Andvari - 01.01.1949, Page 10

6
Eiríkur Einarsson
ANDVAHl
Það man ég fyrst til Magnúsar, er liann sumar eitt á latínu-
skólaárunum vann að vegagerð í Flóanum, kom að Hæli í
sunnudagshléum til fundar við Ingvar bróður sinn, er þar var
kúreki og smali ásamt mér. Var það tvennt, er okkur krakk-
ana furðaði á í fari hans, svo að í minni festist, var annað,
hve vel og snyrtilega hann var klæddur, fátækur skólapiltur,
kominn beint frá moldarrekunni, hitt, sem vakti athygli okk-
ar, var, hve vel hann söng. Fólkinu kom saman um, að hann
væri efnilegur. — Upp úr þessu urðu þeir Magnús og Gestur
bróðir minn mestu mátar. Voru þeir jafnaldrar, og lá vöxt-
urinn í báðum og framfarahugurinn. Áttu þeir eftir margt
og vinsamlegt saman að sælda, er laut að landsins gagni og
nauðsynjum, og hélzt það á meðan báðum entist aldur. Voru
þeir þó eigi skaplíkir.
Námsbraut Magnúsar í Latínuskólanum var auðsótt, að þvi
er kostgæfni og námsgáfur snerti, einkum var hæfileikum
hans til sögunáms við brugðið. Auk þess hafði Björn M.
Ólsen rektor lagt eyra við söngrödd hans og kjöri hann því
cinatt til að „tóna“ morgunbænina, eins og þá var skólasiður
að gera. Hefði Magnús kannske orðið biskup síðar, hefði
liann ekki lagt fyrir sig lögfræðina, en það tók af skarið.
í Latínuskólanum áslcotnuðust Magnúsi hinar fyrstu mann-
virðingar á lifsleiðinni, er hann var kjörinn umsjónarmaður
skólans (inspector scolæ), og má telja víst, að hann hafi
rækt það starf með prýði og reglusemi. — Eftir 6 ára nám
tók Magnús stúdentspróf vorið 1901 og lilaut lofseinkunn.
Að loknu stúdentsprófi hóf hann laganám við háskóla
Kaupmannahafnar, og gekk það að óskum. Tók Magnús heim-
spekispróf árið 1902 með ágætiseinkunn og lauk embættis-
prófi í lögfræði vorið 1906, eftir 5 ára nám, með 1. einkunn.
-— Þegar minnzt er á námsár Magnúsar, er skylt að geta
cins manns, er reyndist honum sérstaklega hugull og hjálp-
samur í stríðinu við fátæktina, Jóns kaupmanns Þórðarsonar.
Entist þakkarhugur til þessa velgerðarmanns til æviloka
Magnúsar.
Að námi loknu var haldið heim og brátt tekið til starfa.