Morgunblaðið - 30.09.2007, Qupperneq 44

44 SUNNUDAGUR 30. SEPTEMBER 2007 MORGUNBLAÐIÐ
UMRÆÐAN
ÉG ER þakklátur Stefáni Jóns-
syni íbúa í Fossvogshverfi fyrir að
gefa mér tilefni (með grein sinni um
umferðarvandamálin
í Mbl. sl. miðvikudag)
til að skýra nánar
fyrir lesendum Morg-
unblaðsins hvað fyrir
okkur vakir í stjórn
Íbúasamtakanna
Betra Breiðholt, með
því að skora á borg-
arstjórn Reykjavíkur
nýlega að láta nú
þegar bjóða út mis-
lægu gatnamótin
Reykjanesbraut/
Bústaðavegur.
Eins og kom fram
í grein minni í Morg-
unblaðinu 23. sept-
ember sl. eru bið-
raðir og tafir kvölds
og morgna við þessi
umferðarljós sí-
versnandi ár frá ári
og eru þær orðnar gjörsamlega
óviðunandi. Nú er svo komið að það
getur tekið allt að 30 mínútur að
aka frá Breiðholti niður í Kvos á
morgnana og er það meira en
nokkru sinni fyrr í hér um bil 40 ára
sögu Breiðholthverfisins.
Nú er ekki eins og Breiðhyltingar
hafi staðið fyrir því að gert hafi ver-
ið ráð fyrir mislægum gatnamótum
á þessum margumtalaða stað, held-
ur hafa þau verið inni í öllum áætl-
unum borgarinnar um uppbyggingu
stofnbrautakerfisins í borginni í
marga áratugi. Sveitarfélög á höf-
uðborgarsvæðinu eru búin að segja
A í uppbyggingu þess með gífurlega
miklum lóðaúthlutunum áratugum
saman í útjöðrum þess og þau vilja
flest hver oftast segja B með því að
styrkja stofnbrautakerfið til að
mæta auknu umferðarálagi sem af
lóðaúthlutunum leiðir en þá strand-
ar oft á ríkinu að hafa nægt fé til
framkvæmdanna á fjárlögum. Því
er þó ekki til að dreifa í þessu til-
felli. Fjárveiting liggur fyrir sam-
þykkt í fjárlögum til notkunar á
árinu 2008 og það væri ófyrirgef-
anlegt að nýta hana ekki.
Hvað varðar títtnefnd gatnamót
þá mislíkaði mörgum borg-
arfulltrúum þær mislægu lausnir á
þeim sem hönnuðir gatnamótanna
sýndu þeim fyrir 11 mánuðum, en
það er óviðunandi slóðaskapur að
vera þá ekki búnir að láta end-
urhanna gatnamótin nú þegar og fá
þannig fram viðunandi mislæg
gatnamót. Við þig, Stefán Jónsson,
og aðra sem hafa
áhyggjur af þungri um-
ferð á tengibrautum í
gegnum hverfin ykkar
vil ég segja þetta: „Það
græða allir á góðum
stofnbrautum, því þá
leitar óviðkomandi um-
ferð síður í gegnum
hverfin!“
Allir íbúar höf-
uðborgarsvæðisins, sér-
staklega við, sem búum
sunnan Fossvogsdals-
ins og austan Elliðaár-
ósa, búa við ófullnægj-
andi og versnandi
stofnbrautir og síversn-
andi tafir á háannatím-
um. Þegar björgunar-
aðilar þurfa að komast
um með forgangsakstri á
þessum tíma sér hver
maður að þeirra starf er ekki öf-
undsvert, því það er alveg eins gott
að slökkva á forgangsljósunum því
þetta vinnuumhverfi fyrir þá er
ekki bjóðandi. Við þurfum því að
beita okkur í þessu stóra hags-
munamáli okkar allra. Það gerum
við í gegnum íbúasamtök, hverf-
aráð, sveitarstjórnir og þingmenn
svæðisins.
