Samvinnan - 01.06.1968, Síða 37

SIGURÐUR ÞÓRARINSSON:
GJÁBAKKAÞULA
Lag: Hárgreiðslustaði hér má kalla
Saman af ýmsum oft og tíðum
eru tveir nefndir staðirnir,
sem eru kunnir öllum lýðum:
Aþenuborg og Þingvellir.
í Ijóði og sögu lifa þeir
sem lýðræðisvagga báðir tveir.
Um Aþenu það eitt skal syngja:
Ekki’ er þar félegt tilstandið.
Harðsvíruð klíka herforingja
hælum þar traðkar lýðræðið.
Þó þykja sæma okkur enn
Atlantshafstengsl við slíka menn.
Allt er ei félegt heldur hér nú.
Svo hygla megi gæðingum,
lýðræðisvagga okkar er nú
einnig svívirt af ráðsmönnum,
sem hluta út þeim helga stað.
Hvað hefði Jónas sagt um það?
NJÖRÐUR P. NJARÐVÍK:
DÁNARTILKYNNING
Friðurinn andaðist á heimili sínu
í veröldinni
eftir langa og erfiða sjúkdómslegu
Jarðarförin fer fram á vígvellinum
í sprengjuregni
Blóm vinsamlegast afþökkuð
Þeim sem vildu minnast hins látna
er þent á
matvælastofnun eða barnahjálp
Sameinuðu þjóðanna
Þökkum auðsýnda samúð
og hluttekningu
Fyrir okkar hönd
og annarra vandamanna
Angóla Kúrdistan
Bandaríkin Laos
Bolivía Nígería
Kína Víetnam
SAMTAL UM VÍETNAM
Fyrsta rödd (ósnortin):
Þeir eru að drepa þá
í Víetnam
Önnur rödd (glaðhlakkaleg):
Við erum að drepa þá
í Víetnam
Þriðja rödd (ofsafengin):
Þeir eru að drepa okkur
í Víetnam
Fjórða rödd (dapurleg):
Við erum að drepa okkur
í Víetnam
DINGO BIOP:
KVÆÐI STARFANDI HERMANNS
Hann gekk þar
hræddur
vegna þess hann var hræddur
(Ó vor heilaga alvísa Guðsmóðir
heima í þorpinu
skildi ég konuna mína eftir)
Hann gekk þar
með skömm sinni
afþví hann fann til skammar
(Kannski gæti ég jafnvel drepið börn
Ég á tvö börn, ó Guð . . .)
Hann gekk þar
ósjálfrátt
Hann gekk þar
og kjarkurinn var ekki hans
og hatrið var ekki hans
ekki hans eigið
alls ekki
En hann gekk
smitaður af blóðfýsn
Hann drap drap drap
þartil dag einn
Ó hæðni
Þann dag
þar var sól
þar var von
þar var konan hans
þar voru börnin hans móðir hans
og bréf
Þar var svo margt
en allt molnað burt
Allt
í hinum svikula gný
sprengikúlnanna
með gulum nefjum
og rauðum stélum.
Jón frá Pálmholti þýddi.
37