Morgunblaðið - 16.09.2007, Blaðsíða 49

MORGUNBLAÐIÐ SUNNUDAGUR 16. SEPTEMBER 2007 49
Fasteignasalar frá Eignamiðlun verða á staðnum.
Glæsilegar íbúðir á frábærum stað við sjávarsíðuna með
einstöku útsýni.
Húsið er teiknað af Birni Ólafs.
Sverrir Kristinsson, löggiltur fasteignasali.
NORÐURBAKKI 23-25 – HF
OPIÐ HÚS Í DAG KL. 13-15
Opið hús í dag!
Árni Stefánsson viðskiptafræðingur
og lögg. fasteignasali
FASTEIGNASALAN
GIMLI GRENSÁSVEGI 13, SÍMI 570 4800 - FAX 570 4810
www.gimli.is - ww.mbl.is/gimli
Traust þjónusta í 30 ár
BÓLSTAÐARHLÍÐ 8 - HÆÐ
OPIÐ HÚS Í DAG FRÁ KL. 15 - 16
Falleg og björt 117 fm efri hæð, ásamt 28 fm sérstæðum bílskúr, samtals 145,5 fm.
Hæðin skiptist í þrjú svefnherbergi ( þar af eitt forstofuherb.), tvær stofur, hol, bað og
eldhús með hvítlakkaðri innréttingu. Bílskúr er innréttaður sem íbúð og er í útleigu.
Gólfefni er parket, teppi og marmaraflísar. Húsið er í mjög góðu ásigkomulagi og er
mjög vel staðsett. Þetta er eign sem býður upp á mikla útleigumöguleika ef vill. Garð-
ur í góðri rækt. Einnig er hægt að kaupa risíbúðina sem er tvö svefnherbergi, stofa,
baðherbergi og eldhús. Gólfefni er parket, teppi og flísar. LAUS STRAX
Verð á hæð 41.0 millj. Verð á risi 18.9 millj. Samtals verð 59.9 millj
Verið velkominn í dag milli 15-16
Guðrún og sölumaður frá Gimli taka á móti gestum
BÓLSTAÐARHLÍÐ 8 – RIS
Björt og vel skipulögð 43 fm 3ja herb. íbúð í risi ( gólfflötur 81 fm. ) í góðu fjórbýli.
Íbúðin er tvö svefnherbergi, stofa, baðherbergi og eldhús. Útg. úr herbergi á góðar
suður svalir. Gólfefni er parket, teppi og flísar. Verð 18.9 millj. LAUS STRAX
Einnig er hægt að fá keypta neðri hæð 117 fm ásamt 28 fm bílskúr.
Verið velkominn í dag milli 15-16
Guðrún og sölumaður frá Gimli taka á móti gestum
NÚ Í vikunni öðlaðist Háskólinn í
Reykjavík viðurkenningu á kennslu-
og rannsóknarstarfi í verk- og
tæknivísindum, en við skólann er
kennd tölvunarfræði, verkfræði,
tæknifræði og iðnfræði í tveimur
deildum, tölvunarfræðideild og
tækni- og verkfræðideild. Í grein-
argerð þeirra erlendu sérfræðinga
sem menntamálaráðuneytið fékk til
að vinna að viðurkenningunni, kem-
ur skýrt fram hversu miklu Háskól-
inn í Reykjavík hefur áorkað á
skömmum tíma, bæði í kennslustarfi
og rannsóknum.
Uppbygging Háskólans í
Reykjavík
Í greinargerð sérfræðinganefnd-
arinnar er lýst yfir aðdáun á þeirri
fagmennsku sem ríkir við HR og
þeim gæðakröfum sem þar eru
gerðar, sérstaklega í ljósi þess
hversu nýr háskólinn er. Einnig er
tekið fram að ljóst sé að skólinn hafi
áorkað gríðarlega miklu á stuttum
tíma og fannst sérfræðinganefnd-
inni mikið koma til árangurs skólans
á sviðum kennslu og stjórnunar, svo
og árangurs við uppbyggingu rann-
sóknarstarfa.
Til enn frekari sönnunar á því
hversu mikið hefur áunnist á
skömmum tíma í uppbyggingu
kennslu og rannsókna við HR, má
líka vísa í hina margumtöluðu
skýrslu Ríkisendurskoðunar frá því
fyrr í sumar þar sem borin voru
saman gæði kennslu og rannsókna í
tölvunarfræði, viðskiptafræði og
lögfræði í háskólum á Íslandi. Þar
kom skýrt fram að HR hefur for-
ystu í gæðum kennslu og þjónustu
við nemendur, þrátt fyrir að vera
ungur háskóli. Þessi niðurstaða er
einnig í samræmi við ályktanir sér-
fræðinganefndarinnar sem segist
bæði meta áherslur HR á að halda
brottfalli á fyrsta ári innan við-
unandi marka, og hrífast af þeirri
tryggð og þeim stuðningi sem nem-
endur sýna skólanum, enda séu
nemendur virkir þátttakendur, ein-
beittir og meðvitaðir um metnað
sinn og markmið. Í greinargerðinni
er enn fremur bent á að nemendur í
HR finni fyrir stuðningi og metnaði
innan skólans, og að kennarar séu
jákvæðir, hjálpsamir og aðgengileg-
ir.
