Morgunblaðið - 22.06.2008, Blaðsíða 63
MORGUNBLAÐIÐ SUNNUDAGUR 22. JÚNÍ 2008 63
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Montreal
í júní og júlí
frá kr. 14.990
Heimsferðir bjóða frábært tilboð á síðustu sætunum til Montreal í
júní og júlí. Þetta er einstakt tækifæri til að njóta lífsins í þessari
stórkostlega spennandi borg sem er önnur stærsta borg Kanada.
Í borginni mætast gamli og nýi tíminn, rík sagan og iðandi
nýbreytnin á einstaklega skemmtilegan hátt. Það er frábært að
skoða sig um, versla og njóta lífsins í Montreal; fallegar byggin-
gar, skemmtigarðar, spennandi söfn, endalaust úrval verslana og
veitingastaða og mjög hagstætt verðlag. Gríptu tækifærið og
smelltu þér til Montreal og njóttu þess besta sem þessi spennan-
di heimsborg hefur að bjóða.
Mjög takmarkað framboð flugsæta og gistingar í boði á þessu
verði.
Netverð á mann. Flugsæti báðar leiðir með
sköttum, sértilboð 27. júní og 4., 11. og
18. júlí. Ath. mjög takmarkað framboð
flugsæta og gistingar í boði á þessu verði.
Verð kr. 39.990 flug og
gisting í viku
Netverð á mann, m.v. 2 fullorðna og 2
börn, 2-11 ára á Hotel Les Suites Labelle
*** eða Hotel Le Roberval *** með
morgunverði í viku, sértilboð 27. júní og
4., 11. og 18. júlí. Ath. mjög takmarkað
framboð flugsæta og gistingar í boði á
þessu verði.
Síðustu sæti!
27. júní
4., 11., 18. júlí
Fjölbreytt gisting - frábær sértilboð!
Verð kr. 14.990aðra leið
24.990 báðar leiðir.
BAKER Street er frægt sem
gatan þar sem Sir Arthur Conan
Doyle hýsti sinn ódauðlega snuðr-
ara, Sherlock Holmes. Dálítið fynd-
ið að þessi sama gata varð áratug-
um síðar vettvangur eins frægasta
bankaráns í sögu landsins. Til að
leysa það hefði sannarlega þurft að
koma til kasta snillinga á borð við
Holmes, en því var ekki að fagna.
Málið telst enn óupplýst og ýmsar
kviksögur komust á kreik um að
ástæðan væri tengd háttsettum
einstaklingum, jafnvel konungsfjöl-
skyldunni.
Höfuðpaurinn, Terry (Statham),
er farinn að þrá eðlilegt heimilislíf,
til þess þarf hnífur hans að komast
í feitt, hann er ótíndur en djarfur
smáþjófur og er ráðinn ásamt
gengi sínu, skipuðu undirmáls-
mönnum, til að ræna bankahvelf-
ingu. Sú sem fær hann til verksins
er Love (Saffrans), fyrrverandi fyr-
irsæta, komin út á glapstiguna.
Ýmislegt óvænt og óheppilegt kem-
ur í ljós í ráninu, auk formúu fjár.
Donaldson á athyglisverða end-
urkomu í leikstjórastólnum, The
Bank Job er hröð, fyndin og snúin
og Statham ber myndina trúverð-
uglega uppi.
Handritið er sjálfsagt samspil
staðreynda, skáldskapar og sögu-
sagna, það bólar á mörgum og lit-
ríkum aukapersónum, jafnt trygg-
um eiginkonum sem öðrum
vafasamari kvendum, klámleikarar,
aðalsmenn, spilltar og heiðarlegar
löggur og bófar ásamt ýmsum
frægum einstaklingum sem komu
við sögu þessara léttgeggjuðu tíma,
líkt og Michael X (De Jersey).
Besta mynd Stathams, sem fer létt
með að líma saman óverulegri
spennumyndir en þessar. Kannski
verður The Bank Job besta myndin
hans, hann er samt sem áður í
greinilegri uppsveiflu og er hvað
líflegastur B-myndaleikara nú um
stundir. Hann á stærstan þátt í að
gera The Bank Job að óvæntri
sumarskemmtun.
Bankaránið við
Baker Street
KVIKMYND
Sambíóin
The Bank Job
bbbmn
Leikstjóri: Roger Donaldson. Aðalleik-
arar: Jason Statham, Saffron Burrows,
Richard Lintern, Stephen Campbell
Moore, Peter De Jersey, David Suchet.
110 mín. England 2008.
