Morgunblaðið - 30.12.2007, Blaðsíða 2

2 SUNNUDAGUR 30. DESEMBER 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Í HNOTSKURN
»Lagt var hald á rúmlega 32 kg af amfeta-míni á árinu. Á síðasta ári var lagt hald á
47 kg en 9 kg árið 2005.
»Minna var tekið af kókaíni í ár en á síðastaári, eða 6,4 kg. Í fyrra náðust hins vegar
tæp 13 kg.
Eftir Andra Karl
andri@mbl.is
KANNABISEFNI virðast á undanhaldi hjá ís-
lenskum fíkniefnaneytendum, ef marka má bráða-
birgðatölur lögreglu fyrir árið 2007. Lagt var hald
á tæp átta kg af hassi og 3,5 kg af maríjúana á
árinu en tölur undanfarinna ára eru mun hærri.
Þannig voru tekin rúm þrjátíu kg af hassi á síð-
asta ári, rúm tuttugu kg árið 2005 og 36 kg árið
2004 – og um meira magn var að ræða árin 2001-
2003. Að sama skapi hefur mun meira verið tekið
af svokölluðum hörðum fíkniefnum, þ.e. amfeta-
míni, kókaíni og e-töflum, en fyrir nokkrum árum.
Þar sem um bráðabirgðatölur er að ræða getur
enn bæst við þær vegna mála sem eru í rannsókn.
Einstaka mál geta skekkt niðurstöður lögregl-
unnar milli ára en svo virðist sem sífellt sé reynt
að fara með meira magn til landsins í einu. Besta
dæmið um það er líklega stærsta fíkniefnamál
ársins, Fáskrúðsfjarðarmálið – í því var lagt hald
á 24 kíló af amfetamíni, 14 kíló af e-töfludufti
(MDMA) og um 1.700 e-töflur. Þá hefur verið lagt
hald á meira af e-töflum í ár en undanfarin fimm
ár, eða nærri 26 þúsund stykki, miðað við rúm
fimmtán þúsund stykki á tímabilinu 2002-2006.
Megnið af þeim náðist nú fyrir jól þegar 23 þús-
und töflur voru teknar í Leifsstöð af komufarþega
frá Hamborg.
1,8 lítrar af kókaíni í fljótandi formi
Í nokkrum málum sem upp komu var um að
ræða fíkniefni í öðru formi en venjubundið er.
Líkt og áður var getið var lagt hald á 14 kg af
e-töfludufti en auk þess hefur aldrei fundist meira
af kókaíni í fljótandi formi í einu máli en á árinu,
eða 1,8 lítrar. Í því máli leikur grunur á að fleiri
flöskur hafi verið sendar til landsins.
Fíkniefnamarkaðurinn á Íslandi hefur tekið
þeim breytingum helstum á undanförnum árum
að meira fer fyrir harðari fíkniefnum en færri
leggja í að smygla kannabisefnum. Mestur hluti
kannabisefna á íslenskum markaði er hins vegar
ræktaður hér á landi.
Minna af kannabisefnum
tekið en undanfarin sjö ár
Morgunblaðið/Júlíus
Myndað Efnin úr Fáskrúðsfjarðarmálinu.
 Tvö stór fíkniefnamál settu mark sitt á árið  Meira um e-töflur og e-töfluduft
VEL fór á með þeim Degi B. Eggertssyni borgarstjóra
og Oddi Hrafni Björgvinssyni, sem betur er þekktur
sem Krummi í Mínus, að lokinni frumsýningu á rokk-
óperunni Jesus Christ Superstar í Borgarleikhúsinu sl.
föstudag.
Krummi fer með hlutverk Jesú og þykir gera því trú-
verðug skil. Ekki var betur að sjá en að borgarstjórinn
hefði áhuga á að sjá hvaða áhrif krossfestingin í leikrit-
inu hefði á leikarann sjálfan og að hann væri að leita að
ummerkjum eftir naglana. | 60
Morgunblaðið/Ómar
Sko, engin naglaför
Eftir Önund Pál Ragnarsson
onundur@mbl.is
DILKAKJÖT frá sláturtíðinni 2007
er léttara og fituminna en und-
anfarin ár. Þetta kemur fram á vef
Bændasamtakanna. Meðalvigt var
nokkuð lægri en í fyrra, 15,31 kíló,
sem þýðir að hver skrokkur var að
jafnaði 370 grömmum léttari í ár. Að
sögn Jóhannesar Sigfússonar, for-
manns Landssamtaka sauðfjár-
bænda, þýðir þetta um 170 tonna
minnkun í framleiðslu.
Meðalgildi fitu lækkaði um 3% og
segist Jóhannes telja að menn séu
líklega komnir að þeim mörkum sem
æskileg eru í fituhlutfalli. „Ég held
að það þurfi ekki að fara mikið neð-
ar. Það þarf alltaf svolitla fitu ef
kjötið á að vera gott. Við stefnum að
þeim vandfundna meðalvegi að fá
vænt og kjötmikið fé án þess að það
verði of feitt,“ segir hann.