Hér er um að tefla þjóðhagslega
mjög arðsamar framkvæmdir og sá
helmingur þjóðarinnar, sem býr á
þessu svæði, á líka rétt á stór-
framkvæmdum til endurbóta á
„þjóðvegum“ sínum. Sá réttur er
vonandi ekki einskorðaður við Sigl-
firðinga, sbr. Héðinsfjarðargöng!
Hér er ekki einungis um sjálf-
sögð réttindi okkar íbúanna á fyrr-
nefndu svæði að ræða, heldur einn-
ig mjög mikið hagsmunamál, vegna
þess að göturnar að og frá íbúða-
hverfum okkar verða að vera greið-
ar, annars dregst fasteignaverðið í
þessum hverfum aftur úr fast-
eignaverðinu í þeim hverfum þar
sem göturnar eru greiðfarnari.
Þetta er lögmál sem allir fast-
eignasalar og starfsmenn grein-
ingadeilda bankanna kannast við.
Í íbúðum okkar liggur oft megnið
af uppsöfnuðum sparnaði okkar og
við þurfum því sjálf að berjast fyrir
stórbættum stofnbrautum til að
verðmæti þessa ævisparnaðar okk-
ar rýrni ekki.
Þessi barátta var í raun hafin fyr-
ir allmörgum árum og má þar nefna
baráttu Grafarvogsíbúa fyrir bætt-
um stofnbrautum að og frá sínu
hverfi og við Breiðhyltingarnir
munum einmitt ræða við íbúa-
samtök þeirra á næstunni um þessi
sameiginlegu hagsmunamál okkar.
Dagblaðið Blaðið var með prýði-
lega umfjöllun um þessa baráttu
okkar Breiðhyltinganna 27. sept-
ember sl. Þar kom fram að hér um
bil helmingur Reykvíkinga, sem býr
austan Elliðaárósa og Reykjanes-
brautar, væri einungis með 3 borg-
arfulltrúa búsetta á því svæði sínu,
en hinir 12 borgarfulltrúarnir
byggju vestan við Elliðaárósa.
Blaðið ýjaði að því þarna að búseta
borgarfulltrúa hefði áhrif á skilning
þeirra og baráttukraft þegar kæmi
að því að berjast fyrir baráttu-
málum sem væru tengd öðru hvoru
þessara svæða.
Vonandi hafa þeir, sem ætla
borgarfulltrúum slíkt, rangt fyrir
sér – vonandi!
Berjumst saman
fyrir bættum
stofnbrautum
Helgi Kristófersson skrifar um
samgöngur til og frá Breiðholti
Tillaga að mislægum gatnamótum.
»Hér er um aðtefla þjóð-
hagslega mjög
arðsamar fram-
kvæmdir...
Höfundur er formaður íbúasamtak-
anna Betra Breiðholt. ibb.blog.is
Horft til norðurs. Brúin er á stólpum og hreyfir ekki við árfarveginum.
Helgi Kristófersson
ALDAMÓTAÁR-
IÐ 1900 sigldi
Christian Emil
Flensborg (1873-
1966) til Íslands.
Tveimur árum áður
hafði hann lokið
skógfræðiprófi frá
danska landbún-
aðarháskólanum og
réðist þá til einka-
leyfastofu Danmerk-
ur. Einkaleyfastofur
fóstra stundum upp
afburðamenn, m.a.
Albert Einstein. Carl Prytz
skógfræðiprófessor tók eftir þess-
um unga manni. Hann réð hann til
að sjá um skógræktarmál á Ís-
landi, kanna ræktunarskilyrði,
skoða og friða birki-
skóga, hefja skógg-
ræðslu og setja upp
gróðrarstöðvar. Al-
þingi kostaði verkið öll
árin frá 1900. Árið
1902 réðist Flensborg
til danska Heiða-
félagsins en hélt þó
áfram starfi sínu á Ís-
landi öll sumur til
1906. Þetta framtak
nefndist Islands Skov-
sag og var forveri
Skógræktar ríkisins.
