Menntamál - 01.12.1941, Page 25

MENNTAMÁL
119
sem þær er að finna. En þeir munu ekki gera það með
refsivönd á lofti, heldur rétta fram hönd til lagfæringar
og stuðnings. Þeir munu ekki reynast aðfinnsluseggir og
ýfingamenn, heldur árvakrir vinir, sem leita jafnan úr-
ræða og bóta, þar sem þess þarf með.
Ég vona fastlega, að hið mikla fé, sem veitt er til barna-
fræðslunnar, megi fyrir atbeina og fulltingi námsstjór-
anna, koma að nokkru fyllri og betri notum en verið hef-
ur. Féð, sem veitt hefur verið til eftirlitsins, þyrfti að vísu
að vera meira og námsstjórarnir fleiri. En þó kann nú ein-
hverjum að þykja það fullnóg, sem nú fer til barnafræðsl-
unnar, þótt ekki sé enn bætt við það. En það er heill yngstu
ættarlauka þjóðarinnar, sem hér um ræðir. Og ekkert er
ofgert þeim til farsældar.