Menntamál - 01.03.1951, Page 40

32
MENNTAMÁL
Dönsk skólamál.
Lesendum Menntamála er ekki ókunnugt um það, að víða
um lönd er mönnum að verða ljóst, að endurbóta og breyt-
inga er þörf á starfsháttum skóla. Meðal þeirra þjóða, sem
tekið hafa þessi mál til rækilegrar athugunar hin síðustu
ár, eru Danir. Fyrir okkur Islendinga er sérstök ástæða
að fylgjast með niðurstöðum þeirra í þessu efni, þar eð
flestir íslenzkir skólar eru í upphafi mjög sniðnir eftir
dönskum fyrirmyndum, og má því líklegt telja, að okkur
sé svipaður vandi á höndum.
Fyrsta verkefni, sem Danir snúa sér að, eru endurbætur
á kennaraskólum landsins. í því skyni var skipuð nefnd
1947, og vinnur hún enn að athugunum og tillögum, en
búizt er við, að hún skili áliti á sumri komanda. Meðal
nefndarmanna er Julius Bomholt fyrrv. menntamálaráð-
herra. Hefur hann í viðtali við danska blaðið Social-Demo-
icraten 4. febr. s. 1. látið uppi nokkurar af helztu niðurstöð-
um nefndarinnar, og verða hér á eftir teknar glefsur úr
viðtali þessu ýmist orðréttar eða í styttri endursögn.
Breytt og bætt kennaramenntun.
Bomholt leggur á það megináherzlu, að allar endurbætur
á starfsháttum skólanna verði að hefjast með breyttri og
bættri kennaramenntun. Kennarar verði um fram allt að
vera barnfróðir (börnekyndige) eða uppeldisfróðir eins og
við mundum fremur segja.
„Aðalgreinar kennaraskólanna eiga að vera: uppeldis-
fræði, sálarfræði og hagnýtt skólastarf (praktisk skole-
gerning). Kennarapróf á ekki að vera eins konar cand.