Andvari - 01.01.1949, Síða 58

54
Hákon Bjarnason
ANDVARI
þær yfirleitt nokkru meiri en Iiér, en í Noregi aðeins minni.
Á Suðurlandi er meðalársúrkoma frá um 1200 og upp í 2000
millímetra, en á Norðurlandi mun hún vera nálægt 500 til
700 mm. í Alaska kemst úrkoman víða yfir 2000 mm við
ströndina, en lækkar ofan í 600 við botn Cooksfjarðar. 1
Norður-Noregi er úrkoman við ströndina nálægt 1000 mm, en
lækkar ört, er inn i landið kemur.
Til þess að gefa sem gleggst yfirlit um veðurfar þessara
héraða fara hér á eftir töflur yfir meðalhita hvers mánaðar
á nokkrum stöðum í hverju landi. Þar er einnig sýndur með-
alhiti sumarmánaðanna fjögurra, júní—september, og sam-
anlagður hiti mánaðanna apríl—október. í öðrum töflum er
greint frá úrkomu hinna sömu staða.
Staðirnir, sem greint er frá i Alaska, liggja allir við sjó
fram. Yakutat er skammt austan við mynni Vilhjálmsflóa,
Cordova er suðaustan við mynni flóans, en Valdez inni við
botn hans. Seward er hær syðst á Kenaiskaga og Homer er
utarlega við austanverðan Cooksfjörð.
Stöðvarnar í Norður-Noregi eru flestar á ströndinni eða á
eyjum skammt undan landi, nema stöðin í Fagerlidal, sem er
inni í miðjum Maalselvdal.
íslenzku stöðvarnar eru allar af Suðurlandi, nema Akur-
eyri. Æskilegt hefði verið að hafa mælingar úr innsveitum
norðanlands, en slíkar mælingar eru ekki tií. En eigi getur
minnsti vafi leikið á því, að sumarhitinn stígur hærra bæði
syðst suður í Eyjafirði og í Fnjóskadal heldur en á Akur-
eyri. Hins vegar getur vaxtartiminn verið skemmri á þeim
slóðum, en hversu miklu kann að muna, er ómögulegt að
leiða getum að.
Þegar flytja á trjátegundir milli staða, hefur reynslan sýnt,
að mest veltur á því, að meðalhiti vaxtartímans sé svipaður
eða hinn sami. Enn fremur verður sams konar veðurfar að
vera á báðum stöðunum, þvi að erfitt er að fá meginlandstré
til þess að vaxa við sjó og öfugt. Við samanburð á veðurfari
tveggja staða er fyrst litið á meðalhita sumarmánaðanna,
júní—september, en svo er og samanlagður hiti mánaðanna