Morgunblaðið - 22.06.2008, Blaðsíða 35
MORGUNBLAÐIÐ SUNNUDAGUR 22. JÚNÍ 2008 35
Síðumúla 21 • 108 Reykjavík • S . 588 9090 • fax 588 9095
www.eignamidlun. is • e ignamidlun@eignamidlun. is
Sverr ir Kr ist insson, löggi ltur fasteignasal i
Reynimelur - Einstök eign
Stórglæsileg 165,7 fm efri sérhæð auk 24,9 fm bílskúrs, samtals 190,6 fm. Þar að auki
er óskráð rými í risi. Hæðin skiptist í forstofu, stórt hol, fjögur svefnherbergi, tvær sam-
liggjandi stofur, eldhús og baðherbergi. Í risi er sjónvarps og leikherbergi og í kjallara eru
geymslur og þvottahús. Íbúðin hefur nánast verið endurbyggð frá grunni á vandaðan og
glæsilegan hátt á sl. tveimur árum. 7616
Flókagata - Efri sérhæð og ris
Falleg og vel staðsett efri sérhæð ásamt risi og bílgeymslu. Íbúðin skiptist í stigahol, tvær
stofur hol, svefnherbergisgang, tvö svefnherbergi, baðherbergi og eldhús með borðkrók.
í risi er hol, baðherbergi, herbergi og geymsla. Bílgeymsla er sameiginleg svo og óskráð
geymsla undir hluta bílskúrs. Eignin er endurn. á mjög smekkl. og vandaðan hátt. Húsið
er staðsett við Miklatún, staðsetning eignarinnar telst því sérlega góð. V. 57,0 m. 3572
Akrasel - Tveggja íbúðar hús
Vandað og velbyggt tvílyft 280,4 fm einbýlishús með innbyggðum bílskúr og óskráðu
20-30 fm íbúðarrými. Húsið stendur fyrir ofan götu og er frábært útsýni frá efri hæðinni.
Á neðri hæðinni er forstofa, hol, tvö herbergi og bílskúrs. Auk þess er ca 40-50 fm
tveggja herbergja íbúð með sérinngangi á jarðhæð. Á efri hæðinni er hol, stórar stofur,
sjónvarpsstofa, eldhús, þvottahús, þrjú herbergi og baðherbergi. V. 59,9 m. 3567
Birkiás - Glæsilegt útsýni
Glæsilegt 152,1 fm (þ.a. er bílskúr 20,2 fm) raðhús á pöllum með glæsilegu útsýni.
Eignin skiptist í forstofu, eldhús, fjögur svefnherbergi, stofu, baðherbergi og sér 2ja her-
bergja íbúð í kjallara. Stórglæsileg suðurverönd er útaf bjartri stofu. V. 48,0 m. 3565
Kvistaland - vel staðsett
Vandað 440 fm einb. (þríbýli) á tveimur hæðum teiknað af Kjartani Sveinssyni neðst í
Fossvoginum. Mjög fallegur og gróinn garður með góðri verönd er fyrir framan húsið.
Innb. bílskúr um 55 fm. Húsið hefur verið mikið endurnýjað á s.l. árum m.a. gólfefni,
hurðir, baðherb. og fl. Í dag eru 2 litlar íbúðir í kjallara með sérinngangi. V. 130 m. 5587
Urðarbrunnur - Gott verð!
Um er að ræða steinsteypt einbýlishús á tveimur hæðum auk bílskúrs. Neðri hæðin er
166,4 fm, efri hæð 120,7 og bílskúr 40,4 fm. Samtals 327,5 fm. Húsið skilast fullbúið að
utan með flísum og viðarklæðningu, lóðin er grófjöfnuð. Að innan skilast húsið fokhelt.
V. 49,5 m. 7622
Heiðargerði - Vel staðsett
Fallegt 187,7 fm hús á tveimur hæðum auk
hluta í kjallara og 43 fm bílskúrs. Samtals
230,7 fm. M.þ. sem endurnýjað hefur verið
er skólplagnir, ofnar, gler og gluggar, járn á
þaki og neysluvatnslagnir að hluta. Auk
þess sem eldhús, baðherbergi og gólfefni
hafa verið endurnýjuð á síðustu árum. Hús-
ið er mjög vel staðsett efst í botnlanga, rétt
við skóla og alla þjónustu. V. 62,9 m. 3569
ÉG HEF verið bænheyrður. Í
ávarpi mínu til 16 þúsund hátíð-
argesta á Rútstúni 17. júní síðast-
liðinn gagnrýndi ég ráðamenn þjóð-
arinnar fyrir að mála skrattann á
vegginn. Ég benti á að bjartsýni
væri besti aflgjafi þjóðarinnar þeg-
ar á móti blési, bölmóður drægi úr
henni þróttinn. Byggingariðnaður-
inn væri nánast kyrrstæður og ým-
is sóknarfæri ekki nýtt. Þetta yrði
ríkisstjórnin að athuga.