Jóannes Patursson
(1866-1946) kóngsbóndi og lög-
þingsmaður í Kirkjubæ í Fær-
eyjum var áhugamaður um fram-
faramál í Færeyjum og
sjálfstjórnarsinni. Jóannes þekkti
vel til íslenskra málefna og var
giftur Guðnýju Eiríksdóttur frá
Karlsskála við Reyðarfjörð. Skóg-
ræktarstarf Flensborgs fór ekki
fram hjá honum. Jóannes hafði
samband við Heiðafélagið og fékk
Flensborg til að kanna skógrækt-
armöguleika og hefja skógrækt í
Færeyjum. Í júlímánuði 1902
sigldi Flensborg frá Íslandi til
Færeyja. Það var upphafið að
skipulegri skógrækt í Færeyjum.
En í Færeyjum fann Flensborg
fleira en frjóa jörð til skógræktar.
Þar fann hann ástina í lífi sínu Evu
Lützen.
Flensborg, ásamt prófessor
Prytz og Carl Ryder skipstjóra,
vann ötullega að því að sett væru
lög um skógrækt á Íslandi. Það
tók nokkurn tíma að vinna því máli
fylgi en árið 1907 samþykkti Al-
þingi lög um skógrækt og varnir
gegn uppblæstri lands. Þann 22.
nóvember það sama ár staðfesti
Friðrik VIII Danakonungur lögin.
Árið áður þurfti Flensborg að
velja milli áframhaldandi starfs
fyrir Heiðafélagið á góðum laun-
um eða óvissan starfsframa á Ís-
landi. Flensborg valdi Heiða-
félagið og varð síðar
framkvæmdastjóri þess. Hann
reyndist einn ötulasti skógrækt-
arleiðtogi Danmerkur á fyrri hluta
20. aldar. Skógarnir sem hann
barðist fyrir á jósku heiðunum
gáfu af sér eldivið sem hélt hita á
dönskum heimilum á árum seinni
heimstyrjaldarinnar. Flensborg
kvaddi Ísland með trega og sam-
starfsmenn hans hjá Heiðafélag-
inu sögðu að Hallormsstaður væri
meitlaður í hjarta hans. En hann
sleppti aldrei hendinni af skóg-
ræktarmálum í Færeyjum.
Skógrækt á Íslandi og í Fær-
eyjum á sameiginlegt upphaf í
starfi Flensborgs. Þann 15. mars
2007 samþykkti Alþingi þings-
ályktunartillögu um stofnun Trjá-
ræktarseturs sjávarbyggða í Vest-
mannaeyjum. Tilgangur setursins
er að rannsaka áhrif særoks og
loftslagsbreytinga á trjágróður og
trjárækt á eyjum í Norður-
Atlantshafi, einkum Íslandi, Fær-
eyjum, Hjaltlandi, Orkneyjum,
Suðureyjum og Grænlandi. Auk
rannsókna á áhrifum storma-
samrar úthafsveðráttu á trjá-
gróður er setrinu ætlað að leita
tegunda og þróa ræktunaraðferðir
fyrir sjávarbyggðir og miðla þekk-
ingu um trjá- og skógrækt á þessu
svæði. Kjarninn í væntanlegu setri
er nánara samstarf Íslands og
Færeyja á sviði trjá- og skógrækt-
ar. Samþykkt tillögunnar var afar
viðeigandi á aldarafmæli laga um
skógrækt á Íslandi og arfleifðar
Christians E. Flensborgs. Vonir
standa til þess að setrið taki til
starfa á næsta ári og að bæði
Rannsóknastöð skógræktar á Mó-
gilsá og færeysk skógræktaryf-
irvöld standi að setrinu. Með því
móti gæti setrið orðið vegvísir fyr-
ir nánara samstarf systkinaþjóða
við Norður-Atlantshaf.
Trjáræktarsetur
og samstarf Íslands
og Færeyja
Þorbergur Hjalti Jónsson skrif-
ar um tengsl skógræktar á Ís-
landi og í Færeyjum
Þorbergur
Hjalti Jónsson
» Tilgangur trjárækt-arsetursins er
að rannsaka áhrif sæ-
roks og loftslagsbreyt-
inga á trjágróður og
trjárækt á eyjum í
Norður-Atlantshafi.
Höfundur er skógfræðingur og sér-
fræðingur á Rannsóknastöð skóg-
ræktar, Mógilsá.