Morgunblaðið - 16.09.2007, Blaðsíða 54
54 SUNNUDAGUR 16. SEPTEMBER 2007 MORGUNBLAÐIÐ
UMRÆÐAN
Til sölu eignarhaldsfélag. Fasteign
félagsins er fjölbýlishús við Strauss-
berger Strasse, í Berlín, Þýskalandi.
Húsið er með 20 íbúðum, þar af eru
15 í útleigu. Nánari uppl. hjá HÚSA-
NAUST fasteignasölu, Borgartúni
29. Verð 60 millj.
BERLÍN - FYRIR FJÁRFESTA
Rauðagerði 14 - 1. hæð
Opið hús í dag sunnudag frá kl. 16-18
Falleg 166,5 fm hæð, þar af 22,5 fm bílskúr
á góðum stað. Stórar og bjartar stofur, 3
svefnherb., tvennar svalir, sérinng. Vel
viðhaldið hús með fallegum garði. Búið að
teikna upp breytingar á íbúðinni. Laus
fljótlega. V. 39,9 millj.
Davíð og Sigrún taka á móti áhugasömum
í dag, sunnudag, frá kl. 16-18.
Þórarinn M.Friðgeirsson
lögg.fasteignasali
Sími 899-1882
Sími 588 4477
ATVINNUHÚSNÆÐI TIL LEIGU
Bakkabraut 4 - Kópavogi
Til leigu mjög gott ca 625 m2 iðnaðarhúsnæði við Bakkabraut í Kópavogi. Fiskvinnsla hefur
verið rekin í húsinu á undan förnum árum. Húsnæðið skiptist í tvo sali með innkeyrsludyrum,
kæliklefa, starfsmannaaðstöðu og litla skrifstofuaðstöðu á efri hæð. Gott malbikað plan er
fyrir framan. Hér er um að ræða mjög rúmgott húsnæði sem hentað getur margvíslegri starf-
semi. Húsnæðið er laust, hagstæð leigukjör.
Allar frekari upplýsingar veitir Jón Gretar Jónsson
sölumaður Húsakaupa í síma 840 4049.
Guðrún Árnadóttir lögg. fasteignasali
Tjarnarmýri 39, Seltjarnarnesi
Falleg 4ra herb. útsýnisíbúð
Opið hús í dag frá kl. 14-15
FASTEIGNA-
MARKAÐURINN
ÓÐINSGÖTU 4, SÍMI 570 4500, FAX 570 4505.
OPIÐ VIRKA DAGA KL. 9–17.
Netfang: fastmark@fastmark.is
Heimasíða: http://www.fastmark.is/.
Jón Guðmundsson, sölustjóri og lögg. fasteignasali.
Guðmundur Th. Jónsson, lögg. fasteignasali.
Einstaklega björt og falleg 106 fm 4ra herb. íbúð á tveimur hæðum í vönduðu
fjölbýli á þessum eftirsótta stað. Íbúðin skiptist í bjart hol, rúmgóða stofu
með útsýni til suðurs, opið eldhús með fallegri, hvítri innréttingu, 2 herbergi
og baðherbergi, auk vinnu-og /eða sjónvarpsstofu á efri hæð. Mjög góð
lofthæð í eldhúsi og stofu og útgangur úr eldhúsi á flísalagðar suðursvalir.
Massíft eikarparket á gólfum. Stæði í upphitaðri bílageymslu og 10 fm sér
geymsla í kj. Stutt í skóla og leikskóla. Verð 37,5 millj.
Íbúðin verður til sýnis í dag, sunnudag, frá kl. 14-15.
Íbúð merkt 0302.
Verið velkomin.
m
b
l
9
0
9
6
7
0
Á FJÓRÐUNGSÞINGI Vest-
firðinga á Tálknafirði um helgina
komu fram margar athyglisverðar
tillögur. Ein þeirra vakti mikil við-
brögð – svo ekki sé
kveðið fastar að orði.
Innihald hennar var
að kanna kostina og
gallana við það að
lýsa yfir efnahags-
legu sjálfstæði Vest-
fjarða – stofna fríríki.
Mörgum þykir eflaust
að hér sé um vitlausa
grínhugmynd að ræða
sem ekkert erindi
eigi inn í umræðuna.
Ég er því ósammála.
Það myndi vissulega
orka tvímælis að
senda slíka ályktun óbreytta frá
þinginu en tillaga sem þessi snert-
ir samt kjarnann í stöðu Vest-
fjarða í dag. Það fór að lokum svo
að tillagan fór breytt út úr nefnd
og var samþykkt að fela stjórn
sambandsins að skoða hlutdeild
Vestfjarða í efnahagskerfi þjóð-
arinnar sl. áratugi. Þessi könnun
er mjög svo athyglisverð og fróð-
legt verður að fylgjast með nið-
urstöðun hennar.
