Náttúrufræðingurinn

Árgangur

Náttúrufræðingurinn - 01.08.1947, Blaðsíða 42

Náttúrufræðingurinn - 01.08.1947, Blaðsíða 42
138 NATTÚRUJ'RÆ»INGURINN Að undan skildu háf jallinu er eyin vel gróin, m. a. hávöxnu grasi, sem notað er í húsþök, og stóru burknastóði, en skóglaust er þar að kalla. Landspendýr eru engin í Tristansey nema aðflutt, þ. e. búpen- ingur eyjaskeggja, sem gengur hálfvilltur í afréttunum, og mýs óg rottur, sem eru alvarleg landplága. Aftur á móti er mikil mergð sjófugla, og þeir eru ásamt eggjunum gott búsí'.ag. Og fiskur veður mikill við ströndina. Hann er ein helzta matbjörg íbúanna. Þær tegundir fiska og fugla, sem nokkuð kveður að, eru — eins og vænta má — allar aðrar en við þekkjum hér við land. Það var upphaf byggðar á Tristansey, að Bretar settu þar herlið á land árið 1816. Foringi þess hét William Glass og var skozkur að ætt. Hann hafði með sér konu og börn. Konan var frá Suður-Ai'ríku, eittlivað blönduð að kyni. Aðrir liðsmenn voru Hottintottar. Um þessar mundir var Napóleon, fyrrum Frakkakeisari, fangi á Sankti- Helenu, og skyldi herliðið undir forustu Skotans koma í veg fyrir, að vinir Napóleons hefðu Tristansey að bækistöð til að ná honum úr haldi. Að ári liðnu voru Hottintottarnir sendir heim, en Skotinn v'arð eftir með fjölskyldu sinni, að vísu í leyfisleysi, en hann var aldrei sóttur. Með einhverjum liætti komust fjórir karlmenn í viðbót til eyjar- innar og settust þar að hjá Skotanum. En þeim varð fátt til kvenna, eins og nærri má geta, og báru sig illa af þeim sökum. Þeir töldu raunir sínar fyrir skipstjóra nokkrum af hvalveiðiskipi, sem heim- sótti þá. Hann brást vel við. í næstu ferð hafði hann út með sér frá Sankti-Helenu fjórar konur, sem voru til í að freista gæfunnar í ókunnu landi. Þeim var raðað upp í flæðarmálinu á Tristansey, og ógiftu karlmennirnir tóku sína hver og stofnuðu Iieimili. Þessar konur voru kynblendingar svertingja og hvítra manna, og að yfir- bragði sóru þær sig mjög í svörtu ættina. Annars er fátt eitt um þær vitað, en fyrsti kristniboðinn, sem kom til eyjarinnar bar þeim illa söguna og kallaði þær nöldurskjóður_ Síðan hafa skipreika sjómenn við og við bætzt í hópinn á Tristansey. Nú má heita. að allir íbúar eyjarinnar séu afkomendur kvennanna f'imm, sem að framan getur. Þeir voru 188 að tölu árið 1938 og hafði þá fjölgað um helming á síðustu 40 árum. Öll byggðin á Tristansey er í einu þorpi á norðurströndunni gegnt opnu hafi. Oft er þar ólendandi vegna brims, og póstskipið, sem kemur einu sinni á ári frá Suður-Afríku, þarf stundum að bíða dög-

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.