Morgunblaðið - 03.01.2008, Blaðsíða 2

2 FIMMTUDAGUR 3. JANÚAR 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Eftir Önund Pál Ragnarsson
onundur@mbl.is
HEKLA Sigmundsdóttir, nýdoktor við Stan-
fordháskóla í Kaliforníu, fékk nýverið rann-
sóknarstyrk á sviði stofnfrumurannsókna frá
Norræna rannsóknarráðinu. Styrkurinn er til
tveggja og hálfs árs og nemur tveimur og
hálfri milljón norskra króna, eða um 28 millj-
ónum íslenskra króna, og telst því meðal
myndarlegustu einstaklingsstyrkja sem ís-
lenskum vísindamanni hefur hlotnast til
þessa. Hekla er sérfræðingur í ónæm-
isfræðum og hefur verið við Stanford um
þriggja ára skeið.
Hekla, sem var valin úr stórum hópi um-
sækjenda, segir styrkveitinguna hafa komið
sér nokkuð á óvart. „Það er mikil samkeppni
um svona styrki, og hún fer harðnandi. Ég er
mjög ánægð fyrir okkar hönd, því þetta er
líka viðurkenning fyrir mína samstarfsmenn,“
segir Hekla og á þar við Magnús Karl Magn-
ússon lækni og blóðmeinafræðing og Þórarin
Guðjónsson frumulíffræðing. Saman munu
þau þrjú mynda kjarnann í stofnfrumuhópi á
blóðmeinafræðideild Landspítalans, en rann-
sókn Heklu beinist að hlutverki stofnfrumna í
meingerð hvítblæðis.
Styrkféð mun að sögn Heklu nýtast til
margra hluta næstu árin. Annars vegar dugir
það fyrir launum, en hins vegar efniskostn-
aði, þ.e. dýrum og sérhæfðum mótefnum, sem
notuð eru til að einangra frumur úr beinmerg
og blóði.
Ná öflugu fólki til Norðurlandanna
Magnús Karl segir styrkinn hugsaðan til
að fá öflugt fólk í stofnfrumufræðum til að
starfa á Norðurlöndunum. Markmiðið sé að
byggja þar upp stofnfrumufræðin.
„Í krabbameinum eru sjaldgæfar frumur,
stofnfrumur, sem viðhalda sjúkdómnum. Þær
eru í raun svipaðar stofnfrumum sem finnast
í venjulegum vefjum. Þessum frumum viljum
við beina sjónum okkar að,“ segir Magnús.
Verkefni Heklu mun meðal annars ganga út
á að skilgreina hvaða frumur hafi stofn-
frumueiginleika í hvítblæði og hvort sú með-
ferð, sem beitt er í dag, hafi áhrif á stofn-
frumurnar. Að sögn Magnúsar verður ný
flæðifrumusjá notuð við rannsóknina, en hún
gerir það kleift að aðgreina stofnfrumur í
krabbameini frá öðrum frumum. „Á meðal
þess sem Hekla hefur mikla reynslu af við
Stanford-háskóla er notkun þess háttar tæk-
is,“ segir Magnús.
Ein stærsta styrkupphæð sem um getur
 Doktor Hekla Sigmundsdóttir fékk 28 milljóna króna styrk til að stunda stofnfrumurannsóknir við
Landspítalann  Norræn stofnun veitir styrkinn til þess að ná hæfileikafólki heim til Norðurlanda
Hekla
Sigmundsdóttir
Magnús Karl
Magnússon
FJÖLMENNT kveðjuhóf fór fram í húsnæði Máls
og menningar í gær en Súfistinn hefur hætt þar
rekstri. Áætlað er að um og yfir tvö hundruð
manns á öllum aldri hafi tekið þátt í kveðjuat-
höfninni.
