Vikan - 05.12.1985, Qupperneq 61

SVERRIR
STORMSKER
Sverrir Stormsker er Reykvíkingur, tuttugu
og tveggja ára, áhugamaður um skeggvöxt,
tónskáld, textasmiður, auglýsingahöfundur,
skáld, alhliða hljóðfæraleikari, plötuútgefandi,
spakmæla- og orðaleikjasmiður og á öðrum
fæti. Þarf frekari vitnanna við?
Pörupiltafélagið:
Félag sem annaðhvort inniheldur hrekkjalóma eða homma.
Allavega er þar mikið um „strákapör".
Upphaf alls:
Spursmál sem ég er iðulega beðinn að leysa úr.
Herragarðar Englands:
Fyrirbæri sem kvenréttindakonur hafa gleymt að skíra upp á
nýtt.
Útvarpsauglýsingar:
Besta innlenda skemmtiefnið sem útvarpið hefur upp á að
bjóða, fyrir utan „dánarfregnir og jarðarfarir".
Lennon og McCartney:
Tónskáld sem eru fræg fyrir að hafa sigrað heiminn á sama
ári og í sama mánuði og Sverrir Stormsker fæddist i hann.
Stöðumælaverðir:
Einskis verðir.
Salieri:
Skilningsríkt tónskáld sem gat ekki fengið af sér að koma í
veg fyrir að þeir dæju ungir sem guðirnir elskuðu.
Kópavogsfundurinn 1806:
Eini fundurinn sem haldinn hefur verið í Kópavogi og er
þess vegna með stórum staf og greini. Er meðal annars
frægur fyrir að vera síðasti fundurinn sem Kópavogsbúar
koma til með að halda.
Snilligáfa:
Sú gáfa sem menn þurfa að vera lausir við ef þeir eiga að
geta fengið listamannalaun.
Sjabbismi:
Fyrsta orðið sem mönnum dettur í hug þegar þeir fletta
Þjóðviljanum.
Rolla:
Dýrategund sem hefur ekki lyst á kótelettum.
IMæsta plata:
Betri en sú fyrri og verri en sú þarnæsta.
Siglufjörður:
Bær sem risi undir nafni ef heiti hans byrjaði á M.
Hvítvín:
Víntegund sem menn myndu kalla gulvín ef þeir væru ekki
litblindir.
Spekingur:
Maður sem veit að hann er fífl.
Fífl:
Maður sem heldur að hann sé spekingur.
49. tbl. Vikan 61