Menntamál - 01.03.1951, Síða 13

MENNTAMÁL
5
smíði hússins lokið að öðru leyti en því, að eftir var sund-
laugin, sem myndar eina álmu aðalbyggingarinnar, múr-
húðun útveggja og nokkur hluti innréttinga í leikfimissal.
Upprunalega var ætlunin að byggja auk aðalhússins tvö
sjálfstæð nemendahús. í þeim áttu að vera íbúðarherbergi
fyrir nemendur, kennaraíbúðir, verknámskennslustofur
og fleira bráðnauðsynlegt. Þess er mikil þörf að fá a. m. k.
eitt slíkt hús. Aðalbyggingin rúmar nefnilega ekki nema
þrettán nemendaherbergi, sem ætluð eru 50 nemendum og
þrjár bóknámskennslustofur, en að öðru leyti — t. d. hvað
salarkynni mötuneytis áhrærir — rúmar skólinn nokkuð
á annað hundrað manns. Það er hagkvæmara að reka
heimavistarskóla með 100 nemendum heldur en með 50, og
eftir því sem kennaralið skóla er fjölmennara, eftir því
ætti skólinn að eiga völ fleiri sérfræðinga. Umsjón með
nemendum dreifist einnig á fleiri herðar, þegar starfsliðið
er fjölmennara. Fleira mælir með því, að hentugra sé að
reka skóla með 100 nemendum en 50 nemendum. Aðsóknin
hefur ekki látið standa á sér. Veturinn 1949—1950 var
eiginlega ómögulegt að taka fleiri en 40—45 nemendur þar
sem verið var að vinna í húsinu, og nokkur nemendaher-
bergi varð að nota fyrir starfsfólk. Það haust innrituðust
47 nemendur. Fyrir skólabyrjun haustið 1950 bárust 126
umsóknir um skólavist. Snemma sumars voru komnar nær
100 umsóknir, og sýnt var, að mikið varð að gerast til þess
að geta tekið helmingi fleiri nemendur en húsið var byggt
fyrir. Þetta tókst þó og má með sanni segja, að húsnæðið sé
notað út í yztu æsar og ríflega það. í skólahúsinu búa nú
um 120 manns. Ýmsar vistarverur, sem ætlaðar eru til
annars, eru nú til bráðabirgða notaðar sem íbúðarherbergi.
Þannig býr einn kennarinn í væntanlegri setustofu kenn-
ara, annar í biðstofu og afgreiðsluherbergi væntanlegrar
símstöðvar, sá þriðji í væntanlegri bókageymslu. Allt eru
þetta einhleypir menn — enn sem komið er. Tvö herbergi
eru sniðin af borðsalnum. Þar búa 5 starfsstúlkur. Og nær