Menntamál - 01.10.1949, Qupperneq 4

62
MENNTAMÁL
háskólastigið Bachelor of Science. 1940 tókst hann enn
ferð á hendur til Vesturálfu, stundaði þar nám, rannsóknir
og ritstörf og vann jafnframt um skeið á vegum Vilhjálms
Stefánssonar landkönnuðar. 1946 hvarf hann heim aftur,
en hefur þó dvalizt eitt ár í Bandaríkjunum eftir það.
Hér hefur náms- og starfsferill Steingríms verið stutt-
lega rakinn, en ýmislegt er þó ótalið svo sem félagsstörf
hans og ritstörf. Hann var einn fremsti frumherji Barna-
vinafélagsins ,,Sumargjafar“ og formaður þess frá stofn-
un 1924 til ársins 1940. Þá má nefna þátttöku hans í al-
þjóðafélagsskap kennara. Er mér kunnugt um, að hann
er mjög mikils metinn í þeim samtökum. Ritstörf hans
eru geysilega viðamikil. Má þar nefna: Handbók í lestrar-
kennslu með lesbók fyrir byrjendur; Landafræði fyrir börn
og unglinga; Leiðarvísi við skriftarkennslu; Móðurmálið,
leiðsögn í lestri; Sextíu leiki, vísur og dansa fyrir heimili,
skóla og leikvöll; Stjórnarbyltingu á skólasviðinu; Helgu
í öskustónni og önnur leikrit; Reikningsbók handa alþýðu-
skólum; Samlestrarbók o. fl. o. fl. Á síðustu árum hafa
komið út eftir hann Mannbætur (um þær birtist ritd. í
Menntamálum fyrir skemmstu), Landnám í nýjum heimi
og allra síðast, en ekki sízt kom ljóðabók eftir hann s. 1.
vetur.
Þess var áður getið, að áhrif Steingríms á skóla- og
uppeldismál landsins væru mikil og margvísleg. Það er að
vísu harla erfitt að rekja sporin í þeim efnum. Sum eru
þau þó fullglögg. Kennslubækur hans ruddu sér fljótt til
rúms, einkum í lestri, sama máli gegnir um kennsluað-
ferðir hans, og prófunaraðferðir gjörbreyttust við tilkomu
hans. Þá hafði hann geysileg áhrif á viðhorf manna gagn-
vart börnum og kennslustarfinu. Allt var þetta sprottið
af hinni nýju þekkingu, sem hann flutti með sér heim
eftir hina miklu námsástundun við uppsprettulindir upp-
eldisfræðilegra mennta, svo sem Columbia-háskólann. En
dýpstu og beztu áhrif Steingríms hygg ég vera þau, sem