Sóknin í fiskinn, sem ekki er
lengur frjáls, hefur snúið öllu á
hvolf – vissulega er aflaverðmætið
mikið en það þarf æ færri hendur
til að vinna fiskinn. Tekjuskipting
ríkis og sveitarfélaga og skatt-
kerfið í heild hafa tekið slíkum
breytingum að köld
hagkerfi sitja eftir.
Stóriðjubjargræðisráð
undangenginna rík-
isstjórna hafa ekki
haft þensluhvetjandi
áhrif á Vestfjörðum
og sem verra er hefur
þenslan annars staðar
haft neikvæð áhrif á
efnahagslíf Vest-
fjarða. Það er með
ólíkindum að hagfræði
opinberra aðila gangi
út á innspýtingu í heit
hagkerfi en samdrátt
á köldum svæðum. Enn og aftur
er vert að minnast þess sem
Roosevelt gerði í stöðnuðu hag-
kerfi Bandaríkjanna 1933 – og
kom hagkerfi þjóðar sinnar aftur í
gang á nokkrum misserum. Svæð-
isbundin innspýting er alþekkt
fyrirbæri og eitt af verkfærum
stjórnvalda hverju sinni.
Þeir sem keyra frá Brjánslæk
norður til Bolungarvíkur fara ekki
á mis við gríðarlega náttúrufegurð
svæðisins. Ég er sannfærður um
að svæðið sé nær fullkomið með
tilliti til náttúrufegurðar og um-
gjarðar sem fjölskylduvænt um-
hverfi. Það vantar hins vegar ým-
islegt upp á til þess að hér geti
allt blómstrað á ný. Stjórnvöld
bera þar mikla ábyrgð og hafa í
hendi sér ýmis verkfæri sem geta
haft gríðarlega mikil áhrif til góðs.
Vestfirðingar sjálfir verða líka að
leggja ýmislegt á sig til þess að
uppbyggingin megi takast sem
best. Téður Roosevelt sagði einnig
við bandarísku þjóðina: „Það eina
sem við þurfum að óttast er óttinn
sjálfur.“ Það er lykilatriði fyrir
fólk á svæðinu að leggja óttann á
hilluna því hann mengar og dreg-
ur úr bjartsýni og framtakssemi.
Nú virðist ljóst að gríðarleg inn-
spýting í hagkerfið haldi áfram á
suðvesturhorninu með álveri í
Helguvík og stækkun Norðuráls.
Þetta kallar á frekari virkj-
anaframkvæmdir á svæðinu. Rík-
issjóður og ríkisfyrirtæki koma til
með að dæla fjármagni í sjóðandi
heitt hagkerfi höfuðborgarsvæð-
isins. Vestfirðingar hafa komið
fram með mjög svo raunhæfar og
sanngjarnar hugmyndir sem lík-
legt er að komi til með að hafa
áhrif á uppbyggingu Vestfjarða.
Vissulega er mikilvægast að hraða
uppbyggingu grunngerðarinnar,
þ.e. vega, fjarskipta og raforku-
mála, en einstaka aðgerðir hafa
áhrif strax.
Bygging öldrunardeildar í Bol-
ungarvík og skipulagning endur-
menntunar á byggingartímanum
er aðgerð sem hefði mikil áhrif og
það strax. Kostnaðurinn er óveru-
legur þegar horft er á heild-
armyndina. Stofnun sjálfstæðs há-
skóla á Vestfjörðum myndi
sömuleiðis skila gríðarlega miklu á
stuttum tíma. Fyrir vestan eru nú
þegar nokkrir háklassavís-
indamenn sem gætu tengst rann-
sóknum og kennslu á sínu sviði frá
fyrsta degi. Niðurgreiddar strand-
siglingar á meðan uppbygging
veganna á sér stað myndi skila sér
beint í buddu íbúa og fyrirtækja á
svæðinu. Hér er aðeins stiklað á
stóru og fleiri raunhæfar og góðar
hugmyndir liggja hjá stjórnvöld-
um til skoðunar.
Boltinn liggur hjá stjórnvöldum
en þolinmæðin, sú dyggð sem hef-
ur verið Vestfirðingum tömust í
gegnum tíðina, er ekki takmarka-
laus. Verkefni Vestfirðinga er hins
vegar að henda óttanum fyrir róða
og sýna fram á mikilvægi fjórð-
ungsins frá öllum hliðum. Bjart-
sýni fer miklu betur með réttsýn-
inni en ótti og gremja. Með
bjartsýnina og réttsýnina að vopni
er ekkert sem kemur í veg fyrir
uppbyggingu Vestfjarða.
Réttsýni – bjartsýni
Grímur Atlason skrifar um
uppbyggingu Vestfjarða »Með bjartsýnina ogréttsýnina að vopni
er ekkert sem kemur í
veg fyrir uppbyggingu
Vestfjarða.
Grímur Atlason
Höfundur er bæjarstjóri
Bolungarvíkur.
AUGLÝSINGASÍMI 569 1100
Fréttir
í tölvupósti