Morgunblaðið - 03.01.2008, Blaðsíða 16

16 FIMMTUDAGUR 3. JANÚAR 2008 MORGUNBLAÐIÐ
SUÐURNES
Ljósmynd/Víkurfréttir
Viðurkenning Nokkuð bættist í verðlaunasafn Erlu Daggar Haraldsdóttur
sundkonu á verðlaunahátíð ÍRB og var þó mikið fyrir í safninu.
Eftir Helga Bjarnason
helgi@mbl.is
Reykjanesbær | „Það eru öll Ís-
landsmetin og ekki síður að komast
undir eina mínútu og tíu sekúndur í
100 metra bringusundi, fyrst ís-
lenskra sundkvenna,“ segir Erla
Dögg Haraldsdóttir sundkona úr
Íþróttabandalagi Reykjanesbæjar
þegar hún er spurð að því hvað sé
eftirminnilegast frá síðasta ári. Hún
tók við útnefningunni Íþróttamaður
Reykjanesbæjar við hátíðlega at-
höfn í Íþróttahúsi Njarðvíkur á
gamlársdag. Hún varð einnig þessa
heiðurs aðnjótandi fyrir tveimur ár-
um.
Erla Dögg hefur æft sund frá tíu
ára aldri en áður hafði hún verið í
fimleikum um tíma. Frá því hún hóf
að keppa hefur hún unnið ýmis afrek
í íþrótt sinni en árið 2007 er það
besta til þessa. Hún vann fjölda Ís-
landsmeistaratitla og setti mörg
met. Meðal annars setti hún fjögur
Íslandsmet á sama mótinu og sló á
árinu tvö átján ára gömul Íslands-
met og eitt fimmtán ára gamalt.
Bjartsýn fyrir komandi ár
Árangurinn hefur ekki náðst
þrautalaust. Erla Dögg átti við veik-
indi að stríða um tíma og gat ekki
beitt sér að fullu en hún er bjartsýn
fyrir komandi ár og hefur sett sér
ýmis markmið. „Maður þarf að halda
áfram en gefast ekki upp þegar
svona tímabil koma,“ segir hún.
Erla Dögg verður tvítug í apríl og
stefnir að því að ljúka stúdentsprófi
frá Fjölbrautaskóla Suðurnesja í
vor. Ekki er útlit fyrir annað en það
takist því hún hefur staðið sig vel í
námi þótt mikill tími fari í æfingar og
keppnisferðir. Draumurinn er að
komast í háskóla til Bandaríkjanna í
haust til þess að geta stundað nám
og æfingar við góðar aðstæður. Erla
Dögg er þegar byrjuð að undirbúa
það mál.
Ekki þarf að spyrja að markmið-
inu á íþróttasviðinu, það er að kom-
ast á Ólympíuleikana í Peking í Kína.
Erlu Dögg vantar nú sekúndu upp á
lágmarkið. Hún hefur sett stefnuna
á 200 metra fjórsund. Hún hefur
ágætan tíma til þess að ná lágmörk-
unum, fram á vor. „Ég æfi á fullu og
einbeiti mér að því að ná þessu sem
fyrst. Það er mikilvægt,“ segir hún.
Yfir 200 Íslandsmeistarar
Jóhann Rúnar Kristjánsson,
íþróttamaður fatlaðra, varð í öðru
sæti í kjöri Íþróttamanns Reykja-
nesbæjar og Brenton Birmingham,
körfuknattleiksmaður úr UMFN,
varð í þriðja sæti. Þá voru útnefndir
íþróttamenn einstakra íþróttagreina
í Reykjanesbæ og Íslandsmeistarar
heiðraðir.
Liðlega 200 íþróttamenn úr
Reykjanesbæ náðu Íslandsmeistara-
titli í flokka- og einstaklingsíþróttum
á síðasta ári. Eru það fleiri en áður
hefur þekkst.
Má ekki gefast upp
Í HNOTSKURN
»Erla Dögg Haraldsdóttirvann átta Íslandsmeist-
aratitla í fullorðinsflokki á síð-
asta ári og setti tíu Íslandsmet.
Er það einstakt afrek í íslenskri
sundsögu.