„Það sást blika tár á hvarmi,“ segir Hjörleifur
Valsson fiðluleikari, sem sett hafði saman menn-
ingarveislu fyrir vini Súfistans á þessum tíma-
mótum. Sagði hann mikla eftirsjá að Súfistanum
í Reykjavík í hugum vina Súfistans, enda hafi
ávallt ríkt þar góð stemning, þar sem bókabúðin
veitti kaffihúsinu skemmtilega umgjörð. Meðal
þeirra sem þátt tóku í kveðjuathöfninni voru
séra Hjálmar Jónsson, en hann stýrði sálmasöng
viðstaddra í táknrænni útför. Í samtali við Morg-
unblaðið segir Birgir Finnbogason, eigandi Súf-
istans, að sig langi til þess að koma upp menn-
ingarhúsi undir Súfistann í Reykjavík þar sem
áhersla verði á menningartengda viðburði og
kaffidrykkju en ekki bjórþamb. Hann segist því
opinn fyrir öllum hugmyndum um nýtt húsnæði.
Súfistinn hefur hætt rekstri í húsnæði Máls og menningar á Laugavegi
Morgunblaðið/Golli
Tár sást blika á hvarmi
Eftir Silju Björk Huldudóttur
silja@mbl.is
RAGNHEIÐUR Inga Þórarinsdótt-
ir aðstoðarorkumálastjóri hefur
formlega með bréfi óskað eftir því
við Össur Skarphéðinsson iðnaðar-
ráðherra að hann rökstyðji ráðningu
nýs orkumálastjóra. Össur skipaði 1.
janúar sl. Guðna A. Jóhannesson,
prófessor, í embætti orkumálastjóra
til næstu fimm ára, en Guðni hefur
sl. 13 ár gegnt stöðu forstöðumanns
Byggingartæknideildar Konunglega
verkfræðiháskólans í Stokkhólmi.
„Þessi ráðning kemur mér á óvart.
Ég var sett orkumálastjóri í þrjá
mánuði árið 2005 af Valgerði Sverr-
isdóttur og sett aðstoðarorkumála-
stjóri í nóvember 2005 þegar skipu-
ritinu var breytt og varð þar með
staðgengill orkumálastjóra,“ segir
Ragnheiður og bendir á að hún hafi
verið starfandi orkumálastjóri sl.
þrjá mánuði meðan orkumálastjóri
var í leyfi frá störfum. „Auðvitað
þegar maður finnur fyrir góðum
stuðningi við sín störf, bæði innan
stofnunarinnar og úti í orkugeiran-
um, hlýtur maður að verða hissa á
þessari ráðningu,“ segir Ragnheið-
ur. Bendir hún á að bæði hún og
Guðni hafi doktorsgráðu í verkfræði,
auk þess sem hún hafi MBA-gráðu
frá Háskóla Íslands með áherslu á
fjármál og rekstur. Auk þess virðist
henni sem hún hafi meiri reynslu á
sviði stjórnsýslu og orkumála en ný-
skipaður orkumálastjóri.
Eftir því sem blaðamaður kemst
næst hefur ráðherra tvær vikur til
þess að gera grein fyrir rökstuðningi
sínum. Að sögn Ragnheiðar mun
hún á grundvelli svara ráðherra
ákveða hvort hún hyggist leita til
Umboðsmanns Alþingis og Jafnrétt-
isstofu.
Að sögn Einars Karls Haraldsson-
ar, aðstoðarmanns iðnaðarráðherra,
fór ráðningarstofan Capacent yfir
umsóknir umsækjenda og valdi þá
þrjá sem hún taldi hæfasta, m.t.t.
menntunar og reynslu, í viðtöl. Segir
hann að það hafi verið samdóma álit
sérfræðinga ráðningarstofunnar,
ráðuneytisstjóra iðnaðarráðherra og
skrifstofustjóra orkumálasviðs að
Guðni væri hæfasti umsækjandinn.
