Vikan - 30.04.1992, Page 14

f war *_ ■ ! Bl j v '' wmfí

/■% i-
K-i (H
V / ■ AgJj! HIkK™ t&Æ
Sigrún Eva
Kristinsdóttir,
sem varð í
öðru sæti
keppninnar í
fyrra, krýnir
hér Maríu
hinu
eftirsótta
höfuðdjásni.
Henni á
hægri hönd
situr Heiðrún,
sem varö í
öðru sæti, og
á vinstri hönd
Pórunn, sem
hreppti þriöja
sætið.
SVIÐSVANAR DÍSIR
Dagskráin hófst með því að
dísirnar átján komu fram í
glæsilegum pelsum frá Eggerti
feldskera, - og var ekki seinna
vænna svona á síðasta vetrar-
dag. Á meðal verðlauna þeirra
sem sigurvegarans biði var
einmitt ein þessara hlýju og
fallegu flíka. Stúlkurnar tóku
sig vel út í pelsunum og auð-
vitað var þessi sýning ágæt
upphitum fyrir áhorfendur, því
innan skamms var von á kepp-
endum aftur fram á sviðið og
þá klæddum sundbolum og
síðan i þriðja sinn búnar sam-
kvæmiskjólum.
Stúlkurnar báru af sér góð-
an þokka og var framkoma
þeirra einkar aðlaðandi. Það
eina sem finna mætti að var
heldur sérkennilegt göngulag
þeirra, en slíkt mun eiga við af
einhverjum ástæðum. Það fór
ekki á milli mála að undirbún-
ingurinn hafði verið strangur
enda fór ekkert úrskeiðis og
kynning keppenda var hnökra-
laus. Þó stúlkurnar væru fæst-
ar mjög veraldarvanar, - enda
flestar ekki nema 19 ára
gamlar, var ekki að sjá á þeim
neinn viðvangingsbrag og
tígulegar voru þær hvort sem
var í sundbolum eða síðum og
íburðamiklum samkvæmis-
kjólum.
Kvöldið leið hratt þó það liti
svolítiö illa út í byrjun að vita til
þess að þurfa að sitja og fylgj-
ast með í heilar fimm klukku-
stundir. Keppnin sjálf var
augnkonfekt á að horfa og
skemmtiatriðin stóðu líka und-
ir nafni, danssýningar, söngur
og tískusýningar. Þó ekki sé
ætlunin að gera upp á milli
verður ekki hjá því komist hér
að nefna tvennt sem vakti
sérstaka athygli. Er þá annars
vegar átt við dansatriði 11 og
12 ára barna úr dansskóla
Hersmanns Ragnars, þeirra
Daníels og Hrefnu Rósu.
Bæði voru þau klædd að hætti
hefðarfólks og óhætt er að
segja að þau hafi dansað
hvern samkvæmisdansinn af
öðrum, enskan vals sem
tangó, eins og heimsmeistar-
ar. Ágætur söngur og eðlileg
sviðsframkoma þeirra Páls
Óskars Hjálmtýssonar og Mar-
grétar Eir Hjartardóttur vakti
einnig óskipta athygli. Pál
Óskar þekkja flestir nú orðið
en að honum ólöstuðum má
segja að Margrét hafi stolið
senunni, svo frábærlega söng
hún. Þarna er komin söngkona
sem er mikill fengur fyrir ís-
lenska dægurtónlist.
MARÍA RÚN HREPPTI
HNOSSIÐ
Eftir því sem leið á keppnina
var greinilegt að áhorfendur
fóru smám saman að draga
ályktanir og mynda sér
skoðanir um sigurlíkur hinna
ýmsu keppenda. Aðstandend-
ur þeirra sátu víða í salnum og
heyra mátti mikið klapp og
árnaðarköll sitt á hvað eftir þvi
hver í hlut átti hverju sinni.
Spennan jókst stig af stigi og
fyrr en varði var komið að því
að úrslit skyldu kunngjörð.
Kynnir kvöldsins, Sigursteinn
Másson fréttamaður á Stöð 2,
var vel með á nótunum og átti
sinn þátt í því að halda damp-
inum, - og dómnefndin lét
heldur ekki bíða eftir sér þegar
komið var að úrslitastundinni.
