Morgunblaðið - 16.09.2007, Blaðsíða 26

sjónvarp
26 SUNNUDAGUR 16. SEPTEMBER 2007 MORGUNBLAÐIÐ
Þ
að telst til tíðinda þeg-
ar íslensk sjónvarps-
þáttaröð hefur göngu
sína en það gerir
Næturvaktin á Stöð 2
í kvöld. Sögusviðið er bensínstöð
Skeljungs við Laugaveg. Einn af
þeim sem hafa unnið á dagvöktum
og ábyggilega einstaka næt-
urvöktum við þessa glænýju grás-
vörtu gamanþætti er Jóhann Æv-
ar Grímsson. Jóhann Ævar
skrifar handritið í samvinnu við
leikstjórann Ragnar Bragason og
aðalleikarana þrjá en hann er
jafnframt annar handritshöfundur
hinnar vinsælu kvikmyndar
Astrópíu. Leikararnir mótuðu
mikið til sínar persónur sjálfir en
Jón Gnarr leikur Georg Bjarn-
freðarson vaktstjóra, Pétur Jó-
hann Sigfússon er Ólafur Ragnar
Hannesson, starfsmaður á plani,
og loks leikur Jörundur Ragn-
arsson starfsmann í þjálfun, Daní-
el Sævarsson.
Jóhann Ævar er 29 ára gamall,
fæddur í Reykjavík en alinn upp í
Mosfellsbæ. Hann sótti Mennta-
skólann við Sund og fór síðan í
guðfræði í eitt ár, „aðallega for-
vitninnar vegna. Síðan er ég eilífð-
arstúdent og er með ókláraða BA-
ritgerð í ensku“.
Hann hefur alltaf búið yfir fjör-
ugu ímyndunarafli og notfært sér
það. „Ég var alltaf að semja ein-
hverjar sögur þegar ég var
krakki. Gerði svosem ekki mikið
af viti en horfði mikið á sjónvarp,
sem kemur sér vel núna. Ég held
að mamma eigi heilu gámana af
skissum og skrifum frá þessum
tíma. Ég var alltaf með fjörugt
ímyndunarafl, sem er fylgifiskur
þess að lesa alltof mikið og horfa
mikið á vídeó.“
Hrollvekja um búktalara
Jóhann Ævar segist ekki hafa
byrjað að skrifa af alvöru fyrr en
á síðustu tveimur árunum í
menntaskóla. „Mig langaði að
gera stuttmynd en tókst illa upp.
Handritið varð 50 blaðsíður en
hefði átt að vera 5-10 síður. Þetta
var splatter-hrollvekja, fjallaði um
búktalara og hroðalega atburði í
sumarbústað úti á landi,“ segir
hann en handritið fékk nafnið
Hrollaugsstaðir.
Hann er sjálflærður í hand-
ritaskrifum. „Ég er svolítill nörd í
mér, fór að lesa önnur handrit,
lesa mér til á netinu og panta
bækur. Þannig voru fyrstu kynni
mín af formi handritsins. Spurn-
ingin sem maður þarf að svara er:
Hvernig túlkar maður myndmál í
texta? Maður þarf að sjá hlutina
skýrt fyrir sér og síðan reyna að
lýsa þeim. Sögur þurfa að hafa
strúktúr. Áhorf á kvikmyndir og
sjónvarpsþætti getur verið góður
skóli. Fyrir vikið gleymi ég mér
sjaldnar í kvikmyndum núorðið,
er of mikið að spá í formið og
slíkt! Ég hef alltaf haft mikinn
áhuga á kvikmyndum og því er
þetta svolítið draumadjobb.“
Á menntaskólaárunum skrifaði
hann ennfremur útvarpsleikrit
ásamt félaga sínum og líka grín-
innslög fyrir menntaskóla-
útvarpið. „Ég átti stundum erfitt
með að fylgjast með í tímum.
Nýtti gjarnan þýskutímana til að
skrifa. Ég hef ekkert á móti
þýsku en við höfum einhvern veg-
inn ekki átt samleið.“
Hann segist einnig hafa gert
„tilraun til að leikstýra stutt-
mynd“ á þessum tíma. „Ég reyndi
að leikstýra eftir öðru stutt-
myndahandriti sem ég hafði skrif-
að en það var áreiðanlega ein mis-
heppnaðasta leikstjórn og
upptaka sem ég hef lent í. Við
nokkurn veginn rústuðum íbúð
frænda míns og svo tók tökumað-
urinn yfir efni sem við höfðum
tekið og loks rakaði aðalleikarinn
af sér skeggið. Við þurftum að yf-
irgefa þetta og ég gerði mér grein
fyrir því að mig langaði ekki til að
leikstýra.“
Skrif eru endurskrif
Fyrstu skrefin á skrifbrautinni
höfðu þó auðvitað sitt að segja.