»Afrek hennar í bringusundiog fjórsundi skipa henni í
fremstu röð í Evrópu.
»Erla Dögg er í ólympíuhópiSundsambands Íslands og
ætlar sér að ná lágmörkum fyrir
Ólympíuleikana í Kína.
Erla Dögg Har-
aldsdóttir Íþrótta-
maður Reykjanes-
bæjar 2007
Sandgerði | Nýr hraðbjörgunar-
bátur fyrir Björgunarsveitina Sig-
urvon í Sandgerði er í smíðum í
Noregi. Hann er væntanlegur til
landsins á vormánuðum. Sveitin er
að safna fé til kaupanna. Sandgerð-
isbær tilkynnti nýlega fimm millj-
óna króna styrk til bátakaupanna,
auk þess sem bærinn gerði þjón-
ustusamning við björgunarsveitina
um ýmis föst verkefni sem hún vinn-
ur að fyrir bæjarfélagið og vegna
reksturs hennar og unglingasveitar.
Björgunarbátur Sigurvonar,
Kiddi Lár, hefur þjónað sveitinni í
þrjátíu ár og var kominn tími til að
fá nýjan og öflugri bát til að auka
öryggi á starfssvæði Sigurvonar, að
sögn Guðlaugs Ottesen gjaldkera
Sigurvonar. Samið var við norskt
fyrirtæki um smíði á tæplega níu
metra löngum báti með tveimur vél-
um og þrýstiloftsbúnaði. Báturinn
er mun þyngri og öflugri en sá
gamli og á að þola betur sjólag við
Reykjanes.
Guðlaugur segir áætlað að bát-
urinn kosti með öllum búnaði yfir
tuttugu milljónir kr. Þegar hafa
safnast um ellefu milljónir í björg-
unarbátasjóð og er því enn verið að
leita eftir stuðningi.
Björgunarsveitin er einnig að
undirbúa byggingu nýs björg-
unarsveitarhúss við höfnina í Sand-
gerði. „Þetta er fyrst og fremst sjó-
björgunarsveit, þótt við sinnum
öllum verkefnum sem upp koma á
svæði okkar, og því er mikilvægt að
komast nær höfninni með bát okkar
og búnað,“ segir Guðlaugur. Sveitin
seldi Sandgerðisbæ hús sitt við
Strandgötu og hefur fengið lóð á
nýjum stað, án gatnagerðargjalda.
Bygging hússins hefur verið boðin
út og verða tilboð opnuð á næstunni.
Það ræðst af samningum við
verktaka hvenær húsið verður tekið
í notkun en Guðlaugur segir að það
sé draumurinn að flytja inn í nýtt
hús á 80 ára afmæli björgunarsveit-
arinnar í lok júní.
Ofar öldum Nýr hraðbjörgunarbátur Sigurvonar er mun öflugri en eldri
bátur sveitarinnar. Hér sést sams konar bátur á fljúgandi ferð.
Safna fyrir nýjum
hraðbjörgunarbáti
Keflavík | Ungur
sundmaður,
Guðni Emilsson,
var kjörinn
íþróttamaður
Keflavíkur 2007 í
hófi sem stjórn
Keflavíkur, ung-
menna- og
íþróttafélags,
efndi nýlega til
af þessu tilefni.
Guðni er sérstaklega efnilegur
og duglegur sundmaður, að því er
segir í rökstuðningi sem fluttur var
þegar tilkynnt var um valið. Hann á
nokkur met í yngri aldursflokkum
og á síðasta ári vann hann til verð-
launa á Norðurlandameistaramóti
unglinga.
Ungur sundmaður
heiðraður
Guðni Emilsson
LANDIÐ
Akranes | Sig-
rún Ósk Krist-
jánsdóttir hefur
tekið við starfi
ritstjóra miðla
Skessuhorns á
Vesturlandi. Hún
tekur við starf-
inu af Magnúsi
Magnússyni út-
gefanda sem
verður aðstoðar-
ritstjóri og mun áfram sinna skrif-
um og verkefnum við rekstur fyrir-
tækisins.
Sigrún er uppalin á Akranesi og
hóf blaðamannsferil sinn hjá
Skessuhorni árið 1999. Hún hefur
meðal annars unnið við dagskrár-
gerð hjá Sjónvarpinu og blaða-
mennsku á Fréttablaðinu auk náms
við Háskólann á Bifröst.
