Morgunblaðið - 16.09.2007, Blaðsíða 55

MORGUNBLAÐIÐ SUNNUDAGUR 16. SEPTEMBER 2007 55
SÍMI 5 900 800
Ólafur B. Blöndal, löggiltur fasteignasali.
Sýnum í dag glæsilegt 214 fm endaraðhús, staðsett innst í rólegum botlanga
með góðri aðkomu og nægum bílastæðum. Húsið skiptist í tvær aðalhæðir.
Stór stofa og eldhús á neðri hæð, ásamt innb.bílskúr, þvottahúsi og gesta wc.
Suðurgarður með verönd og skjólgirðingum. Efri hæðin skiptist í 2-3 barnaher-
bergi, hjónaherbergi, hol, ásamt rúmgóðri sjónvarpsstofu með hurð út á suður-
svalir. Stórt baðherbergi, sturta og baðkar. Nýtt parket og hurðir í hluta hússins
ásamt því að nýlega var skipt um járn á þaki. Húsið er teiknað af Einari
Sveinssyni. Verð 68,9 millj.
Steinar Orri sölumaður frá fasteign.is tekur á móti þér og þínum
í dag á milli kl. 14 og 15. Gsm: 895-8221.
OPIÐ HÚS Í DAG
BOLLAGARÐAR 55, SELT.NESI
ENDARAÐHÚS
Sýnum í dag vandað og vel staðsett alls 230 fm einbýlishús á þessum vinsæla
stað í Vesturbænum. Húsið skiptist í aðalhæð og bjartan og rúmgóðan kjallara
sem innangengt er í, en hefur einnig sérinngang. Aðalhæðin skiptist: Forstofa,
gesta wc., rúmgott eldhús, borðstofa, stórar stofur með hurð út í suðurgarð
með skjólgirðingum og palli. Svefnálma með þremur barnaherbergjum og bað-
herbergi. Kjallarinn skiptist: Stór stofa, stórt hjónaherbergi með baðhergi inn
af. Þvottahús og geymslur. Auðvelt að breyta kjallara í séríbúð. Verð 73 millj.
Steinar Orri sölumaður frá fasteign.is tekur á móti þér og þínum í dag á
milli kl. 15,30 og 16,30. Gsm: 895-8221.
OPIÐ HÚS Í DAG
FROSTASKJÓL 5
EINBÝLISHÚS
Sýnum í dag mjög fallega 117 fm. íbúð á 2. hæð í lágreistu fjölbýli, ásamt
tveggja bíla stæði í bílgeymslu. Tvær geymslur fylgja með og er þvottahúsið
innan íbúðar sem er mjög vel skipulögð. Parket á gólfum og fallegar innrétting-
ar. Vestursvalir. Stutt í alla þjónustu, ss. skóla, íþróttir, líkamsrækt, Smáratorg
og Smáralind. Verð 29,8 millj.
Steinar Orri sölumaður frá fasteign.is tekur á móti þér og þínum í dag
á milli kl. 17 og 17,30. Gsm: 895-8221.
OPIÐ HÚS Í DAG
LÆKJARSMÁRI 7 – KÓPAVOGI
4RA HERBERGJA MEÐ BÍLSKÝLI-LAUS STRAX
Glæsilegt þríbýlishús í byggingu við
Gullteig, hverfi 105, í Reykjavík. Á
fyrstu og annari hæð eru tvær
fjögurra herbergja, 147,2 fm íbúðir,
hvor með sérinngangi, önnur með
yfirbyggðu bílastæði en hin með bíl-
skúr. Á efstu hæð er 164,6 fm íbúð,
með sérinngangi, ásamt yfirbyggðu
bílastæði. Tvö svefnherbergi, stór
stofa. Tvennar svalir og sólskáli. Íbúðirnar verða afhentar fullbúnar í
desember 2007, en hægt er að semja um skil á fyrri stigum byggingar-
ferlisins. Gott tækifæri til þess að eignast nýja íbúð í gamalgrónu hverfi.
Örstutt í skóla, leikskóla og útivistarsvæði í Laugardalnum.
Nánari upplýsingar og teikningar á skrifstofu
HÚSANAUSTS, Borgartúni 29.
GULLTEIGUR - 105 REYKJAVÍK
VERKEFNIÐ Frítt í Strætó fær
áfram jákvæða athygli í fjölmiðlum.
Verkefnið gengur vel og í október
hefjast talningar á því
hversu mikil aukn-
ingin er. Vagnstjórar
eru almennt ánægðir
með verkefnið og full-
yrða að verkefnið skili
miklu fleiri farþegum,
sérstaklega á álags-
tímum. Verkefnið
verður metið á marg-
víslegan hátt. Mæld
verður nýting á
Strætó á nokkrum
tímapunktum samfara
umferðarþungamæl-
ingum auk þess sem
viðhorfskannanir segja
okkur hvernig nýir notendur upp-
lifa vagnana.