Háskólinn í Reykjavík er rann-
sóknarháskóli
Af skýrslu Ríkisendurskoðunar,
sem náði til áranna 2003-5, mátti
ætla að HR væri ekki í forystu á Ís-
landi hvað varðar rannsóknarvirkni
í tölvunarfræði, sem var sú tækni-
og verkfræðigrein sem skoðuð var í
þeirri skýrslu. En þegar litið er til
ungra háskóla í örum vexti, þá mun-
ar um hvert ár. Það er því áhuga-
vert að skoða eina mælistiku Rík-
isendurskoðunar, fjölda birtinga á
hvern akademískan starfsmann,
þegar árinu 2006 er bætt við. (Sjá
meðfylgjandi línurit.) Út úr þessu
má auðveldlega lesa að Háskólinn í
Reykjavík hefur í dag tekið forystu í
rannsóknum í tölvunarfræði á Ís-
landi. En öllum tölulegum mæli-
kvörðum skal tekið með varúð og
því óráðlegt að draga af þessu álykt-
anir um hvort HR eða HÍ „dúxi“ í
rannsóknarvirkni. Það er hins vegar
enginn vafi á því að Ísland hefur nú
tvo öfluga rannsóknarháskóla. Það
eru góðar fréttir, bæði fyrir metnað
þjóðarinnar í menntamálum og fyrir
uppbyggingu og þróun hátækniiðn-
aðar á Íslandi í framtíðinni.
Jákvæð þróun í
háskólastarfi á Íslandi
Aukið framboð háskólanáms má
rekja til þeirrar ákvörðunar stjórn-
valda að auka frelsi í háskóla-
menntun á Íslandi. Sú ákvörðun
hrinti af stað mjög jákvæðri þróun,
enda hefur háskólum og náms-
leiðum fjölgað mikið undanfarinn
áratug.
Háskólinn í Reykjavík hefur sýnt
og sannað að einkaframtak á vel við
háskólanám. Lykillinn að þeirri þró-
un hefur verið trygging þess að
stjórnendur, fræðamenn og kenn-
arar skólans hafi fullt frelsi til þess
að byggja upp nám og rannsóknir,
án íhlutunar þeirra hagsmunaaðila
sem hlut eiga í skólanum. Þetta hef-
ur tekist vel hjá HR, enda tekur sér-
fræðinganefndin sérstaklega fram
að atvinnulífið styðji vel við bakið á
skólanum en skipti sér þó ekki af
kennslu eða rannsóknum á neinn
hátt sem óeðlilegur gæti talist.
Síðastliðinn áratug hefur verið
mikil gróska í háskólastarfsemi á Ís-
landi. Háskólum og námsleiðum hef-
ur fjölgað, og að sama skapi þeim
sem stunda háskólanám. Á sama
tíma hafa rannsóknir eflst verulega í
háskólum landsins. En vöxtur má
ekki koma niður á gæðum, og því er
nauðsynlegt að tryggja að háskól-
arnir, bæði á sviði rannsókna og
kennslu, uppfylli ströngustu gæða-
kröfur og að tryggt sé að fjármagni
því sem veitt er til kennslu og rann-
sókna sé vel varið.
Við fögnum þeirri áherslu sem
menntamálaráðuneytið leggur á
gæðaeftirlit fyrir háskóla á Íslandi,
og þeirri stefnu að nota alþjóðlega
viðurkenndar aðferðir, eins og óháð-
ar sérfræðinganefndir fyrir við-
urkenningarferli. Slík vinnubrögð
eru lykilatriði þess að tryggja gæði
kennslu og rannsókna í háskólum
Íslands í framtíðinni.
Verk- og tæknivísindi
við Háskólann í Reykjavík
Gunnar Guðni Tómasson og Ari
Kristinn Jónsson skrifa um
gæði og gæðaeftirlit háskóla
» Í greinargerð sér-fræðinganefnd-
arinnar er lýst yfir að-
dáun á þeirri
fagmennsku sem ríkir
við HR og þeim gæða-
kröfum sem þar eru
gerðar.
Birt greinarígildi á hvern starfsmann í tölvunarfræði
Gunnar Guðni er forseti tækni- og
verkfræðideildar HR og Ari Kristinn
er forseti tölvunarfræðideildar HR.
Gunnar Guðni Tómasson og Ari Kristinn Jónsson