Nýr ritstjóri
Skessuhorns
Sigrún Ósk
Kristjánsdóttir
Eftir Kára Jónsson
Laugarvatn | Verslunin Samkaup –
Strax á Laugarvatni hefur veitt
björgunarsveitinni Ingunni á
Laugarvatni styrk til kaupa á
þremur Tetra talstöðvum fyrir
sveitina. Styrkurinn var afhentur
við athöfn sem forsvarsmenn Sam-
kaupa efndu til í versluninni á dög-
unum.
Björgunarsveitin Ingunn er lítil
sveit staðsett í jaðri hálendisins
sunnan Langjökuls þar sem er vin-
sælt svæði til útivistar. Sveitin er
að sögn Bjarna Daníelssonar, for-
manns Ingunnar, því æði oft kölluð
út til að aðstoða ferðafólk og aðra
sem lenda í vandræðum af völdum
ófærðar eða veðurs.
Kærkomnar gjafir
Hafa útköll verið tíð að undan-
förnu og það sýnir mikilvægi starf-
semi sveitarinnar á þessu svæði.
Tekjumöguleikar sveitarinnar til
að standa undir rekstri björgunar-
tækja eru litlir. Því eru gjafir sem
þessar kærkomnar til að bæta
tækjakostinn, að sögn Bjarna
Daníelssonar, formanns björgunar-
sveitarinnar Ingunnar.
Morgunblaðið/Kári Jónsson
Stuðningur Smári Stefánsson og Bjarni Daníelsson taka við styrk til björg-
unarsveitarinnar úr hendi Kjartans Más Kjartanssonar hjá Samkaupum. Með
þeim eru Benedikt Kristjánsson og Rut Guðmundsdóttir verslunarstjóri.
Tíð útköll staðfesta
mikilvægi sveitarinnar
Selfoss | Metfjöldi fæðinga var á
síðasta ári á fæðingardeild Heil-
brigðisstofnunar Suðurlands á Sel-
fossi . Alls fæddust 177 börn á deild-
inni en á árinu 2006 voru börnin 152.
Fædd börn eru því 25 fleiri en árið
áður.
Fleiri stelpur fæddust en drengir
á árinu. Í hópnum sem fæddist á
árinu 2007 eru 94 stelpur og 83
drengir.
Álag í upphafi árs
Fyrsti Sunnlendingurinn kom síð-
an í heiminn að morgni nýársdags,
20 marka stúlka úr Þorlákshöfn.
Reiknað er með miklu álagi á fæð-
ingardeildinni í upphafi árs enda
margar konur skráðar á fæðingar-
deild í janúar, febrúar og mars,
samkvæmt upplýsingum sem feng-
ust hjá Heilbrigðisstofnun Suður-
lands.
25 fleiri börn komu
í heiminn á Selfossi
Fjölgun Svanborg Egilsdóttir yfir-
ljósmóðir með eitt af börnunum
sem fæddust á milli jóla og nýárs.
Borgarnes | Stéttarfélag Vestur-
lands hefur greitt út áheit sem
gefið var um stuðning við bygg-
ingu og endurbætur húsnæðis
Dvalarheimilis aldraðra í Borgar-
nesi. Frá því er sagt á vef Skessu-
horns.
Verkalýðsfélag Borgarness til-
kynnti á 75 ára afmæli sínu í mars
2006 að það myndi gefa 5 milljónir
til Dvalarheimilisins, þegar fram-
kvæmdir hæfust, en það þyrfti þá
að gerast fyrir lok árs 2007. Á
gamlársdag var undirrituð yfirlýs-
ing um aðkomu Sparisjóðs Mýra-
sýslu og Borgarbyggðar að fram-
kvæmdum. Jafnframt var staða
hönnunar kynnt forsvarsmönnum
verkalýðsfélagsins sem töldu end-
anlega ljóst að af þessum fram-
kvæmdum yrði og greiddu út
stuðning sinn. Upphæðin var þá
orðin liðlega 6 milljónir kr. með
vöxtum og verðbótum.
Áheit vegna byggingar
dvalarheimilis greitt út