Starfsmenn segjast hissa
Í samtölum Morgunblaðsins við
nokkra starfsmenn Orkustofnunar
sögðust þeir hissa á ráðningunni þar
sem flestir hefðu búist við því að
Ragnheiður yrði ráðin í starfið þar
sem hún hefði menntunina og
reynsluna sem til þyrfti auk þess
sem hún væri vel liðin í starfi. Bentu
þeir jafnframt á að Ragnheiður væri
eini umsækjandinn sem hefði
reynslu af því að vera orkumála-
stjóri og að menn hefðu haldið að
það yrði talið henni til tekna.
Ekki náðist í iðnaðarráðherra við
vinnslu fréttarinnar í gærkvöldi.
Vill rökstuðning ráðherra
Einar Karl Haraldsson, aðstoðarmaður iðnaðarráðherra, segir það samdóma álit
ráðgjafa og ráðuneytis að Guðni A. Jóhannesson hafi verið hæfasti umsækjandinn
Ragnheiður Inga
Þórarinsdóttir
Einar Karl
Haraldsson
HÉRAÐSDÓMUR Reykjavíkur hef-
ur dæmt íslenska ríkið til að greiða
konu á sextugsaldri 4,4 milljónir
króna vegna tjóns sem hún varð fyrir
vegna ófullnægjandi læknismeðferð-
ar á Landspítala á tímabilinu 25. febr-
úar til 18. apríl 2000. Konan höfðaði
málið í maí 2004 en sakarefninu var
skipt upp í desember 2005 og fyrst
dæmt um bótaskyldu í málinu. Dóm-
ur í þeim þætti féll í héraði janúar
2006 og staðfesti Hæstiréttur bóta-
skyldu ríkisins í febrúar sl.
Konan gekkst undir skurðaðgerð á
LSH vegna brjóskloss í baki í febrúar
2000. Hún var útskrifuð þremur dög-
um síðar en fljótlega fór að bera á
verulegum verkjum. Eftir að leið yfir
konuna var hún flutt á bráðamóttöku
og gerð segulómskoðun á lendahrygg
hennar. Aðgerðarlæknir sem kallaður
var til lagði til að gerð yrði sérstök
rannsókn á aðgerðarsvæðinu þannig
að marktæk greining fengist, en af
því varð ekki. Yfirlæknir á bæklunar-
skurðdeild taldi að verkirnir stöfuðu
af blóði sem ýtti á taugar, og þar með
ekki af brjósklosi.
Hlaut vöðvaspennutruflun
Konan var send til endurhæfingar
á Reykjalund 10. apríl en var þá svo
slæm af verkjum að hún var lögð inn á
LSH þremur dögum síðar. Þá var
tekin tölvusneiðmynd af lendahrygg
og kom í ljós brjósklos. Var því gerð á
henni önnur aðgerð.
Í málinu var byggt á því að konan
hefði ekki fengið fullnægjandi lækn-
ismeðferð þar sem dregist hefði að af-
létta þrýstingi af taug á umræddu
tímabil. Vegna mistakanna hafi konan
orðið fyrir fjárhagslegu tjóni, þján-
ingum, varanlegum miska og varan-
legri örorku. Varanleg einkenni eru
m.a. verkir í vinstri fæti, máttleysi og
vöðvaspennutruflun (e. dystonia),
sem getur valdið miklum sársauka, er
oft viðvarandi til lengri eða skemmri
tíma og afar erfið meðferðar. Vöðva-
spennutruflun getur komið í kjölfar
úttaugakerfisskaða, eins og í tilfelli
konunnar, við þrýsting á taugar út frá
brjósklosi. Er talið að sá dráttur sem
varð á réttri meðferð hafi verið mik-
ilvægur orsakaþáttur í því að hún
hlaut dystoníu í vinstri fót.
Dóminn kváðu upp Sigríður Ingv-
arsdóttir héraðsdómari og meðdóms-
mennirnir Bragi Guðmundsson bækl-
unarskurðlæknir og Guðrún Rósa
Sigurðardóttir taugalæknir.
Meðferð
ófull-
nægjandi
Ríkið dæmt til að
greiða 4,4 milljónir
króna í bætur