Vikan - 23.03.1972, Qupperneq 27

Sex beztu langhlauparar heims keppast um sigurinn, skref fyrir skref.
Urslitin eru enn óráSin.
komst tvívegis fram fyrir hann
af og til rétt hendurnar niður
og hrist axlirnar, sem er merki
um að hann sé þreyttur, búinn
að fá nóg og hljóp allt í einu
inn fyrir og gafst upp. Hinir
héldu áfram eins og ekkert
hefði í skorizt, og brátt var að-
eins einn hringur eftir. Zatopek
tekur þá sprett og nær forust-
unni með Chataway á hælum
sér. Schade er ekki á að láta þá
skilja sig eftir og fylgir þeim
fast eftir, reynir að komast fram
úr, en nær aldrei forustunni
alveg. Þótt hann sé fyrstur á
langhliðinni, verður hann að
hlaupa utan við hina, því hann
kemst ekki nægilega langt fram
úr til þess að geta farið inn að
trébrúninni. Á síðustu beygju
eru fjórmenningarnir allir jafn-
ir, en inn úr beygjunni eru þó
þrír hinir eldri búnir að yfir-
buga Chataway, sem er orðinn
aðeins á eftir. Áhorfendur geta
nú með engu móti setið kyrrir
lengur; allir standa á fætur og
leikvangurinn bergmálar af óp-
um þeirra. Eitt augnablik lítur
út fyrir að Zatopek muni missa
Mimoum fram úr sér, en þá
umturnast Tékkinn og hamast,
og nú er „tékkneska eimreiðin"
komin á fulla ferð, og þá er
ekki sökum að spyrja. Mimoun
var talinn sprettharðastur af
öllum þolhlaupurum heimsins
þá, en þó verður hann að beygja
sig fyrir Zatopek. Chataway
verður fyrir því óhappi að falla
rétt í sama bili og þremenning-
arnir eru að byrja endanlegt
uppgjör reikninga sinna. Hann
staulast á fætur aftur, örmagna
af þreytu og hleypur þunglega
heim að markinu, sem hinir þrír
eru þegar komnir gegn um; en
áður en hann nær því, kemur
landi hans, Pirie, eins og píla
og fer fram úr rétt á marklín-
unni. Sjötti maður var Perry
(Ástralíu), sem hafði losað sig
við hina, sem hann fylgdist með
mestan hluta hlaupsins. Sjöundi
var Beres (Ungverjalandi), en
Svíarnir tveir komu næstir.
Bretinn Parker, sem hljóp vel í
undanrásunum, var nú of
þreyttur til þess að geta fylgt
sextettinum, sem var í farar-
broddi, og varð 11. í mark.
Rússinn Anufriev, sem varð 3.
í 10.000 m hlaupi hafði ekki
nægan hraða til þess að geta
hlaupið 5000 m á við þá, sem
beztir voru.
Þannig lauk einu stórkostleg-
asta 5000 m hlaupi, sem nokkru
sinni hefur farið fram, með sigri
Zatopeks. Nú á Zatopek aðeins
eftir að hlaupa maraþonhlaupið.
Sjálfur segist hann ekki koma
til mála með að vinna: en kunn-
ugir segja annað.
FYRIR HLAUPIÐ MIKLA
Sunnudagurinn 27. júlí 1952
— síðasti dagur XV. Olympíu-
leikanna.
Leikvangurinn í Helsinki er
fullskipaður eftirvæntingar-
fullum áhorfendum. Það er síð-
ur en svo undarlegt, því í dag
hefst Marathon hlaupið, þessi
mikla þrekraun, vegalengdin er
42.195 metrar. f næstum þrjá
klukkutíma stendur baráttan
milli fremstu langhlaupara
heims — hver sigrar í þessari
sögulegu íþróttagrein í dag —
hver verður hinn mikli meist-
ari?
Eftirvæntingin er mikil, ef
til vill meiri en fyrir nokkurt
annað hlaup í sögu Olympíu-
leikanna, vegna þess, fyrst og
fremst, að meðal 68 keppenda
er Emil Zatopek „hinn óvið-
jafnanlegi", sem á undangengn-
um 8 dögum athafna og erfiðis,
hefur tryggt sér tvenn gull-
verðlaun. f dag reynir hann að
trygggja sér þriðja gullpening-
inn. Þetta er í fyrsta skipti, sem
hann tekur þátt í Maraþon-
hiaupi, en samt finnst mönnum
þátttaka hans tryggja það, að
hlaupið verði eftirminnilegt.
Tugþúsundir áhorfenda taka sér
stöðu meðfram götunum og
fylla áhorfendapallana í því
skyni að vera vitni að atburð-
inum. Margir viðstaddra höfðu
ekki reiknað með honum sem
líklegum sigurvegara fyrir
nokkrum dögum, en eftir fyrsta
metið hans í 10.000 metra hlaup-
inu, sáu menn, að hér fór mað-
ur, sem taka varð tillit til. Þó
voru ýmsir, sem töldu sigur
hans í 10.000 metra hlaupinu
tilviljun eina. En sigrar hans og
frábær afrek urðu þess þó vald-
andi, að flestir reiknuðu með
honum sem líklegum sigurveg-
ara í maraþonhlaupinu. Hann
átti hugi allra á Olympíuleik-
vanginum, það gerði látlaus
framkoma hans og góður
íþróttaandi. Heillaóskir
streymdu víðs vegar að til þessa
djarfa iþróttamanns.
Loksins var klukkan hálf-
fimm. 68 hlauparar stóðu við
viðbragðslínuna. Sigurvegarinn
frá OL 1948 Argentíumaðurinn
Cabrera er von landa sinna.
FramhalcL á hls. 45.
Eftir Olympíuleikana í London mættust keppinautarnir tveir, Zatopek
og Reiff, aftur í Prag. Aftur varS Zatopek að sætta sig við að tapa.
12. TBL. VIKAN 27