Morgunblaðið - 16.09.2007, Blaðsíða 33

MORGUNBLAÐIÐ SUNNUDAGUR 16. SEPTEMBER 2007 33
Firma Consulting (www.firmaconsulting.is) er
ráðgjafafyrirtæki sem sérhæfir sig í ráðgjöf við
kaup og sölu millistórra og stórra fyrirtækja.
Firma Consulting leggur áherslu á persónulega
og faglega þjónustu með áherslu á gæði, trúnað
og traust í vinnubrögðum sínum.
Firma Consulting veitir m.a. eftirtalda þjónustu:
• Aðstoð við kaup og sölu fyrirtækja á Íslandi.
• Aðstoð við kaup og sölu fyrirtækja erlendis
í samstarfi við sérhæfð fyrirtæki á því sviði.
• Aðstoð við sameiningu fyrirtækja.
• Aðstoð við verðmat á fyrirtækjum.
• Aðstoð við gerð kaupsamninga.
• Rekstrarráðgjöf.
Firma Consulting, Þingaseli 10, 109 Reykjavík,
GSM: (+354) 820 8800 og (+354) 896 6665,
Fax: (354) 557 7766, Veffang: firmaconsulting.is
Magnús Hreggviðsson viðskipta-
fræðingur og löggiltur fyrirtækja-,
fasteigna- og skipasali. Magnús er
með áratuga reynslu af endur-
skoðunarstörfum, sem rekstrar-
ráðgjafi, fyrirtækja- og fasteignasali,
útgefandi, fasteignarekandi,
„land-developer“ í Smárahvammi
og starfandi stjórnarformaður í
nokkrum fyrirtækjum. Magnús er
aðalráðgjafi hjá Firma Consulting.
(magnus@firmaconsulting.is)
Við finnum
kaupendur og
seljendur að
fyrirtækjum
synlegt að fólk geti um tíma leitað í
hópa til að fá útrás fyrir sorg sína og
komast svo út úr henni. Ef farið er vel
í gegnum sorgarferlið skilar það
þroskaðra fólki.“
– Hvernig eru prestar almennt í
stakk búnir til að sinna sálgæslu-
hlutverkinu?
„Þegar ég var í guðfræðideildinni
þá lærðum við sálgæslufræði, svo
voru í boði aukakúrsar í sálgæslu, ég
tók þrjá slíka. Það var mikil áhersla
lögð á sálgæslufræðina þegar ég var
að læra. Ég sótti m.a. kúrs í ágripi af
geðsjúkdómafræði og annan í samtal-
stækni.“
Sálgæsluþátturinn
er mjög stór
„Ég tel að sálgæsluþátturinn í
starfi prestsins sé svo stór – og eigi
að vera svo stór – að það þurfi að
leggja miklu meiri áherslu á kennslu
og þjálfun í þeim efnum en gert hefur
verið hingað til. Hvað mig snertir hef-
ur sálgæslunámið komið mér mun
betur en öll sú gríska sem ég lærði –
án þess að ég sé að gera lítið úr þeim
lærdómi! Eins og þjóðfélagið hefur
þróast vildi ég persónulega sjá guð-
fræðina samfélagsmiðaðari. Það er
þörf á aukinni þjálfun í sálgæslu, það
þarf að senda prestefni á vettvang og
gefa þeim þannig reynslu í þessum
efnum. En allt er þetta í þróun og í
deildinni er verið að gera góða hluti.“
– Hvaða sjónarmið eru helst uppi
þegar prestar eru valdir til starfa?
„Til eru reglur um prestaval, en í
sumum tilvikum virðist sem í vali
presta gildi eitt í dag og annað á
morgun. Engu er líkara en menn velji
fyrst prestinn og búi svo til eftir á
skýringar á hvers vegna viðkomandi
varð fyrir valinu. Það er eins og
stundum fari af stað eitthvert tilfinn-
ingaferli sem ráði ferðinni á kostnað
hæfni og kunnáttu. Þessu mætti
breyta.
