Morgunblaðið - 30.12.2007, Blaðsíða 14

14 SUNNUDAGUR 30. DESEMBER 2007 MORGUNBLAÐIÐ
Tíska Matthew Williamsson með Si-
ennu Miller í kjól sem hann hannaði.
„Hann vildi kaupa Halston-merkið,
sem var ofboðslega þekkt á áttunda
áratugnum, einkum fyrir síðkjóla,
og hefja það aftur til vegs og virð-
ingar. Það segir sína sögu um
hversu mikið afl hann hefur til að
markaðssetja slíkt merki, að hann
hyggst framleiða kvikmynd um
Halston. Og svo framleiðir hann
Project Runaway, vinsælan sjón-
varpsþátt um hönnunarkeppni, þar
sem Heidi Klum er þáttastjórnandi,
og það nýtist honum einnig. Kær-
asta Harveys er fatahönnuður,
merkið nefnist Marchesa, og hún
sérhæfir sig í síðkjólum. Hann hef-
ur stuðlað að vexti og viðgangi þess
fyrirtækis, meðal annars með því að
klæða Siennu Miller og Jennifer
Lopez í síðkjóla frá því merki og
aðrar leikkonur sem hann hefur að-
gang að á helstu verðlaunahátíð-
um.“
– Eigið þið í fyrirtækinu?
„Nei, við tókum þóknun. Við vor-
um ekki fjárfestar, enda rak Marvin
aðeins ráðgjafarfyrirtæki þegar ég
hóf þar störf.“
Hönnuðir í kaffiborðabók
Það sýnir stöðuna sem Traub hef-
ur að þegar hann hætti hjá Bloom-
ingdales, sem hann stýrði frá 1969
til 1991, gáfu margir af heimsins
þekktustu fatahönnuðum honum
teikningar, sem honum voru afhent-
ar í tveim stórum möppum, og er
unnið að útgáfu kaffiborðabókar úr
því, sem kemur út í vor. Á meðal
hönnuðanna er Yves Saint Laurent,
Karl Lagerfeld, Fendi og Missoni.
Eftir að Traub hætti hjá Bloom-
ingdales stofnaði hann ráðgjafarfyr-
irtæki sem sérhæfir sig í ráðgjöf við
tískufyrirtæki og fyrirtæki í tengd-
um greinum. „Það lýtur í raun að
öllum hönnunarvörum sem koma
inn á gólf hefðbundinna bandarískra
deildaskiptra stórverslana, s.s. föt-
um, skartgripum, snyrtivörum og
húsbúnaði,“ segir Áslaug.
Áslaug stýrir hinsvegar TSM
Capital og þriðji eigandinn auk
hennar og Traub er Mortimer Sin-
ger. „Langafi hans fann upp sauma-
vélina, þannig að honum er málið
skylt,“ segir Áslaug. Og skammstöf-
unin TSM stendur fyrir Traub,
Singer, Magnúsdóttir.
– Hvað fann afi þinn upp?
„Afi minn var bóndi og skip-
stjóri,“ segir Áslaug og hlær. „Svo
átti ég annan afa sem var rafmagns-
verkfræðingur og gekk raunar í
MIT, þannig að hann komst kannski
nær því að vera uppfinningamaður,“
segir hún brosandi. „En Morty
hafði unnið hjá Traub í fimm ár að
ráðgjafarstörfum þegar við stofn-
uðum fyrirtækið. Þeir unnu stefnu-
mótunina í smásölugeiranum fyrir
Oscar de la Renta, unnu fyrir Jones
New York og Ralph Lauren, en
gátu aldrei sinnt öllum þeim smærri
fyrirtækjum sem leituðu til þeirra
með sama vandamálið – það vantaði
fjármagn. Fagfjárfestar hafa ekki
einbeitt sér að þessum geira, ungum
hönnunarfyrirtækjum sem eru að
hasla sér völl á alþjóðamarkaði. Það
hefur vottað fyrir áhuga á hönn-
unargeiranum, þó takmörkuðum, og
hann hefur verið lítill á slíkum fyr-
irtækjum, sem þurfa fjármagn til að
komast yfir ákveðinn þröskuld og
festa sig í sessi á alþjóðavísu. Á síð-
ustu tveim árum hafa hinsvegar
komið fram nokkrir hópar sem hafa
slík fyrirtæki til skoðunar.“
Mikill virðisauki
Þegar Áslaug hóf störf hjá Traub
í fyrrahaust var hún ráðin sem ráð-
gjafi, en samt með það í huga að
hjálpa til við að stofna TSM Capital,
enda með bakgrunn á því sviði frá
Baugi. „Þetta er ekki orðinn sjóður,
þannig að við leitum uppi tækifæri,
finnum fjárfesta og tökum síðan að
okkur að stýra fjárfestingunni
næstu 3 til 5 árin. Það felst í stjórn-
arsetu, stuðningi við stefnumót-
unarvinnu og að greiða leiðina að
deildaskiptum stórverslunum í
Bandaríkjunum og betri búðum um
allan heim, svo sem í Rússlandi,
Mið-Austurlöndum, Grikklandi,
Tyrklandi og Indlandi. Það felst því
mikill virðisauki í samvinnunni fyrir
framleiðandann og fjárfestarnir,
sem gjarnan hafa áhuga en ekki
sérþekkingu á þessum geira, fá
millilið sem þeir geta treyst, bæði til
að velja fyrirtæki með vaxtarmögu-
leika og til að leiðbeina þeim í gegn-
um vaxtarferlið.“
Traub hefur gott orð á sér fyrir
að finna fyrirtæki með vaxtarmögu-
leika, að sögn Áslaugar. „Hann er
kunnur fyrir að hafa gefið Ralph
Lauren tækifæri í Bloomingdales,
sem vann þá við að selja bindi.
Hann hvatti hann til að hanna fleira
og framleiða undir eigin merki.
Hann var einnig fyrstur til að upp-
götva hæfileika Calvin Klein, Donnu
Karan og Tommy Hilfiger og gefa
þeim tækifæri. Þegar hann byrjaði
hjá Bloomingdales var það lágvöru-
verðsverslun, þar sem engin af
þekktari merkjunum voru seld.
Hann þurfti því að leita uppi merki í
Evrópu og varð fyrstur vestanhafs
til að hafa á boðstólum Fendi, Yves
Saint Laurent, Missoni og Soniu
Rykiel.“
Í TSM Capital er sá háttur hafð-
ur á að Traub, Singer og Áslaug
þurfa öll að falla fyrir fjárfesting-
arkostinum – sjá tækifærin sem í
honum felast. Og fleiri eru með í
ráðum, svo sem Lauren Davis, sem
skrifar fyrir Vogue og er stílisti.
„Fyrsta fjárfestingin var Matt-
hew Williamsson, sem kom til af því
að ég hafði fjárfest í því merki þeg-
ar ég var hjá Baugi og var í góðu
sambandi við Matthew og forstjór-
ann, Josep Velosa. Merkið er sterkt
í Bretlandi og víða um heim, en
einna veikast í Bandaríkjunum.
Þannig að þegar ég kom til New
York, þá kynnti ég þá fyrir Marvin
og þeir vildu endilega finna leið til
samstarfs, því þeim fannst akkur í
okkar sýn og vildu aðgang að
tengslum Marvins. Úr varð sam-
komulag við þá og Baug um kaup á
hlut í fyrirtækinu. Það var í formi
hlutafjáraukningar, við útveguðum
fjármagn og Marvin settist í stjórn.
Þeir fjármunir munu fara í að opna
verslun í New York og tvær til við-
bótar í öðrum stórborgum. Einnig
aukum við vöruframboðið, bætum
við töskum og skartgripum.“
Fjárfesting í Rachel Roy
Fjárfestingin fékk nokkra athygli
í fjölmiðlum, kom á forsíðu Womens
Wear Daily, sem er fagtímarit hönn-
unargeirans, og Vogue.com nefndi
Áslaugu „Fashions Fairy godmoth-
er“. Tilkynnt var um kaupin í lok
ágúst og í liðnum nóvembermánuði
var tilkynnt um aðra fjárfestingu
TSM Capital, sem var í Rachel Roy
Fashions, og þar tekur Áslaug sæti í
stjórn. „Það fyrirtæki hefur verið
um tvö ár í rekstri og er óvenju stórt
miðað við það,“ segir hún.
„Það var stofnað af Rachel Roy og
manni hennar, tónlistarframleiðand-
anum Damon Dash, en það hefur
fengið jákvæða umfjöllun í fjöl-
miðlum og merkið nýtur mikillar
virðingar í Bandaríkjunum. Það er
meðal annars selt í Bergdorf Good-
man, Saks, Neiman Marcus og
Nordstrom. Roy hefur einbeitt sér
að Bandaríkjunum, en er einnig seld
í nokkrum verslunum í Evrópu og
Mið-Austurlöndum. Það stendur til
að fyrsta verslunin, sem er starf-
rækt undir hennar nafni, verði opn-
uð bráðlega í New York. Við munum
hjálpa henni að komast inn í fleiri
verslanir, bæði í Bandaríkjunum og
á alþjóðavísu. Þá er það jákvætt að
forstjóri Rachel Roy Fashions hefur
mikla reynslu, en Marianne Tesler
kemur frá LVMH, sem er eitt af
stóru tískufyrirtækjunum og á mörg
af þekktustu merkjunum. Það er
óvenjulegt fyrir svona ungt fyrir-
tæki að hafa svo reyndan forstjóra
og raunar kemur fjármálastjórinn
einnig þaðan.“
Það segir sitt um hversu þekkt
Rachel er í Bandaríkjunum að hún
hefur komið tvisvar á árinu í spjall-
þætti Opruh Winfrey, sem ku vera
mælikvarði á slíkt, auk annarrar
umfjöllunar í fjölmiðlum.
