Fréttablaðið - 27.06.2009, Page 80

SÍMANÚMER FRÉTTABLAÐSINS: 512 5000, fax: 550 5099 Ritstjórn: 512 5313, fax: 512 5301, ritstjorn@frettabladid.is PRENTUN: Ísafoldarprentsmiðja
Auglýsingadeild: auglysingar@frettabladid.is DREIFING: dreifing@posthusid.is Veffang: visir.is EF BLAÐIÐ BERST EKKI: 512 5060
VIÐ SEGJUM FRÉTTIR SMÁAUGLÝSINGASÍMINN ER 512 5000
GÓÐAN DAG!
Sólarupprás Hádegi Sólarlag
Reykjavík
Akureyri
Heimild: Almanak Háskólans
BAKÞANKAR
Bergsteins
Sigurðssonar
Vinapar mitt, ráðsett hjónaleysi í miðborginni, ventu kvæði
sínu í kross í vetur, seldu Golfinn
sinn og keyptu tröllaukinn jeppa
til að aka upp á fjöll og firnindi og
aðrar vegleysur ógreiðar fólksbíl-
um. Heyrist mér á þeim að þetta
hvalkynja farartæki hafi aukið
lífsgæði þeirra talsvert. Um leið og
vinnuvikunni sleppir eru þau horf-
in upp á fjöll og varla að ég hafi
hitt á þau síðan í vor (sem færa má
gild rök fyrir að sé ekki síður fall-
ið til að auka lífsgæði þeirra).
ALLT um það. Hinir nýbökuðu
jeppaeigendur segja mér að gróf-
lega megi draga fjallajeppafólk í
tvo dilka: þá sem fara á fjöll til að
upplifa og kynnast íslenskri nátt-
úru í allri sinni dýrð og hina sem
hafa fyrst og fremst áhuga á jepp-
um, hleypa úr dekkjum og hnoðast
á tjökkum, en minni áhuga á útsýn-
inu sem slíku.
ÞEIR sem tilheyra síðarnefnda
hópnum eiga það víst sameiginlegt
að mega ekki sjá vélarhlíf lyft upp
án þess að laðast að henni eins og
flugur að mykjuskán; það þarf ekki
meira til en að maður sé að bæta á
rúðupissið. Þumalputtareglan kvað
vera sú að þegar jeppi bilar tekur
alltaf lengri tíma að koma honum í
gang eftir því sem fleiri smurapar
safnast í kringum hann.
ÞARNA standa þeir og rýna ofan
í vélarrúmið og greina vandann.
Hver og einn hefur sína skýringu
á hver bilunin geti verið og er
óhræddur við að láta hana í ljós.
Þessi vill herða á þessu, annar rífa
þetta úr, menn jesúsa sig og hrópa
„nei, ertu vitlaus, það myndi eyði-
leggja drifskaftið“ og þar fram
eftir götunum.
VINIR mínir tilheyra hins vegar
fyrri hópnum, náttúrulúðunum,
og hafa hóflega þekkingu á bíla-
viðgerðum; eru slarkfær í lág-
marksviðhaldi, geta mælt olíuna
og skipt um dekk. Fyrir þau er því
ekki annað í stöðunni en að yppta
öxlum, horfa ráðþrota á hina sjálf-
skipuðu sérfræðingana reyna að
koma sér saman um hvernig eigi
að leysa vandann og vona að þeim
takist að koma bílnum í gang svo
þau komist til byggða fyrir myrk-
ur.
KANNIST þið við þetta, að vera
upp á náð sérfræðinganna komin?
Það getur verið gremjulegt, ekki
síst þegar það er orðið löngu ljóst
að eini kosturinn í stöðunni er að
allir taki höndum saman og ýti
bílnum. Sérfræðingarnir forðast
þó þær aðstæður í lengstu lög.
Er enginn með
startkapla?
3.00 13.31 0.01
1.43 13.15 0.44
Í dag er laugardagurinn 27. júní,
178. dagur ársins.
Opið 07 til 01
Lyfja Lágmúla
- Lifið heil
www.lyfja.is