Fréttablaðið - 30.04.2009, Qupperneq 50

34 30. apríl 2009 FIMMTUDAGUR
bio@frettabladid.is
> FOLAR Í FRAMHALDI
Folarnir þrír sem léku kærasta þeirra
Carrie, Charlotte og Miranda í Sex and
the City-myndinni hafa samþykkt
að leika í framhaldinu. Á meðal
þeirra er Chris Noth sem lék Mr.
Big. Tökur á Sex and the City 2
hefjast í sumar og er myndin
væntanleg í bíó eftir rúmt ár.
X-Men Origins: Wolverine
Wolverine lifir
einföldu og
einangruðu lífi
með unnustu sinni
þegar Viktor bróðir
hans drepur hana.
Wolverine leitar
hefnda fyrir morðið
og örlögin haga því
þannig að hann fer í gegnum hið
stökkbreytta „vopnakerfi“ sem kallað
er X og verður sá hrikalegi og öflugi
Wolverine sem við þekkjum úr X-
Men-myndunum þremur. Aðalhlut-
verk: Hugh Jackman, Ryan Reynolds
og Liev Schreiber,
Einkunn Imdb.com: 7,1 af 10.
Rottentomatoes.com: 78%.
New In Town
Rómantísk gamanmynd sem fjallar
um hina einhleypu Lucy Hill sem
er vel stæður framkvæmdastjóri í
Miami. Einn daginn er hún send
til Minnesota að vinna við eina
af verksmiðjum fyrirtækisins. Þar
lendir hún upp á kant við hluta af
starfsfólkinu, m.a. freka aðstoðar-
konu og þrjóskan trúnaðarmann.
Aðalhlutverk: Reene Zellweger og
Harry Connick Jr.
Einkunn Imdb.com: 5,2 af 10.
Rottentomatoes.com: 18%.
FRUMSÝNDAR MYNDIR
Hasarhetjan Jackie Chan er með
sína hundruðustu kvikmynd í bígerð.
Myndin nefnist Chinese Zodiac og
ætlar Chan að leikstýra henni ásamt
Stanley Tong, sem leikstýrði honum á
sínum tíma í Rumble in the Bronx.
Chan, sem er 55 ára, er þessa dag-
ana að ljúka við Hollywood-myndina
The Spy Next Door, þar sem Magn-
ús Scheving leikur á móti honum, og
einnig hina kínversku Big Soldier.
Eftir að framleiðslu þeirra lýkur er
röðin komin að Chinese Zodiac, sem
verður tekin upp í Kína, Austurríki og
í Frakklandi. Chan hefur einnig verið
í viðræðum um að leika Hr. Miyagi í
endurgerð The Karate Kid frá árinu
1984.
Það er því greinilegt að þessi
brosmilda hetja er ekkert á því að fara
að slaka á þrátt fyrir að vera við það
að rjúfa hundrað mynda-múrinn.
Stutt er síðan kappinn hélt því fram
að frelsi væri ekkert endilega gott
fyrir Kína, sem er þekkt kommúnista-
ríki. Ummælin vöktu mikla athygli
og var Chan sagður hafa móðgað kín-
versku þjóðina með orðum sínum.
Sjálfur sagði hann að ummælin hefðu
verið tekin úr samhengi því hann
meinti frelsi í afþreyingariðnaðinum
en ekki á meðal kínversku þjóðarinn-
ar í heild sinni.
Hundraðasta myndin í bígerð
JACKIE CHAN Hasarhetjan snjalla er með
sína hundruðustu kvikmynd í bígerð
sem nefnist Chinese Zodiac.
Eftir margra vikna orðróm er
orðið ljóst að Oliver Stone muni
leikstýra framhaldi Wall Street
frá árinu 1987. Shia LaBeouf er
einnig í viðræðum um að leika í
myndinni á móti Michael Dou-
glas, sem fékk Óskarinn fyrir
hlutverk Gordon Gekko
í upphaflegu mynd-
inni. Gekko þessi hélt
því fram að græðgi
væri af hinu góða
og reyndi að koma
hinum unga og
upprennandi
Bud Fox (Charlie
Sheen) í skilning
um það. Framhalds-
myndin, sem nefn-
ist Wall Street 2, fjallar einn-
ig um ungan verðbréfasala
á Wall Street og eins og
gefur að skilja mun efn-
hagskreppan og græðgin
sem kom henni af stað flétt-
ast rækilega inn í söguþráð-
inn. Handritshöfundur verð-
ur Allan Loeb sem á að
baki myndir á borð
við 21 og Things
We Lost in the
Fire.
