Sjómannablaðið Víkingur - 01.09.1999, Blaðsíða 86

Skipasmíðastöðin Ósey Hafnarfirði
Ný og stærri skipasmíðastöð
„Skipasmíðastöðin Ósey í
Hafnarfirði framleiðir fyrst og
fremst báta og við höfum á
þessu ári afhent þrjá nýja báta
og afhendum þann fjórða um
mánaðarmótin september/
október. Fyrir utan þetta erum
við með tvo báta í smíðum. Hér
er um að ræða báta, sem ætl-
aðir eru fyrir net og línuveiðar
og eru um 20 m langir og um
70 tonn að stærð. Síðan fram-
leiðum við vindur, þessi svo-
kölluðu Óseyjar-spil, vindubún-
að sem er fyrir dragnót og troll
og er séríslenskur búnaður
hannaður hjá okkur í Ósey hf.
Þetta er eini vindubúnaðurinn,
sem til er fyrir bæði troll og
dragnót. Auk þessa framleið-
um við ýmiskonar annan bún-
að fyrir þá báta, sem við smíð-
um,” segir Hallgrímuir Hall-
grímsson, framkvæmdastjóri
Óseyjar og einn þriggja eig-
enda fyrirtækisins.
Hann segir að Ósey hf. hafi
verið mikið í breytingum og
endurbyggingum á skipum,
svo sem yfirbyggingum og
brúarsmíðum og að á stundum
hafi þeir tekið skip upp alveg
frá grunni og annast alla þætti
endurnýjunarinnar. Hann segir
þá hafa byrjað á því fljótlega
eftir að Ósey hf var stofnuð að
bjóða útgerðarmönnum heild-
arlausnir við breytingar, eða
endurbygginar á skipum.
Ósey hf. varð fyrir því óláni í
fyrra að húsið, sem þeir voru
með skipasmíðarnar og við-
gerðirnar í, brann. Þar gátu þeir
Óseyjar-menn mest tekið upp í
slipp 250 þungatonn í hvorri
brautinni fyrir sig. Nú er verið
að byggja stöðina upp við Ós-
eyrarbraut í Hafnarfirði, og þar
er gert ráð fyrir skipalyftu, sem
geti lyft 700 tonnum. Daginn
sem þetta viðtal var tekið, lá
Ýmir sokkinn í Hafnarfjarðar-
höfn, en hann er 1200 tonn að
þyngd, og þá geta menn séð
fyrir sér stærðina.
Fjörkippur
Hallgrímur segir að á meðan
úreldingarreglurnar varðandi
nýsmíði fiskiskipa voru í gildi
hér á landi, hafi nánast engin
nýsmíði skipa átt sér stað.
Rúmmetrarnir voru svo dýrir í
skipunum, að endurnýjunin var
nánast engin. Það var helst að
menn væru að breyta gömlum
skipum.
„Um leið og úreldingarregl-
urnar voru felldar niður fór allt í
gang og nýsmíðar hófust á nýj-
an leik. Sennilega hefur verið
hafin smíði á fleiri nýjum skip-
um síðan þessar reglur voru
afnumdar, en næstu 20 árin þar
á undan. Bátaflotinn var orð-
inn mjög gamall, og fyrir tveim-
ur árum tók ég það saman að
helmingurinn af bátunum frá 12
til 200 tonn að stærð, voru tré-
bátar. Yngstu bátarnir voru um
20 ára gamlir og þeir elstu á
milli sextugs og sjötugs. Þetta
sýnir kannski þest hversu brýn
þörfin fyrir endurnýjun var orð-
in.” segir Hallgrímur.
Talað hefur verið um að ís-
lendingar séu ekki lengur sam-
keppnishæfir hvað varðar verð
í nýsmíði fiskiskipa?
„Það er mjög afstætt og fer
eftir því við hvaða þjóðir er
miðað. Ef við tökum öll ná-
grannaríki okkar, Noreg, Dan-
mörk, Hollendinga, Svía og
Þjóðverja, þá erum við fullkom-
lega samkeppnishæfir. En ef
við færum okkur til landa þar
sem launakostnaðurinn er lítill
og annar tilkostnaður mun
lægri en hér, þá ráðum við ekki
við þá samkeppni. Menn tala
nú um Kínverja í skipasmíðum.
þar er verið að smíða 9 báta
fyrir íslendinga og er þar um 90
tonna báta að ræða. í byrjun
voru Kínverjarnir með lægri
verð en við, en nú eru þeir það
ekki lengur. Það voru þeir sem
hækkuðu sig, en ekki við að
dumpa verði,” segir Hallgrímur.
Nú eru starfsmenn Óseyjar
hf um þrjátíu, en með verktök-
um sem fyrirtækið er i sam-
vionnu við eru þeir á milli 40 og
50. Eftir brunan í fyrirtækinu í
fyrra, fékk það ekki leyfi til að
byggja upp að nýju á sama
stað, sökum þess að landið
þar er friðlýst. Þá fékk fyrir-
tækið lóð við Óseyrarbraut í
Hafnarfirði við nýju höfnina, og
nú er þar hafin smíði á nýju
húsi fyrir skipasmíðina, sem er
3.600 fermetrar. Skipaskálinn
er 50 m. langur og 20 m. hár
og 25 m. breiður. Þar fyrir utan
eru þarna smiðjur og annað
sem til þarf.
„Þarna munum við getað
tekið skipin í hús, hvort heldur
sem um nýsmíði, breytingar
eða viðgerðir er að ræða. Það
er nauðsynlegt hér á landi
vegna veðurfarsins. Sem dæmi
má nefna, að menn setja ekki
báta upp í málningu ef þeir
þurfa að eiga það undir veðri
og vindum hvort hægt er að
mála skip þeirra eða ekki,”
segir Hallgrímur. ■
86
Sjómannablaðið Víkingur