Á öðrum stað talaði Geir H.
Haarde, forsætisráðherra og for-
maður Sjálfstæðisflokksins. Hann
var vongóður og sagði meðal ann-
ars að við gætum gengið á vit fram-
tíðarinnar „ekki aðeins með von,
heldur einnig vissu um að farsæld
biði okkar“. Geir lét ekki sitja við
orðin tóm.
Ríkisstjórnin hefur nú ákveðið að
ráðast í aðgerðir sem auka veltu á
fasteignamarkaði, íbúðarkaup-
endum og íbúðareigendum til hags-
bóta sem og efnahagslífinu öllu.
Meðal annars eru stofnaðir nýir
lánaflokkar hjá Íbúðalánasjóði, lán-
veitingar miðaðar við kaupverð en
ekki brunabótamat, hámark lána
aukið, útgáfa stuttra ríkisbréfa auk-
in og lausafjárstaða bankanna bætt.
Ráðstafanir þessar vinna gegn
kólnun á fasteignamarkaði sem
hefði haft í för með sér efnahags-
samdrátt og atvinnu- og tekjumissi
fyrir fjölskyldurnar í landinu.
Þetta er góður leikur, Geir. Þess-
ar aðgerðir eru fullkomlega tíma-
bærar og auka bjartsýni með þjóð-
inni. Bjartsýni er þjóðinni
jafnnauðsynleg og sólin holtasól-
eynni.
Rík ástæða er til að þakka fyrir
aðgerðir ríkisstjórnarinnar á fast-
eigna- og fjármálamarkaði. Þær
eru mikilvægt skref í rétta átt. Með
þessu áframhaldi vinnum við okkur
út úr vandanum og aukum fjár-
málastöðugleikann í landinu á ný.
Gunnar I. Birgisson
Góður leikur, Geir
Höfundur er bæjarstjóri í Kópavogi
Bréf til blaðsins
Morgunblaðið Hádegismóum 2, 110 Reykjavík Bréf til blaðsins | mbl.is
Í TROMSØ í
Noregi hafa sorp-
hirðumál tekið
stakkaskiptum
síðustu ár og það
kerfi sem sam-
þykkt var þar er
eitthvað sem við
ættum virkilega
að íhuga að koma
okkur upp hér á
Íslandi. Kerfið er
einfalt fyrir heimilin og lítil vand-
ræði hafa fylgt því. Fyrir neytand-
ann virkar kerfið á eftirfarandi hátt:
Inni á hverju heimili eru fimm
sorppokar í mismunandi litum; blár
fyrir plast, grænn fyrir mat-
arúrgang, gulur fyrir fernur og
geymslupappa, rauður fyrir pappír
og hvítur fyrir rusl sem ekki er hægt
að flokka í nokkurn af hinum fjórum.
Þeim er svo hent í sama gám og
sorphirðumenn nota svo hálfgerða
ryksugu til að soga pokana í sorpbíl-
ana. Pokunum er keyrt í flokk-
unarstöð þar sem þeir eru flokkaðir
sjálfvirkt með aðstoð litaskynjara.
Auk þess eru gámar á víð og dreif
um borgina, fyrir málma, gler,
hættulegan úrgang (rafhlöður og
annað slíkt) og fleira sem ekki fylgir
í heimapokunum.
Þegar menn eru komnir upp á lag-
ið með að nota þetta kerfi er óneit-
anlega skrítið að byrja aftur að
henda hafragrautnum saman við
plast. Vilji maður endurvinna sorp á
Íslandi þarf fjölskyldan helst að eiga
bíl, borga þarf sérstaklega til að
endurvinna ákveðið sorp og gámar
eru fáir og langt á milli þeirra. Ís-
lendingar henda miklu magni af
sorpi daglega, neyslan hér er gríð-
arlega mikil í hlutfalli við flestar aðr-
ar þjóðir. Við getum varla sagt mikið
lengur kinnroðalaust að samfélagið
sé á nokkurn máta umhverfisvænt
þegar svo er í stakk búið í sorp-
málum. Hlekki má finna á netsíðunni
eggin.is. Því ekki að brjóta odd af of-
læti sínu og læra af frændum okkar.
JÓN KARL STEFÁNSSON,
áhugamaður um umhverfisvernd.
Flokkun sorps með litnemum
Frá Jóni Karli Stefánssyni
Jón Karl
Stefánsson