Stúlkurnar höfðu raðað sér
á sviðið aftan við krýningar-
stólana þegar Sigursteinn
opnaði fyrsta umslagið, þar
sem tiltekið var nafn þeirrar
stúlku sem kjörin skyldi sú vin-
sælasta í hópnum - og það
reyndist vera Erla Dögg Ingj-
aldsdóttir, 18 ára Seltirningur.
Titilinn Ijósmyndafyrirsæta
ársins hlaut því næst María
Rún Hafliðadóttir, 19 ára
Reykjavíkurmær. Þá var talið
niður og tilkynnt úrslit frá 5. til
1. sæti. í fimmta sæti varð
Jóhanna Dögg Stefánsdóttir
úr Garðabæ, í 4. sæti Ragn-
hildur Sif Reynisdóttir úr
Reykjavík, Þórunn Lárusdóttir
úr Mosfellsbæ varð í því 3. og
Heiðrún Anna Björnsdóttir í 2.
sæti.
- Ungfrú ísland 1992 var
kjörin María Rún Hafliðadóttir.
Hún er nítján ára gömul, fædd
19. október 1972. Hún stundar
nú nám í Menntaskólanum við
Hamrahlíð og mun útskrifast
þaðan í vor. Síðan mun hún
halda til Mílanó, þar sem hún
ætlar að vinna við fyrirsætu-
störf.
Raunar má segja, að leiðir
hinnar nýkjörnu fegurðar-
drottningar hafi legið víða.
Hún er fædd í Lúxemborg, þar
sem foreldrar hennar, Hafliði
Örn Björnsson og Maja Guð-
mundsdóttir bjuggu þá. Þar bjó
María Rún í 12 ár en þá fluttist
fjölskyldan til íslands. María
Rún hefur unnið sem fyrirsæta
að undanförnu, bæði á (talíu
og í Þýskalandi. Þá hefur hún
ferðast mikið og komið meðal
annars til Arabíu, Japans og
Bandaríkjanna. Að auki hefur
hún ferðast um Evrópu þvera
og endilanga. Hún hefur að
sjálfsögu náð góðum tökum á
ýmsum erlendum tungumálum
og stefnir á BA próf í þeim
fræðum. Hvað áhugamálin
varðar, eru skíðaferðir og
körfubolti ofarlega á blaði hjá
henni.
María Rún mun keppa fyrir
íslands hönd um titilinn ungfrú
heimur, „Miss World", f nó-
vember næstkomandi.
GÓÐ FRAMKVÆMD
Framkvæmd Fegurðarsam-
keppni íslands var til mikillar
fyrirmyndar og er sama hvar
borið yrði niður í hinum ein-
stöku liðum kvöldsins. Ef við
byrjum á hlut starfsfólks Hótel
íslands, þjónum og kokkaliði á
þá eiga allir skilda rós í
hnappagatið. Þjónustan var
hröð og elskuleg og maturinn
góður og fagurlega fram reidd-
ur. Punkturinn yfir i-ið var þó
þegar kokkarnir komu skyndi-
lega upp úr iðrum sviðskjallar-
ans, skerandi niður nautalund-
irnar við eld frá kyndlum og
dynjandi tónlist og Ijósaflóð.
Þetta var skemmtilegur gjörn-
ingur.
Tæknivinna öll þetta kvöld
var með miklum ágætum, -
tónlist, Ijós og hvaðeina. Þessi
mikilvægu atriði sáu til þess að
skapa rétt andrúmsloft hverju
sinni. - Framkvæmd á heims-
mælikvarða.
Framkvæmd sjálfrar keppn-
innar var líka til fyrirmyndar og
hefði þess vegna verið unnt að
sjónvarpa frá þessum viðburði
í gegnum gerfihnött hvert sem
er, þó aðeins Stöð 2 hafi sýnt
hluta úr dagskránni i beinni út-
sendingu fyrir sína notendur.
Tíðindamaður Vikunnar á
staðnum þakkar fyrir sig, - en
fer þess á leit við aðstandend-
ur að hugsað verði fyrir betra
borði næst, þar eð oft var undir
hælinn lagt hvort hann gat yfir-
leitt séð úr sæti sínu það sem
fram fór á sviðinu. □
14 VIKAN 9. TBL.1992