Wall Street 2 í bíó
MICHAEL DOUGLAS
Douglas ætlar
að endurtaka
hlutverk sitt sem
Gordon Gekko í
Wall Street 2.
Þrívíddarteiknimyndin Flanim-
als, sem er byggð á barnabókum
grínistans Ricky Gervais, er í
undirbúningi. Gervais mun einn-
ig tala fyrir aðalpersónuna. Hand-
ritshöfundur verður Matt Selman
sem hefur skrifað fyrir The Simp-
sons-þættina.
Bækurnar, sem eru fjórar tals-
ins, fjalla um forljótar litlar verur
og ævintýri þeirra. Í myndinni
fer persóna Gervais, sem er þétt-
vaxin og fjólublá, í ferðalag til að
breyta heiminum til hins betra.
„Það verður gaman að leika lít-
inn, feitan og sveittan vesaling
til tilbreytingar,“ sagði Gervais í
léttum dúr.
Gervais í Flanimals
RICKY GERVAIS Gervais talar fyrir
fjólubláa litla veru í teiknimyndinni
Flanimals.
Ástralski hjartaknúsarinn Hugh Jack-
man leikur aðalhlutverkið í hasar-
myndinni X-Men Origins: Wolverine
sem er nýkomin í bíó.
Hugh Jackman fæddist í Sydney 12. október
1968 og er yngstur í hópi fimm systkina.
Þegar skólagangan hófst tók hann virkan þátt
í skólaleikritum og fljótlega komu leiklistar-
hæfileikarnir í ljós. Jackman hóf leikferil sinn
árið 1994 með hlutverkum í sjónvarpi og fimm
árum síðar fékk hann að spreyta sig á hvíta
tjaldinu í myndinni Paperback Hero. Fljót-
lega var ljóst að hann ætti eftir að ná langt í
bransanum og aðeins ári síðar fékk hann sitt
fyrsta tækifæri í Hollwood, sem Wolverine í
fyrstu X-Men-myndinni. Jackman sló í gegn
sem stökkbreyttur og skapstyggur slagsmála-
hundur með úlfaklærnar að vopni og hefur
allar götur síðan getað valið úr hlutverkum í
draumaborginni. Auk þess að leika í þremur
X-Men-myndum til viðbótar hefur Jackman
leikið í myndum á borð við Swordfish, Kate &
Leopold, The Prestige og Australia, auk þess
sem hann hefur leikið töluvert á sviði, meðal
annars í söngleikjunum The Boy From Oz og
Oklahoma!. Hann hefur þrívegis verið kynnir
á Tony-leikhúsverðlaununum og stutt er síðan
hann kynnti sjálf Óskarsverðlaunin í fyrsta
sinn.
Jackman hefur alla tíð verið talinn sérlega
kynþokkafullur og til marks um það var hann
á síðasta ári kjörinn kynþokkafyllsti maður
veraldar af bandaríska tímaritinu People.
Hann lætur slíkt tal þó ekki stíga sér til höf-
uðs því hann hefur verið kvæntur í þrettán ár
og eiga þau hjónin tvö ættleidd börn.
Eins og von er þykir Jackman orðið afar
vænt um Wolverine, enda hafa þeir nú fylgst
að í næstum áratug. Í nýju myndinni heldur
hann áfram að þróa persónuna og kafa ofan í
hugarfylgsni hennar. „Í þessari mynd fylgj-
umst við með ferðalagi Logan og innri bar-
áttu hans á meðan hann gerir upp fortíð sína,“
sagði Jackman. „Wolverine hefur sérstaka eig-
inleika og sá helsti er sá að hann er hörkutól.“
Kynþokkafullur úlfamaður
HUGH JACKMAN Ástralinn Hugh Jackman á frumsýningu X-Men Origins: Wolverine í Bandaríkjunum fyrir skömmu.
NORDICPHOTOS/GETTY
X-Men Origins: Wolverine (2009)
Australia (2008)
Deception (2008)
X-Men: The Last Stand (2006)
Scoop (2006)
The Prestige (2006)
Van Helsing (2004)
X2 (2003)
Swordfish (2001)
Kate & Leopold (2001)
X-Men (2000)
HELSTU KVIKMYNDIR