Menntamál - 01.03.1951, Page 14

6
MENNTAMÁL
helmingur þeirra 98 nemenda, sem eru innritaðir í vetur,
búa í bráðabirgðaherbergjum. T. d. eru báðir búningsklefar
sundlaugarinnar notaðir sem nemendaherbergi, annar
búningsklefi leikfimissalsins, áhorfendasvið leikfimissals-
ins er klofið í tvö nemendaherbergi og meira að segja er
hluti af forstofu afþiljaður og notaður sem nemendaher-
bergi. Andyrið er notað sem lesstofa, þar sem blöð og tíma-
rit liggja frammi og útvarpstæki stendur til afnota fyrir
nemendur. Skrifstofan er samtímis kennarastofa, bóka-
safn og geymsla kennsluáhalda. Hluti af húsi ljósa-
véla er afþiljað og hljóðeinangrað og notað sem smíða-
stofa pilta. En engar þessar bráðabirgðaráðstafanir mega
verða varanlegar. Skólabyggingin er björt og rúmgóð og
þolir þetta þess vegna um stundar sakir, en fullþröngt er á
þingi. Og það hefur aftur ýmsa erfiðleika í för með sér.
Tvær íbúðir eru í húsinu, ein tveggja herbergja kennara-
íbúð og skólastjóraíbúð, þriggja herbergja.
Að öllum frágangi er húsið alveg einstaklega vandað og
vel gert. Gústaf Pálssen verkfræðingur, forstjóri Almenna
byggingafélagsins, sem hefur haft yfirumsjón með smíði
hússins, hefur látið svo um mælt, að Skógaskóli sé vandað-
asta húsið, sem hans félag hafi byggt. Og það er ekki hvað
sízt yfirsmiðnum, Matthíasi Einarssyni frá Vík í Mýrdal,
að þakka. Hann er annálaður fyrir vandvirkni og ná-
kvæmni. Gústaf er Rangæingur, fæddur og uppalinn í
Ytri-Skógum, en Matthías er Vestur-Skaftfellingur, vel
tókst samvinnan þeirra á milli.
Umhverfi skólans.
Skólahúsið stendur nokkur hundruð metrum austan við
Skógafoss. Og það er e. t. v. ekki alger tilviljun, að þegar
fyrstu nemendur skólans voru á skemmtiferðalagi að loknu
vorprófi 1950, voru þeir spurðir, hvort þeir væru nemend-
ur Skógafoss-skóla. Já, fossinn er frægur, og við höfum