningar- og uppskriftarbók
fyrir notendur hugbúnaðarins.
na
Ljósmyndarinn Jóhann Guðbjargarson tekur
myndir ánægjunnar vegna.
Morgunblaðið/Brynjar Gauti
MORGUNBLAÐIÐ SUNNUDAGUR 16. SEPTEMBER 2007 39
Fegursta borg Evrópu og eftirlæti Íslendinga sem fara þangað í þús-
undatali á hverju ári með Heimsferðum. Haustið er frábær tími til að
heimsækja borgina. Fararstjórar Heimsferða gjörþekkja borgina og
kynna þér sögu hennar og heill-
andi menningu. Góð hótel í hjarta
Prag auk frábærra veitinga- og
skemmtistaða.
Skógarhlíð 18 • sími 595 1000 • www.heimsferdir.is
Haustið í
Prag
frá kr. 19.990
Munið Mastercard
ferðaávísunina
Verð kr. 33.790 flug & gisting
Flug, gisting, skattar og íslensk fararstjórn. M.v.
gistingu í tvíbýli í 3 nætur á Hotel Ilf með morg-
unmat. Netverð á mann.
Verð kr. 49.990 helgarferð
Flug, gisting, skattar og íslensk fararstjórn. M.v.
gistingu í tvíbýli í 3 nætur 11. okt. á Hotel Ilf
með morgunmat. Netverð á mann.
Verð kr. 19.990
Flugsæti með sköttum báðar leiðir, m.v. útflug á
sunnu- eða mánudegi og heimflug á fimmtudegi.
Netverð á mann.
28. sept. - UPPSELT
1. okt. - laus sæti
4. okt. - UPPSELT
7. okt. - laus sæti
11. okt. - örfá sæti
14. okt. - laus sæti
18. okt. - UPPSELT
22. okt. - laus sæti
12. nóv. - laus sæti
15. nóv. - örfá sæti
18. nóv. - laus sæti
22. nóv. - örfá sæti
Fegursta borg Evrópu
M
bl
9
10
42
6