Hann sýndi seinna Ottó Geir
Borg, samhöfundi sínum að Astró-
píu, Hrollaugsstaðahandritið. Góð
kynni tókust með þeim og hófu
þeir að skrifa saman handritið að
Astrópíu árið 2002. „Þetta tók
langan tíma. Við skrifuðum hátt í
20 uppköst. Þetta var mjög góð
reynsla en besti skólinn er að gera
hlutina. Handritaskrifin eru líka
ekkert nema endurskrif. Maður er
sífellt að meitla textann og vinna
áfram með hann. Boltinn fór síðan
að rúlla þegar við fengum Ingvar
og Júlla sem framleiðendur,“ seg-
ir Jóhann Ævar en myndin sló í
gegn hjá íslenskum áhorfendum
og hefur verið sú vinsælasta í bíó-
húsunum síðustu þrjár helgar.
Jóhann Ævar er að sjálfsögðu
ánægður með viðtökurnar. „Þetta
er alveg æðislegt. Maður er ekki
að skrifa fyrir sjálfan sig. Helsta
markmiðið er að skemmta fólki,
að það geti farið í bíósal og gleymt
sér í 90 mínútur. Jákvæðu við-
brögðin eru mestu verðlaunin.“
Spuni stór þáttur
Mikil eftirvænting ríkir nú
vegna Næturvaktarinnar og verð-
ur spennandi að sjá hvaða við-
tökur þættirnir fá. Jóhann Ævar
hafði áður unnið með Ragnari
leikstjóra við handritaskrif í gam-
anþáttunum Stelpunum.
Vinnan við Næturvaktina gekk
vel. „Við hittumst daglega í ein-
hvern tíma, ég, Raggi, Jón, Jör-
undur og Pétur. Við vorum með
frekar opinn völl til að leika okkur
á og vorum að kasta á milli okkar
hugmyndum og láta hver annan
hlæja. Samkeppnin var mjög hörð.
Þetta gekk svona glimrandi vel.
Við unnum mikið saman í því að
gera þetta að heilsteyptara verki,“
útskýrir Jóhann Ævar en á seinni
stigum var farið í að skipta efninu
niður í þætti og brjóta það niður í
senur.
Spuni skipaði stóran þátt í
vinnunni. „Allur spuninn fer fram
á æfingum og handritið er síðan
skrifað upp úr æfingunum. Á
tímabili leið manni frekar eins og
ritara en höfundi. Síðan koma
endurskrifin inn og vinna með
textann en það þurfti að gera mál-
ið knappara. Þetta er skapandi og
skemmtilegt vinnuferli sem Raggi
var búinn að þróa í myndunum
Börnum og Foreldrum.“
Hann segir mun á því að skrifa
fyrir sjónvarp eða bíó. „Það er
miklu meiri tími í sjónvarpi til að
segja sögu. Það eru ákveðnar tak-
markanir í bíómyndaforminu hvað
varðar framþróun persónanna. Í
sjónvarpi getur maður bætt inn
nýjum og nýjum lögum á persón-
urnar, næstum í hverjum þætti.
Karakterarnir fá tækifæri til að
gerjast.“
Skrifstofan og allt hitt
Þeir sem þekkja til hafa líkt
Næturvaktinni við hina vinsælu
bresku gamanþætti The Office.
„Já, það er eitthvað til í því. Office
hefur auðvitað verið mikill áhrifa-
valdur í sjónvarpi undanfarið.
Helsti samanburðurinn liggur í
því að það er stutt á milli hláturs
og gráts. Við erum að fást við al-
vöru tilfinningar og á köflum
stefnir í harmleik.“
Í kjölfarið vaknar sú spurning
hvaða sjónvarpsþættir séu í uppá-
haldi hjá Jóhanni Ævari. „Arres-
ted Development, Office nátt-
úrlega, svo er ég einlægur South
Park-aðdáandi. Ég held líka upp á
Black Adder, Black Books og Fat-
her Ted.“
En hvað með kvikmyndir?
„Þrjár eru í mestu uppáhaldi,
Boogie Nights, JFK og This Is
Spinal Tap. Líka get ég nefnt
Fargo og flestallt frá Monty Pyt-
hon-hópnum.“
Markaðurinn til staðar
Hann vill endilega sjá meira
leikið íslenskt efni í sjónvarpi.