Strætó léttir á umferðinni
Mikið er rætt og ritað um þunga
umferðarinnar á morgnana og
seinni partinn. Sumir leggja til ný
umferðarmannvirki og aðrir nýjar
leiðir sem eru umhverfisvænni.
Mikilvægt er að huga að hvoru
tveggja, huga að bættum umferð-
armannvirkjum en styrkja stöðu al-
menningssamgangna, hjólreiða-
manna og gangandi vegfaranda
þannig að fólk eigi val um ferða-
máta. Hafa ber í huga þessu til við-
bótar að mörg þúsund einstaklingar
hafa flust búferlum hingað frá öðr-
um löndum á undanförnum 2-3 ár-
um til að vinna á Íslandi. Allir þess-
ir einstaklingar þurfa fararkost og
bætast við í umferðinni. Sala á bíl-
um heldur áfram að aukast ár frá
ári og gatnakerfi borgarinnar þolir
ekki meiri umferð en nú er á álags-
tímum. Á öðrum tímum dags renn-
ur umferð ágætlega. Mikilvægt er
að benda á að ef ekki væri fyrir til-
raunaverkefni sveitarfélaganna
væri umferðarþunginn
mun þyngri og staðan
enn verri, sérstaklega
á álagstímum þegar
flestir vagnar eru nýtt-
ir mjög vel. Strætó er
raunveruleg leið til að
draga úr umferð-
arþunga.
Margar breytingar
Samfara þessu góða
tilraunaverkefni er
unnið að því að gera
Strætó meira aðlað-
andi og auka þjónustu.
Nú hafa raun-
tímatöflur verið settar upp á öllum
stoppistöðvum. Þær sýna miklu
skýrar hvenær vagninn er á við-
komandi stoppistöð og ekki þarf
lengur að áætla tímann út frá
tveimur fjarlægum lykilstoppistöðv-
um. Bæklingar hafa verið gefnir út
fyrir hvert hverfi svo hægt sé á ein-
faldan hátt hægt að glöggva sig á
sínum leiðum og leiðabókin er
gormuð og mjög meðfærileg með
nýjum tímatöflum. Reykjavík-
urborg hefur nýtt sér góðar hug-
myndir bæjarbúa eins og hugmynd
Inga Gunnars Jóhannssonar um að
merkja biðstöðvar í borginni. Bið-
stöðvarnar í Reykjavík hafa nú
fengið nöfn og glöggir bíleigendur
sjá nú hvaða stoppistöðvar eru á
leið þeirra í vinnu. Kannski hefur
þetta einhver áhrif á að foreldrar
kenni börnum sínum á vagnkerfið
eða prófi það jafnvel sjálfir. Það
munar um minna að leggja einum
af bílum heimilisins en talið er að
beinn rekstrarkostnaður sé um
700.000 kr. á ári.
Uppbygging heldur áfram
Nýjasta viðbótin í Strætó er
Blaðið. Nú liggur Blaðið í vagninum
handa farþegum til að lesa. Mér
finnst þetta framsýnt og jákvætt
framtak hjá eigendum Blaðsins og
það felast mikil tækifæri í að nálg-
ast þennan neytendahóp sem nem-
endur eru. Blaðið hefur líka stutt
Strætó í að endurvinna blöðin þeg-
ar þau koma út úr vagninum. Ég
vona að þetta gangi vel og hlakka
til að heyra hvað fólki finnst um
þetta. Næstu verkefni eru að telja
og reyna að auka tíðnina á þeim
leiðum sem mikil ásókn er í, laga
þær sem ganga verr og byggja upp
betra leiðakerfi. Samfara þessu er
nauðsynlegt að búa til for-
gangsakreinar fyrir Strætó og
koma vögnunum hraðar í gegnum
umferðina. Þetta er ein mikilvæg-
asta aðgerðin til að gera Strætó að
góðum kosti í samgöngum og sveit-
arfélögin og ríkið þurfa að setja
þetta mál á oddinn í samgöngu-
málum næstu ára.
Áfram Strætó
Þorbjörg Helga Vigfúsdóttir
vill auka vægi strætisvagna í
samgöngum í borginni
» Samfara þessu ernauðsynlegt að búa
til forgangsakreinar
fyrir Strætó og koma
vögnunum hraðar í
gegnum umferðina.
Þorbjörg Helga
Vigfúsdóttir
Höfundur er borgarfulltrúi.
