Vikan - 23.02.1967, Blaðsíða 37

brosað að þessum kröfum, en þegar
þær voru settar fram, voru þær miklar
og erfiðar í framkvæmd.
Douglas Aircraft Co. var stofnað
1920, og stofnandi var Donald W.
Douglas, þá 28 ára að aldri. Á þeim
rösklega tíu árum, sem verksmiðjurn-
ar höfðu starfað, höfðu þær getið sér
orð fyrir vandaða smíði og nokkra
hugkvæmni, þótt kröfur TWA færu
töluvert fram úr því, sem þá var til.
En Douglas tók að gera tilraunir og
leggja drög að vél, sem uppfyllti kröf-
ur TWA, og þannig varð til fyrsta vél-
*m í seríunni DC (Douglas Comm-
ercial). DC 1 varð raunar aldrei til
nema í einu eintaki. Þegar vélin var
#=úðan sett í framleiðslu, var hún höfð
vitund stærri og tók 14 farþega —
tveimur meira en beðið hafði verið
um, og var þá kölluð DC 2. DC 2 var
síðan stækkuð og endurbætt, fyrst upp
í sæti fyrir 21, þá 32 og loks 40, og
þannig fæddist DC3 og var frumflogið
á aðfangadagskvöld 1935. TWA hafði
pantað 20 af þessum vélum og setti
þær í næturflugið milli New York og
San Fransisco. í fyrstu voru þessar
vélar því með 14 svefnplássum.
J Douglas verksmiðjunum hafði ekki
verið gert ráð fyrir að framleiða fleíri
DC 3 en þessar 20. En verkið var van-
metið. Pantanirnar streymdu inn og
framleiðslan hófst fyrir alvöru. í árs-
lok 1937 höfðu 150 flugvélar af gerð-
inni DC 3 farið af færibandinu. Síðan
kom stríðið og þá dugði ekki minna
en skila af sér 20 flugvélum á dag.
Það flugfélag er ekki til, sem ekki
hefur átt — og mörg eiga enn í dag
— Douglas DC 3. Árið 1939 annaðist
DC 3 90% af öllu farþega og vöruflugi,
og alls voru framleiddar 10926 vélar
af þessari gerð. Það var ekki fyrr en
1951, sem framleiðslu þeirra var end-
anlega hætt!
DC 3 er okkur ekki aldeilis ó-
kunnur hér á landi. Frá því að Flug-
félag íslands eignaðist sinn fyrsta
þrist árið 1946 má segja, að hann hafi
haldið uppi öllu reglubundnu flugi
hér innanlands, ásamt katalinaflug-
vélum fyrstu árin þar til Fokker
Friendship tók við að nokkru. En þrátt
fyrir tilkomu frændskipanna er hlut-
verki þristanna ekki lokið. Margra
hluta vegna verða þeir nauðsynlegir
í innanlandsfluginu enn um sinn, þótt
þeir séu óhagstæðir fyrir Flugfélagið
fjárhagslega. Það er vegna þess, að
ekki er enn lendandi með Fokker
Friendship á öllum okkar flugvöllum,
þótt DC 3 séu þar allir vegir færir.
Táknræn mynd frá flugvélarkomu í Grænlandi. Fólkið þyrpist að
með hundaslcða sína en allt í kring er endalaus snjóauðnin.
Gljáfaxi á skíðum. Myndin sýnir skíðaútbúnaðinn glögglega.
HEBBBSRBIBH
8. tbi. VIKAN 37