„Það er tvímælalaust markaður
fyrir íslenskt sjónvarpsefni og
kvikmyndir. Ég held að íslenskir
áhorfendur hafi einlægan áhuga á
því að sjá sögur af Íslendingum,
það er bara spurning um að gera
þetta, áhorfendahópurinn er fyrir
hendi. Helst er að maður er í sam-
keppni við svo mikið annað erlent
efni, en ég tel að við höfum
ákveðna forgjöf því fólki finnst
gaman að heyra fréttir um sjálft
sig, um Íslendinga.“
Næturvaktin samanstendur af
12 þáttum. „Hver þáttur á að vera
sjálfstæður svo þú getir stokkið
inn í seríuna hvenær sem er. En
ég mæli með því að horfa á hana
alla því þarna eru líka stærri at-
riði sem tengja saman alla þætt-
ina.“
Árið hefur verið gott hjá Jó-
hanni Ævari og stefnir í að það
næsta verði enn betra. Af næstu
verkefnum „er ekkert sem ég má
nefna nema kannski Skaupið“,
segir hann en það er aldeilis stórt
verkefni. „Ég, Jón og Raggi höf-
um verið að skrifa fyrir það og
búa til ramma utan um þetta. Síð-
ar koma fleiri handritshöfundar
inn. Það er stressandi að vinna við
að búa til Áramótaskaupið, eitt-
hvað sem öll þjóðin horfir á!“
Hann segir vinnuna við Næt-
urvaktina hafa verið mjög
skemmtilega. Sjálfur hlakkar
hann til að sjá fyrsta þáttinn full-
unninn á skjánum í kvöld. „Það
verður gaman að sjá sköp-
unarverkið lifna við. Við allir fimm
höfundarnir vonum að þetta falli í
kramið og fólk skemmti sér vel yf-
ir þessu.“
ingarun@mbl.is
Morgunblaðið/G.Rúnar
Jóhann Ævar „Það er miklu meiri tími í sjónvarpi til að segja sögu. Það eru ákveðnar takmarkanir í bíó-
myndaforminu. Í sjónvarpi getur maður bætt i nn nýjum lögum á persónurnar, næstum í hverjum þætti.“
Sögur af Íslendingum
Jóhann Ævar Gríms-
son er einn handrits-
höfunda Næturvakt-
arinnar en fyrsti
þátturinn fer í loftið á
Stöð 2 í kvöld. Inga
Rún Sigurðardóttir
ræddi við hann um
grínið, skrifin, Astró-
píu og fjörugt ímynd-
unarafl.
Það er stutt á milli
hláturs og gráts. Við
erum að fást við al-
vöru tilfinningar og á
köflum stefnir í
harmleik.
„ÞETTA er bara FM-hnakki, það er stysta
lýsingin á honum. Innblásturinn kemur
frá Óla Geir og Ásgeiri Kolbeins, samkrull
af flottum gaurum eins og þeim. Hann
langar að verða „Umboðsmaður Íslands“.
Hann er einfaldur karakter og sympatísk-
ur, þú finnur alltaf til með honum. Hann er
voða góð sál og vill öllum vel en einhvern
veginn ganga hlutirnir aldrei upp hjá hon-
um.“
Pétur Jóhann
um Ólaf Ragnar:
„HANN er háskólanemi, sem er orðinn
ofboðslega leiður á lífinu og er búinn að
missa sjónar á tilgangi þess. Hann er
þunglyndur og kvíðasjúklingur. Hann
fer á næturvaktina til að flýja raun-
veruleikann og erfiðleika lífsins. Hann
er sennilega einna best gefinn af þeim
þremur. Hann kemur þarna inn al-
gjörlega týndur og hugsar þetta sem
stað sem hann getur fengið frið frá öllu
og öllum. Það er nú ekki þannig en allt
virðist elta hann uppi. Hann er kúgaður
af öllum í kringum sig og hefur aldrei
staðið upp á afturlappirnar og mótmælt
einu eða neinu.“
Jörundur
um Daníel:
„HANN er gífurlegur félagshyggju-
maður í orði en eigingjarn og nískur á
borði, eins og algengt er með mikla fé-
lagshyggjumenn. Hann er vel menntað-
ur en ákaflega sjálfmiðaður og barna-
legur, eins og algengt er með mikla
menntamenn. Hann er maður þver-
sagna. Hann er samansafn af öllu því
leiðinlegasta fólki sem ég hef kynnst.
Hann er hrokafullur, smámunasamur
og haldinn mörgum stórum göllum
sem flestir hafa en fæstir vilja kannast
við.“
Jón Gnarr
um Georg: