Morgunblaðið - 30.12.2007, Blaðsíða 29

leytið, og fréttastjórinn þurfti að
sitja með henni í þrjú korter og ræða
við hana þótt hann hefði engan tíma
til þess.
En um leið rokseldist blaðið og
það var rosa stemmning hjá þeim.
En fyrr eða síðar hlaut þetta að
springa. Við vorum þarna talsvert
mikið og ég held að það skili sér í
þættina, það sé viss raunsæislegur
blaðamennskuandi yfir þeim. Og
okkur fannst mjög mikilvægt að
þetta væri trúverðugt.“
En hafði þessi vettvangskönnun
afgerandi áhrif á sýn ykkar á við-
fangsefni þáttanna? Lentu jafnvel
sérstök athugunarefni af ritstjórn-
inni óbreyttir í þættina?
„Algjörlega. Það eru karakterar
þarna sem eru beinlínis fengnir úr
þessari vettvangskönnun. Við hent-
um líka á lofti ýmsa frasa úr brans-
anum og fengum að líta á boðorð
Jónasar Kristjánssonar sem voru í
hávegum höfð á ritstjórninni. Eins
var með þessa sérstöku spennu í loft-
inu þegar verið er að loka blaðinu 10
mínútum fyrir „deadline“. Dagurinn
á svona ritstjórn byrjar frekar ró-
lega en svo smáeykst spennan og um
kaffileytið er ritstjórinn orðinn
stressaður og farinn að öskra á
menn. Þetta skilar sér held ég allt.“
Hið íslenska púsl
Andrúmsloftið á ritstjórninni í
þáttunum minnir á orð sem sjón-
varpsmaðurinn Egill Helgason lét
falla einhvers staðar að það fylgdi
voða lítill glamúr blaðamennsku á Ís-
landi. Bjó einhver slík hugsun að
baki við gerð þeirra?
Óskar: „Já, við vildum fá mikla
jarðtengingu og útgangspunkturinn
var eiginlega þessi samtvinnun á
vinnunni og fjölskyldulífinu. Við vild-
um að það væri mjög áþreifanlegt
hvað það er erfitt að púsla þessu
saman þótt það séu komnir farsímar
og allir á sínum einkabíl þá er alltaf
allt einhvern veginn í háalofti.“
Sara Dögg Ásgeirsdóttir leikur
aðalpersónu þáttanna, unga ein-
stæða móður sem ræður sig til starfa
sem blaðamaður á Póstinn. Sara
Dögg hefur áður leikið í kvikmynd-
um sem gerast á fyrri tíð eins og
Myrkrahöfðingjanum og Kaldaljósi.
Er ekki annars konar nálgun við að
leika í þáttum sem eiga að gerast hér
og nú og?
„Algerlega,“ segir Sara Dögg.
„Það er að vísu einhver ólæknandi
rómantíker í mér sem vill vera svolít-
ið í fortíðinni þannig að mér finnst
það ekkert leiðinlegt. En þetta er
sérstök áskorun að leika eitthvað
sem er að gerast í dag.“
En þessi einstæða móðir, það er
dálítið dapurlegt basl á henni.
„Auðvitað er það dapurlegt. En
það er bara raunveruleiki svo
margra. Og þess vegna er brýnna að
segja það.
En það mæðir mikið á henni. Hún
er einstæð móðir, þarf að rjúka úr
vinnunni vegna endalauss klúðurs í
óábyrgum barnsföður. Og svo á
versta tíma springur á bílnum.“
Sumir handritsráðgjafar segja ein-
mitt að ef menn lendi í vanda með
framvindu verks sé gott ráð að vera
nógu vondur við aðalpersónuna.
Fékkstu nokkuð á tilfinninguna að
höfundar þáttanna væru óþarflega
vondir við þig?
Sara: (Hlær) „Nei, reyndar ekki!
Hins vegar koma bara stundum
svona tímabil í lífi fólks þar sem allt
virðist vera í heljargreipum. Ég lenti
sjálf í álíka aðstæðum um daginn þar
sem sprakk hjá mér með hvissi í tví-
gang með tveggja vikna millibili. Og
þá flaug um hugann: „Bíddu, nú er
verið að segja mér eitthvað.“ Þetta
er annars mjög venjuleg stelpa í
öfgafullum kringumstæðum. Og
þetta eru hennar aðstæður – ég tala
nú ekki um að fara í blaðamennsku á
svona stað – það er bara pakki út af
fyrir sig. Síðan kemur allt hitt inn í,
púsl við daglega lífið, fyrrverandi og
tilvonandi og hvað veit ég. – En lífið
er oftast svo miklu stærra en handrit
rúmar. Þess vegna finnst mér þetta
alls ekki „overkill“.“
Óskar: „Ég hef sjálfur upplifað
svona daga í tíunda veldi – þar sem
sprungið dekk var minnsta málið.“
Að finna réttu leikarana
Óskar segir að mikil vinna hafi far-
ið í að finna réttu leikarana í hlut-
verkin.
„Ef maður finnur réttu leikarana
þá er allt annað bara leikur, bók-
staflega. Sumir leikarar eru bara
þannig að þeir falla svo vel í hlut-
verkið að það þarf ekkert að pæla
meira í því. Það var annars lögð mikil
vinna í þetta og gerðar ítrekaðar
kröfur, sumir þurftu að koma oftar
en einu sinni og oftar en tvisvar.
Þetta var langt ferli þar sem við vor-
um að þreifa fyrir okkur. Þetta eru
líka mörg hlutverk með texta, um 60-
70 alls. Svo ferlið varð ansi umfangs-
mikið, enda er þessi sería á við þrjár
bíómyndir að umfangi. Þegar leik-
ararnir voru loks fundnir tók við þétt
æfingaferli og upptökurnar voru líka
mjög þéttar og hraðar.“
Það þríeyki sem er hvað mest
áberandi á ritstjórn blaðsins leika
Kjartan Guðjónsson, Arndís Hrönn
Egilsdóttir og Stefán Hallur Stef-
ánsson.
„Við reyndum að hafa svolítið af
„ferskum“ andlitum,“ segir Óskar,
„fólki sem ekki hefur leikið svo mikið
í mynd til að ná vissum „realisma“.
Það er líka til svo mikið af ungum
leikurum sem hafa ekki verið svo
áberandi.“
En höfðu leikararnir mikil áhrif á
gerð persónanna?
„Það var mjög einstaklings-
bundið,“ segir Óskar. „Sumir koma
mikið með eigin innlegg og pælingar,
aðrir vilja bara fá leiðbeiningar.“
En til dæmis persóna þín, Sara,
hún virðist ekki eiga í teljandi erf-
iðleikum með að samlagast mór-
alnum á þessu umdeilda blaði. Var
það einhvern tíma að vefjast fyrir
þér. Hugsaðirðu einhvern tímann:
„Myndi hún bregðast svona og svona
við?“
„Já, auðvitað koma alltaf augna-
blik þar sem maður hugsaði: „Já, eru
þetta eðlileg viðbrögð?“ Ég man að
einhvern tíma spurði ég Skara: „Já,
gerir hún þetta?“ Og Skari svaraði
„Já, hún gerir þetta.“ Svo ég gekk
burt en hélt samt áfram að hugsa um
þetta, kom aftur til hans og spurði
„Ertu alveg viss, gerir hún þetta?“
„Já, ég er búinn að segja það,“ sagði
hann hálfpirraður.“ Sara hlær. „En
hún er auðvitað á vissan hátt utan-
veltu á þessari ritstjórn. Ég hugsaði
fyrst um hvort ég ætti að undirbúa
mig sérstaklega með því að kryfja
vinnubrögð blaðamanna. En svo
ákvað ég að það gera það einmitt
ekki þar sem hún er einmitt óreynd
og því klaufalegri sem hún er þeim
mun betra. En annars vill hún ná
tökum á starfinu og þess vegna sam-
lagast hún móralnum kannski bet-
ur.“
Óskar: „Ég tók eftir því með Söru
að hún pældi alltaf mikið í því fyrir
hverja senu hvaðan hún væri að
koma og hvað gerðist næst. Hún
pældi óvenju mikið í rökfræðinni,
hvar í ferlinu hún væri stödd. Því
auðvitað var þetta allt skotið í belg
og biðu.“
Ert þú ekki annars bundin ströng-
um þagnareiði varðandi framvindu
þáttanna, Sara? Máttu nokkuð tala
af þér í jólaboðum?
Sara: „Er það nokkuð, Óskar?“
Óskar: „Nei, annars … verðurðu
drepin.“
„Óskar gefur mjög skýr skilaboð
sem leikstjóri,“ segir Sara Dögg og
hlær.
Þau Sara og Óskar komast síðan
að því að ýmislegt sé óneitanlega
kunnuglegt við kaldranalegan heim-
inn á ritstjórn blaðsins í þáttunum.
Óskar: „Þessi barningur, hann á
líka við kvikmynda- eða sjónvarps-
þáttagerð. Þetta er alltaf þessi bless-
aði barningur. Þetta er mikil vinna,
launin lág, manni er alltaf kalt og er
að borða einhvern bakkamat í vondu
veðri. Það er enginn glamúr í þessu.
Og við þekkjum þetta svo vel.“
„Já,“ segir Sara Dögg og hlær.
„Það er enginn glamúr en samt eitt-
hvað. Það er eitthvað þarna…“
„Eitthvert ævintýri,“ segir Óskar.
Þurfum að stökkva
út í djúpu laugina
Óskar segir að þessir nýju þættir
séu gott dæmi um það sem nú geti
farið í hönd í gerð íslensks leikins
sjónvarpsefnis.
„Þessi þáttaröð er til dæmis ekki
dýr miðað við það sem gerist í ná-
grannalöndunum. En við erum bara
stödd á Íslandi og markaðurinn er
lítill. Það stendur heldur enginn í
svona framleiðslu til að verða feitur á
því eða ríkur. Ég held að við verðum
bara að stökkva út í djúpu laugina og
gera svona þætti. Krimmar eru uppi
á teningnum núna. En það skiptir
ekki máli hvernig seríur eru gerðar
heldur að fólk horfi á þær. En
krimmar eru mjög góðir af því að
þeir koma svo víða við. Þeir kryfja
svolítið mannlífið, ekki bara í sinni
fallegustu mynd heldur líka nei-
kvæðari hliðar þess. Það er okkar
eldsneyti.“
Blaðamaður Sara Dögg Ásgeirs-
dóttir : Aðalpersónan Lára.
Ritstjóri Kjartan Guðjónsson:
Nökkvi ritstjóri.
Stjórnarformaður Vilhjálmur Hjálm-
arsson: Bjarni stjórnarformaður.
MORGUNBLAÐIÐ SUNNUDAGUR 30. DESEMBER 2007 29
Fáðu úrslitin
send í símann þinn
Núna er
rétti tíminn
til að huga að
framtíðinni
8.janúar
Kynning á námskeiðum á Grand hótel milli 18:00 og 22:00.
Fyrirlestur um námskeiðin milli 20:00 og 21:00.
Ókeypis aðgangur.
Nánari upplýsingar á
www.gbergmann.is
Sýnishorn af dagskrá
hjá Guðjóni Bergmann árið 2008
11. til 13.janúar
Þú ert það sem þú hugsar
(helgarnámskeið í Reykjavík)
22., 24. og 27. janúar
Lærðu að kenna slökun
(námskeið fyrir fagfólk og
áhugamenn)
29., 31.janúar
og 3.febrúar
Þú getur staðið upp og talað
(frjálsleg og fagmannleg
framkoma)
18. til 20.janúar
Þú ert það sem þú hugsar
(helgarnámskeið á Akureyri)
26.janúar
Þú ert það sem þú hugsar 2
(nýtt eins dags námskeið)
9.febrúar
Þekktu sjálfan þig:
Innsýn í jógafræðin
(eins dags námskeið byggt
á samnefndri bók)
Í mars og apríl verða námskeið
í Vestmannaeyjum og á Ísafirði.
Markmiðakvöld
3.janúar milli 19:30 og 23:00
á Grand hótel Reykjavík.
Leyfðu Guðjóni Bergmann
að leiða þig í gegnum öflugt
markmiðasetningarferli.
Vanur maður, vönduð vinnu-
brögð og allir ganga út með
skýrari framtíðarsýn.
Vinnubók fylgir. Verð 6.500 kr.
Skráning og nánari upplýsingar á www.gbergmann.is.