Vikan - 20.12.1994, Qupperneq 30

ATVINNULIFIÐ
Sum störf hafa þróast út í að vera kvennastörf og okkurfinnst hálfannkannalegl að karlnienn leysi
þau afhendi. Flest eru þessi störf umönnunarstörf og rœddi VIKAN við þrjá karlmenn sem sinna
slíkum störfum.
TEXTI: GERÐUR KRISTNÝ / UÓSM.: M. HJÖRLEIFSSON
,Vinna á heföbundnum deildum viröist ekki henta körlum.
EKKI VERRI
HJÚKRUNAR-
FRÆÐINGAR EN
KONUR
„Ég fékk áhuga á aö starfa
á spítala eftir að hafa verið
aðstandandi sjúklings sem
lá inni. í fyrstu hóf ég nám í
læknisfræði en þegar ég
komst ekki áfram byrjaði ég í
hjúkrunarfræðinni og kunni
mjög vel við mig þar,“ segir
Ásgeir Valur Snorrason sem
lauk námi í hjúkrunarfræði
árið 1988. Hann sérhæfði sig
í svæfingarhjúkrun og vinnur
á svæfingardeild Borgar-
spítalans.
„Það, sem heillar mig viö
hjúkrunarfræðina, er hvað
hún snýst mikið um mannleg
samskipti, bæði við fólkið
sem ég annast og sam-
starfsfólkið. Mér finnst ég
líka vera að gera gagn í
starfi mínu. Það er afskap-
lega skemmtilegt og gefandi
að annast fólk þegar vel
tekst til en það er jafn ömur-
legt þegar illa tekst til.“
Þegar Ásgeir hóf hjúkrun-
arfræðinámið fann hann
stundum fyrir fordómum í
garð þess að karlmaður væri
að læra til jafn hefðbundins
kvennastarfs og hjúkrunar-
fræðin hefur verið.
„Eitt sinn þegar ég sagði
kunningja mínum hvað ég
væri að læra spurði hann:
„Þýðir það að þú sért
hommi?" Svona fordómar
geta verið erfiðir fyrir suma
og eru eflaust ástæða þess
að margir karlmenn hætta í
hjúkrunarnáminu eða leggja
einfaldlega ekki í það.“
Þegar Ásgeir hóf námið
voru fimm aðrir karlmenn að
byrja á náminu. Þeir voru
hins vegar aðeins tveir sem
luku því.
„Karlmenn í hjúkrun skipt-
ast yfirleitt í þrjá hópa; þann
sem fer á bráðadeildir, þann
sem fer á geðdeildir og þann
sem leggur fyrir sig sölu-
mennsku, til dæmis hjá lyfja-
fyrirtækjunum sem er vel
launað. Vinna á hefðbundn-
um deildum virðist ekki
henta körlum. Kvenkyns
sjúklingum finnst nefnilega
oft óþægilegt að karlmaður
annist þá. Það er líka óþægi-
legt fyrir þá og þeir geta átt
erfitt með að þola það til
lengdar. Karlmenn eru þó
ekki verri hjúkrunarfræðingar
en konur. Til dæmis finnst
sumum sjúklingum þægi-
legra að tala við karlkyns
hjúkrunarfræðing.'1
JAFNRÉTTIÐ
VERÐUR AÐ
GILDA í
BÁÐAR ÁTTIR
Árni Garðarsson leikskóla-
stjóri á Vesturborg segist
hafa ákveðið í bríari að fara í
Fósturskóla íslands og sjá
hvernig honum líkaði. Hann
útskrifaðist árið 1989 og var
eini karlmaðurinn í bekknum.
Alls voru þeir þrír í skólanum.
„Ég hef aldrei orðið var við
„Þaö er slæmt fyrir allar starfsstéttir
aö vera skipaöar einu kyni því þá fara
þær á mis viö þaö sem hitt býr yfir.“
neina fordóma eða furðu
vegna starfs míns. Almennt
finnst fólki ofsalega gott hjá
mér að hafa valið mér að
verða leikskólakennari.
Börnunum finnst heldur ekk-
ert athugavert við það að ég
sé karlkyns."
Árni segir ekki mikinn mun
vera á starfsaðferðum sínum
og þeirra kvenna sem hann
vinnur með en þó haldi hann
ekki jafn fast í vissar venjur
og þær.
„Þegar til dæmis er verið að
klæða börnin í útifötin áður en
þau fara út að leika sér leggja
konurnar á þaö brýna áherslu
að barnið sé örugglega með