Sæbjörn Valdimarsson
The Bank Job „Besta mynd Stathams, sem fer létt með að líma saman
óverulegri spennumyndir en þessar.“
Eftir Arnar Eggert Thoroddsen
arnart@mbl.is
SANDY Denny lést fyrir 30 árum,
þá 31 árs gömul. Denny er án efa
fremsta þjóðlagasöngkona Bret-
lands fyrr og síðar en með hljóm-
sveitinni Fairport Convention og
svo síðar á sólóferli meitlaði hún út
afar tilkomumikinn feril. Þeim sem
næst henni stóðu, svo og aðdáend-
um, hefur lengi þótt söngkonan
ekki njóta sannmælis en á síðustu
árum virðist sem tónlistar-
áhugamenn hafi verið að vakna í
ríkari mæli til vitundar um ótrú-
lega hæfileika þessarar mögnuðu
söngkonu. Kristján Sigurjónsson,
sem stýrði um árabil öndvegisþátt-
unum Tengja, sem höfðu þjóðlaga-
tónlist sem útgangspunkt, ákvað að
marka dánarafmæli Denny með
tveimur útvarpsþáttum og fer fyrri
hlutinn í loftið nú á sunnudaginn
kl. 14.
Mótsagnir
Kristján segist hafa nýtt mán-
aðarlanga ferð sína til Bretlands á
dögunum til að afla efnis fyrir
þættina. Hann hafi m.a. tekið ít-
arlegt viðtal við Simon Nicol, einn
af stofnendum Fairport Conven-
tion, en hann er eini upprunalegi
meðlimur sveitarinnar í dag. Nicol
hafi reifað fyrir honum aðkomu
Denny að sveitinni og gefið honum
innsýn í líf hennar sem var að
mörgu leyti erfitt.
„Umboðsmanni Fairport Conven-
tion varð um og ó þegar hann frétti
að Denny hefði verið ráðin í sveit-
ina,“ segir Kristján. „Hann sagði
Nicol og co. að hún myndi snæða
þá í morgunverð, slíkur væri styrk-
ur hennar og útgeislun. Hún myndi
gleypa bandið, sem varð nokkurn
veginn raunin. Denny var nagli –
en um leið var hún með afskaplega
lítið sjálfstraust. Hún var, eins og
svo margir sannir listamenn, upp-
full af mótsögnum. Hún drakk illa
og barðist við þunglyndi en svo
þegar hún opnaði munninn var það
sem fegursti englasöngur.“
Í þáttunum verður farið yfir feril
Denny, allt frá því áður en hún
gekk til liðs við Fairport og svo
þegar hún haslaði sér völl sem
sólólistamaður en þar voru henni
og samstarfsmönnum mislagðar
hendur svo ekki sé nú meira sagt.
„Saga Sandy Denny er um
margt sorgleg,“ segir Kristján. „En
allir sem heyra hana syngja geta
ekki annað en tekið eftir – og hrif-
ist af.“
Sigrar og sorgir
Sandy Denny
Kristján Sigurjónsson fjallar um þjóðlagasöngkonuna
Sandy Denny í tveimur þáttum á Rás 2
Fyrsti þátturinn fer í loftið í dag kl. 14
Fyrsti hluti umfjöllunarinnar um
Sandy Denny fer í loftið í dag og sá
síðari eftir viku. Þættirnir eru end-
urteknir í báðum tilfellum daginn
eftir kl. 22.07.
Sandy Farið er yfir feril Denny, allt frá því áður en hún gekk til liðs við Fa-
irport Convention og svo þegar hún haslaði sér völl sem sólólistamaður.
SIENNA Miller leitar nú að kaup-
anda að húsinu sem hún bjó í með
fyrrverandi kærastanum sínum
Rhys Ifans. „Ég vil selja húsið, mér
finnst það ekki fallegt lengur,“ sagði
hún í viðtali við breska dagblaðið
The Times.
Hún vildi ekki ræða sam-
bandsslitin og segist hafa verið of
eftirlát við fjölmiðla hingað til þegar
þeir forvitnast um einkalíf hennar.
„Þetta er ávani sem ég hef komið
mér upp. Ég vil gera öllum til geðs
og vegna þess hvað ég er óörugg
held ég að fólk hafi bara áhuga á ást-
armálum mínum. Það er ekki eins og
þeir vilji vita hvað mér finnst um
stjórnmál eða kvikmyndagerð. Mér
finnst ég hafa látið undan þessu óör-
yggi of lengi og nú er komið nóg.
Þetta kemur engum við.“
Miller viðurkenndi að fréttaflutn-
ingur af sambandsslitum þeirra If-
ans hefði oft fengið mikið á hana.
„Þetta er úti um allt. Ég reyni að
leiða þetta hjá mér en það er erfitt.
Ég vil ekki fyllast af einhverri sjálfs-
vorkunn hérna en þetta hefur ekki
verið auðvelt.“
Sienna
Miller
selur húsið
Reuters
Einhleyp Sienna Miller vill ekki
ræða sambandsslitin við Rhys Ifans.