Sálgæslukunnátta er til dæmis
ekki nægilega mikils metinn þáttur
að minni hyggju.“
– Hvar reynir mest á sálgæslu-
hlutverkið – á landsbyggðinni eða í
þéttbýli?
„Þörfin er alls staðar eins, en það
er hins vegar meira af öðrum sérfæð-
ingum í þéttbýli – læknum og fagfólki
á ýmsum sviðum.“
– Er ykkur kennt að verja ykkur á
sama hátt og því fagfólki?
„Í starfi okkar er boðið upp á hand-
leiðslu og í starfsþjálfun er komið inn
á slíka hluti. Í dag á þetta að vera inni
í starfsþjálfuninni.“
Var róttækur ungur eins og
Sigurbjörn biskup
– Hvar kemur trúin inn í þetta
ferli?
„Innst inni í sálarlífi prestsins er
trúin nauðsyn, en hann þarf ekkert
að vera að tala um slíkt í sálgæslunni.
Vel heppnuð sálgæsla endar yfirleitt
með því að viðkomandi manneskja
verður opnari fyrir trúnni – ég geri
aldrei kröfur um að viðkomandi ein-
staklingur sem til mín leitar eigi sér
trú, en það er eins og hún komi oft í
lokin sem árangur eða afleiðing af
góðu sambandi – góðri líðan.
Um séra Friðrik Friðriksson var
sagt að hann „andaði trúnni út um
svitaholurnar“ en væri ekki alltaf að
tala um hana. Það er betra að miðla
trúnni þannig. Þegar fólk hefur farið í
gegnum það prógramm sem ég vinn
eftir er eins og það sé allt í einu tilbúið
að hefja sig upp á hið andlega svið,
slaka á og fela hlutina æðri mætti – þá
kemur friður og ró inn í líf þess – það
er ekki lengur höfundur að velgengi
sinni eins og haldið er að fólki t.d. í
bókinni The Secret, sem gerð var
mynd eftir.
Andinn í slíkum sjálfshjálpar-
fræðum nútímans er:
Verði minn vilji og verði hann fyrir
minn mátt – meðan trúin segir aftur á
móti: verði þinn vilji og hjálpa þú mér.
Það síðarnefnda færir fólki sálarfrið.“
– Þú trúir því að bænin færi manni
frið?
„Það er engin spurning. Hún er
bæði uppbyggjandi sálfræðilega séð
og hún er líka á einhvern óútskýr-
anlegan hátt lykill að æðri mætti sem
ég kann ekki að skilgreina. Mér finnst
ánægjulegt hve margt fólk kennir
börnum sínum bænir, það er arfur
sem berst milli kynslóða.“
– Þú átt það sameiginlegt með hin-
um stóra kirkjuhöfðingja okkar tíma,
séra Sigurbirni Einarssyni, að hafa
verið róttækur í þjóðfélagsskoðunum
á yngri árum?
„Já, ég var það en ég get ekki neit-
að því að ég hef orðið æ hægri sinn-
aðri eftir því sem ég hef öðlast meiri
reynslu. Ég var mjög ringlaður á
skólaárunum og óviss um hvað ég
ætti að taka mér fyrir hendur. Ég var
hrifinn af hugmyndasögu sem ég
hafði lært af Jóni Hnefli Aðalsteins-
syni, sem var kennari í MH og sjálfur
prestur – þessi hugmyndasaga heill-
aði mig. Ég varð líka mjög upptekinn
af hinum innblásnu prédikunum Sig-
urbjörns biskups, þetta tvennt átti
líklega ásamt fleiru einna sterkasta
þáttinn í að ég leitaði á þessar brautir.
Ég fór þó í hringi – úr guðfæði í lög-
fræði og tók þar próf í sifjarétti, og
þaðan aftur í guðfræðina. En þegar
upp er staðið er ég þakklátur fyrir að
hafa haft tækifæri til að leita svo víða
fanga og hafa fengið samanburð sem
hefur nýst mér vel í starfi.
