Fréttablaðið - 22.08.2009, Síða 66

34 22. ágúst 2009 LAUGARDAGUR
BIRGIR ÖRN STEINARSSON
tónlistarmaður
Af mörgu að taka
á Menningarnótt
Það er hátíð í bæ og í dag mun fjöldi manns streyma í miðborgina til að
sækja menningarviðburði sem standa yfir langt fram á kvöld. Anna Margrét
Björnsson tók púlsinn á nokkrum Reykvíkingum um hvað þeir ætla að gera
á Menningarnótt.
Ætli ég sofi ekki fram yfir hádegi þar sem ég er að plötu-
snúðast fram eftir nóttu. Svo finnst mér líklegt að ég taki
þátt í Latabæjarhlaupinu með stráknum mínum og frænda
hans. Síðast létum við ekki grenjandi rigningu stoppa
okkur - samt fékk ég enga medalíu. Planið er svo bara
að vera á ráfi niðrí bæ. Væri alveg til í að sjá tónleika Páls
Óskars og Moniku á Listasafni Einars Jónssonar kl. 18, rölta
svo heim að borða. Fara svo aftur niður í bæ og sjá Megas
& Senuþjófanna, kíkja í Hljómskálagarðinn og sjá eitthvað
þar. Enda svo á rokkabillíkvöldi Langa Sela og Skugganna í
Iðnó og tvista!
RAGNHEIÐUR RAGNARSDÓTTIR
sundkona
Eg ætla að hlaupa tíu kílómetra í maraþoninu í fyrsta sinn.
Það er að segja ef ég verð ekki of þreytt eftir heimsmeist-
aramótið en ég var bara að koma heim. Ég ætla að styrkja
Krabbameinsfélagið með hlaupinu. Ég hleyp aldrei þannig
að ég býst frekar við því að ég skokki þetta. Um daginn
langar mig bara að rölta um og njóta stemningarinnar
og kíkja meðal annars í verslunina Nálina þar sem boðið
verður upp á prjónakennslu. Um kvöldið ætla ég svo í
grillveislu í miðbænum en þaðan get ég notið útsýnis af
svölunum yfir flugeldasýninguna.
GUNNAR HILMARSSON
fatahönnuður og eigandi Andersen & Lauth
Ég ætla að byrja daginn á því að hlaupa 21 km í maraþoni til styrktar Amnesty
International. Ég hef áhyggjur af hvað mannréttindi eru tekin lítið alvarlega
í heiminum. Eftir það ætla ég að njóta miðbæjarins, og fara síðan á sýningu
Ólafar Erlu. Þar sem ég á afmæli ætlum við hjónin út að borða með börnunum
okkar tveimur og vinum. Svo enda ég eflaust kvöldið heima í stofu með þreytt-
ar lappir upp í loft og fæ vonandi gjafir!
ESTER BÍBÍ ÁSGEIRSDÓTTIR
tónlistarkona
Menningarnótt er nú ekki nótt heldur frekar svona martraðarkenndur dagur þar
sem maður kemst ekki úr sporunum og deginum er eytt í að reyna að finna
klósett. Ég verð eitthvað að vinna og svo úti að hjóla að leita mér að einhverju
að gera með strákunum mínum þremur. Kannski er best að skreppa bara í
hjólatúr um Mjóddina, þar verður enginn nema við og náttúran. Um kvöldið
verður svo sushi-partý heima hjá mér og svo tek ég stefnuna á rokkabillíball.
VIGDÍS HREFNA PÁLSDÓTTIR
leikkona
Við Esther Talía vinkona mín erum með okkar árlega flóamarkað á Óðinstorgi,
þannig að ég verð fyrir framan húsið mitt við Óðinstorg frá 12 til 18 að selja af
mér spjarirnar. Á rás fyrir Grensás verður með uppákomur á torginu, Lay Low
og Ragnheiður Gröndal ætla að spila sem og fleiri og Dagur og Arna, nágrannar
mínir, ætla að steikja vöfflur ofan í gesti og gangandi svo það verður mikið líf á
Óðinstorginu. Svo um kvöldið ætla ég að bruna upp í bústað til fjölskyldunnar
sem er þar í berjatínsluferð.