Andvari - 01.01.1949, Side 70

66
Hákon Bjarnason
ANDVARl
trén geta öll gefið meiri við og sum hver miklu meiri. í Troms-
fylki vex skógarfuran um 2—4 teningsmetra árlega, þegar
hún er vel hirt, og ætti hún að ná að minnsta kosti sama vexti
liér, ekki sízt fyrir þá sök, að vaxtartíminn hér er aðeins
lengri en þar. Rauðgrenið vex töluvert örar en furan, og má
gera ráð fyrir 3—5 teningsmetra vexti árlega. En sitkagrenið
vex ennþá hraðar, þegar úrfelli er mikið og loftraki nægur.
Lerkið mun vaxa svipað og sitkagrenið, þegar slcilyrðin
eru góð.
Þótt trén séu meira en heila öld að ná fuhum þroska, þá
verður að grisja skógana með nokkurra ára mijlibili. Fellur
þá nokkur viður i hvert sinn. Viður sá, sem fellur við fyrstu
og aðra grisjun, er grannur og verðlitill, en er aldurinn færist
yfir skóginn, aukast tekjurnar af grisjun. Þegar skógurinn er
um eða yfir miðjan aldur, munu tekjurnar samanlagðar geta
numið gróðursetningarkostnaðinum með vöxtum og vaxta-
vöxtum.
Ef við hugsum okkur, að maður gróðursetji skógarfuru í
einn hektara lands, þá má reikna út, hversu arðurinn fellur
og hve mikill hann verður, svo framarlega að fara megi nærri
um vöxt skógarins og verðmæti viðarins. Setjum því svo. að
kostnaður við gróðursetningu í hektara lands verði 3500 krón-
ur. Má ekki minna vera en að reiknað sé með 4% vöxtum og
vaxtavöxtum frá gróðursetningardegi. Verð viðarins, sem
fellur við grisjun og síðar, mun hæfilega áætlað 200 krónur
á hvern teningsmetra. Að vísu er ekki kostur á að segja,
hvernig viðarverðið muni verða eftir hundrað ár. En viðar-
verð hefur farið síhækkandi í hlutfalli við aðrar vörur und-
anfarna áratugi, og öll líkindi mæla með því, að það muni
enn fara hækkandi um langt skeið. Og loks skulum við áætla
vöxt skógarins 2,5 teningsmetra viðar árlega, en slíkt er mjög
i hóf stillt.
Þegar skógurinn er 50 ára, munu alls hafa fengizt um 7400
krónur í hagnað af grisjun. En gróðursetningarkostnaðurinn
mundi þá nema um 8000 krónum, jafnvel þó að grisjunarliagn-