MEÐ nokkru millibili hefjast
umræður um öryggismál á hálend-
inu. Oftast að gefnu sorglegu til-
efni. Aukið öryggi
hlýtur að þræða
mjótt bil á milli kerf-
is og reglna og þess
frelsis sem við viljum
halda í þegar kemur
að því að njóta nátt-
úrunnar við útivist.
Gæta verður þess að
kerfi og reglur verði
ekki of flóknar eða
strangar og skrifræði
fylgi. Í umræðu vilja
menn stundum herma
eftir erlendum aðilum
í þessum efnum en
gæta sín ekki á því
að víðast hvar eru miklu meiri
fjármunir til reiðu en hér og
ferðamenn miklum mun fleiri.
Fyrir allmörgum árum benti ég
á að sumar hálendisferðir ættu að
vera tilkynningarskyldar. Ég end-
urtók þetta í fréttaviðtali í tilefni
leitarinnar að þýsku fjallamönn-
unum. Valfrjáls tilkynningarþjón-
usta hefur verið til reiðu hjá
Slysavarnafélaginu Landsbjörg í
mörg ár. Þar er einnig hægt að fá
leiðbeiningar um útbúnað o.fl. og
eins á að minnsta kosti einni
heimasíðu, en miklu betur mætti
þó gera í þeim efnum. Á und-
anförnum árum hafa svo tækni-
framfarir gert að verkum að ein-
faldur neyðarsendir er til reiðu
fyrir hálendisfara ef vel er að gáð.
Einnig þarf að gera betur hvað þá
varðar.
Ég legg til að eftirfarandi til-
lögur verði upphaf umræðu og að-
gerða í þessum efnum:
 Skilgreind verði til bráða-
birgða helstu landsvæði sem menn
tilkynna ferðir um. Það á þó ekki
við um ökuferðir (þar gilda alm.
varúðarráðstafanir, s.s. að láta
vita af ferðum sínum heima fyrir
eða annars staðar). Hér á ég að-
allega við fimm stærstu jöklana og
ferðir um þá sem ekki eru á veg-
um fyrirtækja/samtaka, á tinda í
Skaftafellsþjóðgarði og við jaðra
Vatnajökuls sem eru hærri en
1.200 m, Eyjafjallajökul og fjöll á
Tröllaskaga vestan Öxnadals sem
eru hærri en 1.000 m,
auk samfelldra göngu-
ferða á hálendinu sem
taka meira en 1-2
daga og eru ekki á
vegum fyrirtækja/
samtaka eða fylgja
ekki stikuðum og/eða
fjölförnum leiðum.
Tilkynningarstaðir
yrðu miðlægir í
Reykjavík og á nokkr-
um stöðum utan borg-
arinnar (mism. eftir
árstíðum og svæðum),
auk eins símanúmers.
 Mun stærri hluti
björgunarkerfisins en nú er verði
byggður á launavinnu. Þannig
væru t.d. allmargir tugir manna
sístarfandi sem björgunarmenn en
nýttust milli leita/björgunar við
t.d. landvörslu, öryggisgæslu o.fl.
Stór hópur sjálfboðaliða væri eftir
sem áður til reiðu.
 Unnið verði að því að koma
litlum neyðarsendum á almennan
markað og til leigu. Til þess þarf
bæði að skrá tækin skipulega og
byggja jarðstöð fyrir gervi-
hnattamerki í landinu sem kemur
í veg fyrir of langa bið eftir að
merki komi fram. Töluverður
kostnaður við hana dreifist á mörg
ár. Sendarnir kallast Micro PLB/
MRCC (300 grömm að þyngd) og
kerfið/jarðstöðin, heitir MEOSAR-
stöð.
 Farsímakerfið verði byggt
upp í framtíðinni með það fyrir
augum að sem flestir hálend-
isstaðir séu í símasambandi.
 Tryggðar verði aðgengilegar
og vandaðar upplýsingar um há-
lendisferðir og útbúnað.
Kostnaður við suma þessara liða
sparast fljótt þegar þess er gætt
að hver meðalleit kostar milljónir
króna. Flestir telja ekki rétt eða
æskilegt að fólk þurfi að greiða
fyrir neyðaraðstoð þannig að að-
gerðir eiga að miða að því að
halda leitar- og björgunarkostnaði
í lágmarki til langs tíma litið.
Aukið öryggi í óbyggðum
Ari Trausti Guðmundsson
vill að hálendisferðir verði
tilkynningaskyldar og
leggur fram tillögur
»Með auknum upplýs-ingum, takmarkaðri
skráningarskyldu, nýj-
um neyðarsendum og
breytingum á rekstri
björgunarsveita er unnt
að auka öryggi í
óbyggðum.
Ari Trausti
Guðmundsson
Höfundur er jarðeðlisfræðingur og
áhugamaður um fjallamennsku.
Fréttir í tölvupósti