Ég var leitandi – ég var vissulega
trúaður sem barn en síðan þróaðist
trúin innra með mér aftur síðar. Ég
fann þetta gerast þegar ég las mér til
í Gamla testamentinu, fann þar vænt-
ingar sem fengu uppfyllingu í Nýja
testamentinu – en mestum áhrifum
varð ég fyrir þegar ég fór að lifa mig
djúpt inn í líf Jesú Krists.“
Til Jesú er alltaf hægt að leita
– Hvað segir þú þá um auglýsingu
Símans, þar sem síðasta kvöld-
máltíðin er sett á svið ?
„Jesús Kristur stendur undir þessu
– hann er svo sterkur. Annað mál er
að ég minnist þess varla að hafa séð
jafn fallega mynd af kvöldmáltíðinni
og birtist fyrir skömmu í blöðum.
Kannski er Jesús nær fólki eftir þessa
auglýsingu. Alltént sýna viðbrögðin
við þessari auglýsingu að trúin og
kirkjan eiga sterkar og lifandi rætur í
samfélaginu.
Til Jesú er alltaf hægt að leita. Í
hinu andlega samhengi er það hár-
rétt, en í hinu daglega amstri er lífið
oft óréttlátt. Menn uppskera ekki allt-
af eins og þeir sá. Himnaríki er ekki
alveg komið, mér þykir leitt að segja
það. En menn verða að læra að taka
því. Kannski er hinn stóri sálgæslu-
boðskapur: Þrátt fyrir allt ætlum við
að halda áfram.“
Séra Kristinn Ágúst Friðfinnsson
er sóknarprestur í Hraungerðis-
prestakalli en býr á Selfossi og hefur
þar að eigin sögn mjög góða aðstöðu
til að taka á móti fólki.
„Það geta allir leitað til mín sem
vilja, ekki aðeins sóknarbörn mín,“
segir hann og bætir við: „Ég hef góða
aðstöðu, fólk getur smeygt sér inn til
mín án þess að neitt beri á. Þetta er
mikilvægt, hinn ytri rammi sálgæsl-
unnar þarf að vera fyrir hendi og
hann hef ég á skrifstofu minni. Ég er
þakklátur fyrir það.
Ég er lánsamur með mín sóknar-
börn, þetta er friðsamt og elskulegt
fólk sem hefur gefið mér gleði í starfi.
Sunnlendingar eru hógværir í dagfari
og drenglyndir, það er engin þjóð-
saga, sú er reynsla mín af þeim sem
til mín hafa leitað.“ Þess má geta að
séra Kristinn er ættaður af Suður-
landi í föðurætt en er Strandamaður
og Vestfirðingur í móðurætt. Kona
hans er Anna Margrét Guðmunds-
dóttir hjúkrunarfræðingur og
djáknanemi. Þau eiga fjögur börn.
„Þau eru öll á hraðri ferð út í lífið
eins og gengur og það skilur eftir
ákveðið tóm og einmanaleika. En
þegar heimilisfólkinu fækkar og hús-
ið verður hljóðara verður svigrúmið
líka meira og því eru preststörfin og
þá ekki síst sálgæslustörfin mér afar
dýrmæt.“
Presturinn Séra Kristinn Ágúst hefur sérhæft sig í sál-
gæslu og sinnt mörgum, ungum sem öldnum.
Sóknarkirkja Hraungerðiskirkja í Flóa þar sem séra
Kristinn Ágúst er sóknarprestur..
Merkilegt Þetta altari er eftirmynd merkilegs altaris úr Hraungerðiskirkju
sem varðveitt er í Þjóðminjasafni. Frummyndin er líklega frá 17. öld.
gudrung@mbl.is
4x20 mínútna sjálfsskoðun.
Ritið bara stikkorð.
a) Skuggar, sorg, reiði, dep-
urð, opin sár, kreppur.
b) Styrkur minn
c) Sóknarfæri mín (geri ekki
en gæti gert til að verða sterk-
ari og líða betur).
d) Það sem ég þarf að laga
(geri en ætti ekki að gera eða
gera mera eða minna af).
Þetta leggur Kristinn fyrir
skjólstæðinga sína áður en
hann ræðir við þá.
Sjálfsskoðun