Morgunblaðið - 16.09.2007, Blaðsíða 38

ljósmyndir
38 SUNNUDAGUR 16. SEPTEMBER 2007 MORGUNBLAÐIÐ
Tölvur og forritun hafa veriðaðaláhugamál JóhannsGuðbjargarsonar frá þvíhann var unglingur.
„Hversu sorglegt sem það nú er,“
segir hann sposkur á svip. Ég spyr
ekki hvort hann hafi verið „nörd“,
orðið svífur einhvern veginn í loftinu.
Núna er hann tölvunarfræðingur
með BS gráðu frá Háskólanum í
Reykjavík og starfar sem þróun-
arstjóri hjá AGR, aðgerðagreiningu
ehf. Hann er líka með óbifandi áhuga
á ljósmyndun, sem hefur leitt hann á
vit ævintýra innanlands sem utan.
Mannlíf í mismunandi löndum er
honum enda hugleiknasta viðfangs-
efnið.
Hann segir koma sér til góða að
vera vel að sér um hugbúnað, mynd-
vinnslu, flokkun og annað, sem nauð-
synlegt sé að kunna skil á eftir að
stafræn ljósmyndatækni kom til sög-
unnar.
Lýsingarherbergið
Svo vel er hann að sér að George
nokkur Jardin, sem er þekkt nafn í
bransanum, setti sig í samband við
hann með svohljóðandi tölvupósti á
síðasta ári: „Is this Johann who is
posting on The Lighting Room?“ (Er
þetta Jóhann, sem skrifar á [spjall-
vefinn] Lýsingarherbergið?).
Rax, ljósmyndari hér á Morg-
unblaðinu, hafði sagt mér undan og
ofan af merkilegu samstarfi Jóhanns
og Jardins sumarið 2006 og lagði til
að tekið yrði viðtal við Jóhann „… því
hann væri líka alveg frábær ljós-
myndari.“
Það síðastnefnda var auðvelt að
sannreyna á myndasíðunni: guð-
bjargarson.net, sem vísar á blog.gud-
bjargarson.net. Myndir úr ólíkum
áttum í hundraðavís bera fegurð-
arskyni og frumleika ljósmyndarans
eins gott vitni og umgjörðin tölv-
unarfræðingnum.
Úr verður að Jóhann kemur í við-
tal daginn áður en hann leggur upp í
enn eina ævintýraferðina með ljós-
myndavélina í farteskinu; þriggja
mánaða ferð um Búthan, Nepal og
Indland, ásamt Sonju Þóreyju Þórs-
dóttur, unnustu sinni, sem einnig er
áhugaljósmyndari.
Á ferð með goðsögnum
Hann heldur á þykkri bók, Photos-
hop Lightroom Adventure. „Afrakst-
ur Adobe-hópsins á Íslandi sumarið
2006,“ útskýrir hann um leið og hann
leggur rúmlega þrjú hundruð síðna
doðrantinn á borðið. Lag að víkja að
verkefninu, sem hann tók þátt í eftir
tölvupóstinn frá fyrrnefndum Jardin.
„Ég hélt hann ætlaði að skamma
mig fyrir eitthvað sem ég hafði látið
flakka á spjallvef um þennan nýja
hugbúnað, Photoshop, fyrir
ljósmyndavélar, sem Adobe var með
kynningu á, en hafði ekki sett í
almenna dreifingu,“ upplýsir Jóhann,
sem hafði þar haft margt til málanna
að leggja.
En Jardin, sem er kynningarstjóri
hjá Adobe og með það helst á sinni
könnu að kynna sér óskir
ljósmyndara, ætlaði ekki að
skammast. Þvert á móti leist honum
svo vel á athugasemdir og innlegg
Jóhanns að hann bauð honum að vera
sína hægri hönd á 10 daga ferðalagi
hans og sautján manna hóps atvinnu-
og áhugaljósmyndara og starfsfólks
Adobe um Ísland.
„Markmiðið var að prófa
hugbúnaðinn með ljósmyndurum og
taka myndir í allt kynningarefnið hér
á landi, þar á meðal í þessa bók, sem
er í senn kennslu- og uppskriftarbók
fyrir þá sem vilja nota forritið til að
vinna myndir.
George sagði mér að flestir
ljósmyndaranna hefðu áhuga á
landslagsmyndum, en sjálfan langaði
hann að taka myndir af fólki og sig
vantaði einhvern staðkunnugan. Ég
varð himinlifandi, þótt ég vissi ekkert
við hverju mátti búast. Okkur Sonju
var boðið að koma með í ferðalag um
Reykholt, Snæfellsnes, Nesjavelli og
Reykjavík, og ég endaði sem nokkurs
konar leiðsögumaður hópsins. Sem
áhugaljósmyndurum þótti okkur
mikil viðurkenning að vera í hópi með
goðsögnum á borð við John Isaac,
Bill Atkinson og Michael Reichmann,
svo aðeins fáeinir séu taldir, og fá
ljósmyndir okkar birtar í sömu bók
og þeir sínar,“ segir Jóhann,
„stórkostlegur tími,“ bætir hann við
og lýsir nánar:
„Við vöknuðum snemma, fórum út
og tókum myndir og á kvöldin sátum
við saman, drukkum vín, unnum
myndirnar í tölvunum og bárum
saman bækur okkar. Margt sem fyrir
mér var hversdagslegt í umhverfinu
þótti samferðafólki mínu mjög
merkilegt, til dæmis litlu kirkjurnar
úti um allt land. Allir voru hrifnir af
landi og þjóð, eiginlega
hálfdolfallnir.“
Adobe-ævintýrið er ekki úti enn
sem komið er því Jóhann er orðinn
einn þeirra sem prófa útgáfur hjá
Adobe Lightroom áður en þær koma
fyrir almenningssjónir. Hann er
svokallaður Beta prófari fyrir
hugbúnaðinn.
Fleiri ævintýri
Jóhanni og Jardin hafði orðið vel til
vina og þegar þau Sonja ákváðu að
fara á ljósmyndaráðstefnu í New
York skömmu eftir ferðalagið bauð
hann þeim að gista hjá vinafólki sínu.
„Hann greiddi götu okkar á allan hátt
í tengslum við ráðstefnuna, bauð
okkur meira að segja í
kvöldverðarboðið, The Pixel Mafia
Dinner, sem er lokað matarboð og
aðalfólkið í stéttinni slæst um að
komast í. Þar sátum við til borðs með
ekki ófrægari ljósmyndurum en
James Nachtwey og Greg Gorman,“
segir Jóhann. Ekki aðeins þekkir
Jóhann nöfn þekktustu ljósmyndara
heims, heldur hefur hann kynnt sér
verk þeirra og lífshlaup og lætur
upplýsingarnar fljóta með
jafnharðan og hann nefnir nöfn
Kúba Menn fara ekkert í felur með
að reykja góða vindla í Havana.
Ísland Jónsi í Sigur Rós á tón-
leikum á Klambratúni.
Pólland Gamli gyðingakirkjugarðurinn í Kraká í Póllandi.
Stafróf myndan
Taíland Kynskiptingur dansar á sýningu í Norður-Taílandi.
Áhugi Jóhanns Guð-
bjargarsonar á tölvum og
ljósmyndun blandast
saman í starfi og tóm-
stundum. Líkt og sum-
arið 2006 þegar hann var
leiðsögumaður hóps frá
hugbúnaðarfyrirtækinu
Adobe um Ísland. Val-
gerður Þ. Jónsdóttir
skoðaði afrakstur þeirrar
vinnu sem og ljósmyndir
Jóhanns héðan og þaðan.