Stefnt að sérhæfðum sjóði
Í báðum tilvikum var um minni-
hlutafjárfestingar að ræða og verðið
ekki gefið upp. „Hvort sem við
kaupum meirihluta eða minnihluta,
þá fjárfestum við aðeins í fyr-
irtækjum þar sem við erum virkir
hluthafar og getum átt þátt í að
auka virði þeirra. Liður í þeirri
stefnu er að við komum inn með við-
bótarhlutafé, þannig að við kaupum
engan út heldur setjum aukinn þrótt
í fyrirtækið. Við fáum svo greitt eins
og aðrir fjárfestingarsjóðir, hluta af
ávinningnum þegar eignin er seld.“
Almennt eru fjárfestingarnar
hugsaðar til þriggja til fimm ára. „Í
einhverjum tilvikum getur það verið
lengri tími. Við leitum til ólíkra fjár-
festa með mismunandi þarfir.
Stundum leitum við til fjárfest-
ingasjóða, sem krefjast fjármun-
anna aftur eftir tiltekinn tíma, en
einstaklingar og fyrirtæki innan
tískugeirans hafa oft meiri sveigj-
anleika. Okkar markmið til lengri
tíma er svo að stofna sérhæfðan
sjóð.“
– Í hverju felst þá sérhæfingin?
„Við setjum okkur ströng skilyrði.
Fyrirtæki sem koma til greina þurfa
að hafa fimm milljónir dollara í veltu
að lágmarki, en almennt erum við
með til skoðunar fyrirtæki sem velta
á bilinu 5 til 50 milljónum dollara.
Hlutaféð sem við leggjum fram þarf
að vera á bilinu 5 til 25 milljónir
dollara. Í öðru lagi skoðum við
merki sem eru í efstu tveimur lög-
unum á tískumarkaðnum, að því er
varðar verð og gæði, sem kannski
má skilgreina sem hátísku. Í þriðja
lagi gerum við kröfu um að fyr-
irtæki skili hagnaði eða að endar nái
saman næstu tólf mánuði. Í fjórða
lagi þarf að liggja fyrir að merkið
hafi markaðsskírskotun víðar en á
heimamarkaði. Matthew er til dæm-
is seldur í 150 verslunum um allan
heim og þótt Rachel sé ekki á jafn-
mörgum stöðum, þá teljum við samt
skýr merki um að vara hennar hafi
víða skírskotun. Loks erum við að-
eins með merki til skoðunar sem
hafa fengið viðurkenningu meðal
fagmanna í tískugeiranum. Okkar
áreiðanleikakönnun felur meðal
annars í sér að tala við kaupendur í
deildaskiptum stórverslunum, at-
huga hvernig varan selst, og einnig
við stílista, ritstjóra fagrita og ann-
að fólk úr geiranum. Það liggur til
grundvallar fjárfestingum.“
Byggt upp orðspor
Áslaug segir að sjóðurinn verði
ekki stór til að byrja með. Mark-
miðið sé að ljúka fyrst nokkrum
fjárfestingarverkefnum og byggja
með því upp orðspor. „Þegar við
höfum sýnt hvað við getum, þá mun-
um við hefja vegferðina. Það er erf-
itt að segja til um hversu fljótt getur
af því orðið. En við gerum ráð fyrir
að sjóðurinn verði til að byrja með
50 til 100 milljónir dollara.“
– Þetta er nokkuð ströng skil-
greining; langar þig aldrei til að
stökkva á önnur tækifæri sem bjóð-
ast?
„Auðvitað langar mig það oft,“
segir Áslaug einlæglega. „En ég
held það sé mikilvægt að vera ag-
aður. Það er auðvelt að heillast af
hlutum í þessum geira, en okkar
markmið er að stofna sjóð og þá
þarf að vera skýrt hvar við stöndum.
Við erum til dæmis ekki í ný-
CHRIS MOOREÚr fatalínu Rachel Roy á tískuvikunni í New York í september.
Forsíðan Mikið er fjallað um hönn-
un Rachel Roy í fjölmiðlum.
Vinnustofan Áslaug og Marianne Tesler, forstjóri Rachel Roy Fashions, á
vinnustofu Rachel Roy, en TSM Capital fjárfesti nýlega í fyrirtækinu.
TSM Capital Mortimer Singer, Marvin Traub og Áslaug Magnúsdóttir stofnuðu TSM Capital á þessu ári.
» „Við leitum uppi tæki-færi, finnum fjárfesta
og tökum síðan að okkur
að stýra fjárfestingunni
næstu 3 til 5 árin. Það
felst í stjórnarsetu,
stuðningi við stefnumót-
unarvinnu og að greiða
leiðina að deildaskiptum
stórverslunum í Banda-
ríkjunum og betri búðum
um allan heim, svo sem í
Rússlandi, Mið-Austur-
löndum, Grikklandi,
Tyrklandi og Indlandi.“
Látlaus Fatahönnun Rachel Roy
þykir látlaus og klassísk.
TÍSKA