Meiri holdfylling með ræktun
Holdfylling, sem er hlutfall vöðva
af heildarþyngd skrokksins, var
svipuð í fyrra og hækkaði hlutfall
dilka í tveimur efstu flokkum í
23,7%. Það er hæsta hlutfall frá
upphafi þess staðlaða kjötmats
(EUROP) sem nú er beitt og segir
Jóhannes það bera ræktunarstarfi
sauðfjárbænda gott vitni. Rækt-
unina segir hann hafa verið stund-
aða í áratugi en hún hafi líklega tek-
ið mestum framförum þegar farið
var að notast við færanleg ómtæki til
að mæla þykkt vöðva í lömbum.
Þannig geta bændur betur metið
hvaða lömb skal setja á vetur.
Einnig spilar tíðarfar inn í þyngd
og fitumagn dilkanna, en síðastliðið
sumar voru gífurlegir þurrkar víða
um land og beit í úthögum því kraft-
minni síðsumars en oft áður. Jó-
hannes kveður bændur hafa einhver
ráð við því, svo sem að reka snemma
af fjalli til að ná lömbunum fyrr á
kraftmeira fæði.
 Meðalþyngd skrokka af haustlömbum er minni en í fyrra, en mikið þurrkasumar skiptir þar máli
 Holdfylling er hins vegar meiri en áður og þakka bændur það helst tækniþróun við kynbætur fjár
Dilkakjöt léttara og fituminna í ár
Morgunblaðið/Ómar
Kjöt Kynbætur hafa gefið kjötmeiri dilka, en tíðarfar skiptir líka máli.
SORPHIRÐUDEILD Reykjavík-
urborgar áætlar að ljúka hirðingu
sorps eftir jólin nú um helgina.
Sorphirða lá niðri á aðfanga- og
jóladag en hófst aftur annan í jól-
um. Unnið hefur verið klukkutíma
lengur í þessari viku, en bæði er
sorp mun meira en venjulega auk
þess sem kuldi og snjór hafa sett
strik í reikninginn. Að sögn starfs-
manns deildarinnar verður unnið
hörðum höndum að sorphirðu um
helgina og eitthvað á mánudag,
gamlársdag, ef þörf krefur. Flestir
ættu því að verða orðnir vel settir í
næstu viku, þegar sorpmagn kem-
ur til með að aukast vegna ára-
mótafagnaðar.
800 tonn af flugeldum
Áætlað er að um 800 tonn af
flugeldum fuðri upp, með tilheyr-
andi ljósadýrð, um áramótin. Sorp-
hirðudeildin varar fólk við því að
henda flugeldaleifum í ruslatunn-
ur, en notendur eiga sjálfir að
skila slíku í endurvinnslustöðvar.
Þeir sem vilja að sorphirða gangi
vel fyrir sig eftir áramótin ættu
því ekki að skilja eftir sig skottert-
ur og blys á víðavangi.
Unnið
lengur við
sorphirðu
LÖGREGLAN á
Suðurnesjum
handtók 17 ára
ölvaðan pilt á
fjórða tímanum
aðfaranótt laug-
ardags við Hátún
í Reykjanesbæ
þar sem hann var
að berja á glugga
íbúðarhúss. Í ljós
kom að við athæf-
ið notaðist pilturinn við merktan
leiðiskross og kannaði lögregla því
næst hvort hann hefði átt leið í gegn-
um kirkjugarðinn við Aðalgötu.
Grunur lögreglumanna reyndist á
rökum reistur. Í kirkjugarðinum
hafði pilturinn gengið berserksgang.
Í atganginum eyðilagði hann þrettán
ljósaskreytingar á leiðum og stal áð-
urnefndum leiðiskrossi. Hann hafði
einnig brotið stóra rúðu í nýlegu
kirkjugarðshúsi sem í garðinum
stendur.
Drengurinn var að vonum hand-
tekinn og fékk að sofa úr sér áfeng-
isvímuna í fangaklefa. Hann var yf-
irheyrður í gærdag og í kjölfarið
látinn laus. Mál hans fer sína leið í
réttarkerfinu ásamt því að tilkynn-
ing verður send til barnaverndaryf-
irvalda.
Gekk ber-
serksgang í
kirkjugarði
Pilturinn eyðilagði
ljósaskreytingar.
Handtekinn með
merktan leiðiskross
LITLAR sem engar breytingar hafa
orðið á fylgi flokka frá síðustu mæl-
ingu IM-Gallup. Sama gildir um við-
horf til ríkisstjórnarinnar, en hún
nýtur nú stuðnings 77% svarenda,
samanborið við 78% fylgi síðast.
Fylgi Sjálfstæðisflokks er ríflega
40%, Samfylkingin mælist með rúm-
lega 30% fylgi, Vinstrihreyfingin –
grænt framboð með ríflega 15%,
Framsóknarflokkurinn með tæplega
9% fylgi, Frjálslyndi flokkurinn með
ríflega 4% og Íslandshreyfingin – lif-
andi land með tæplega 1%. Miðað við
síðustu könnun fyrir mánuði fær
Sjálfstæðisflokkurinn 1% meira nú á
meðan Samfylkingin lækkar um 1%.
VG lækkar um 2% á meðan Fram-
sókn eykur fylgi sitt um 1%. Rúm-
lega 16% svarenda tóku ekki afstöðu
eða neituðu að gefa hana upp og 6%
sögðust myndu skila auðu eða ekki
kjósa ef kosningar færu fram í dag.
Fylgi flokka
nær óbreytt
♦♦♦