Menntamál - 01.03.1951, Síða 20

12
MENNTAMÁL
er sungið. Allir syngja með. En oftast er lesið eitthvað til
skemmtunar, ritgerðir, kvæði, smásögur eða framhalds-
saga. Algengt er, að nemendur skiptist á um að lesa eða
stjórna söng, annars gera kennarar það til skiptis. Við og
við er sýnd kvikmynd. Að loknum skemmtiþættinum er
boðið upp á einhverja hressingu, oftast mjólk og brauð.
Klukkan 22,30: Háttatími. — Innan 15 mín. frá því
hringt er til náða eiga nemendur að vera komnir í rúmið
og hafa slökkt ljósið.
Þannig líða virkir dagar. Sunnudagarnir eru frjálsari.
Eitt aðalatriði við starf heimavistarskóla er, að hlutföll
milli hvíldar og starfs og skemmtana — eða tómstunda —
séu í föstum skorðum. Skólinn verður að hjálpa
nemendum sínum til þess að færa sér tímann í nyt, fyrst
og fremst til náms, en einnig, þegar til þess er tóm, til
skemmtana eða hollra dægrastyttinga. Þetta er nú e. t. v.
oft hægara sagt en gert. En ef um heilbrigt ungt fólk er að
ræða, ætti þetta ekki að vera neinum skóla ofraun. Héraðs-
skólarnir eru ekki byggðir fyrir vangæf eða andlega heilsu-
tæp ungmenni. Það eru vandræði, að ekki skuli vera til
nein stofnun hér á landi, sem veitir unglingum, sem svo er
ástatt um, viðtöku. Þess væri afar mikil þörf.
í skólanum er starfandi nemendafélag, sem að jafnaði
sér um laugardagskvöldin í samráði við kennara. Sá siður
er kominn á, að haldið er upp á afmælisdag skólans, 19.
nóv. og Lúzíu-hátíðina, 13. des. Ennfremur er haldinn álfa-
dans, brenna og grímudansleikur fyrsta laugardag, eftir að
nemendur koma úr jólaleyfi. Þau hafa þá fengið það verk-
efni heim með sér að hugsa út og útbúa einhvern góðan
búning. Síðan eru veitt verðlaun fyrir beztu búningana.
I ár var skotið flugeldum við það tækifæri. Árshátíð skól-
ans er haldin laugardagskvöldið fyrir pálmasunnudag. Þá
mega nemendur bjóða gestum, sömuleiðis á Lúzíu-hátíðina.
Aðalskemmtiatriði árshátíðarinnar er leikrit, sem nemend-
ur æfa og sýna, og bögglauppboð til ágóða fyrir fyrirhugaða