Menntamál - 01.03.1951, Síða 44

36
MENNTAMÁL
Séra Ingimar hefur fengizt við fleira en prestskap og
skólastjórn á manndómsárum sínum. Hæfileikum hans og
áhugamálum hefur ekki verið markaður þröngur bás, og
hann hefur innilega ánægju af öllum sínum viðfangsefn-
um, hvort sem það eru andleg mál eða efnaleg, prédikun
eða niðurjöfnun, leiklist eða pólitík. Það er því ekki
kyn, þótt svo fjölsvinnum áhuga- og atorkumanni hafi
verið trúað fyrir mörgu og miklu. Hann átti sæti í stjórn
Alþýðusambandsins og Alþýðuflokksins, meðan þau sam-
tök voru ekki skilin að skiptum, og síðan í stjórn Al-
þýðuflokksins, í niðurjöfnunarnefnd um 2 áratugi, í mæði-
veikinefnd, í byggingarnefnd þjóðleikhússins og þjóðleik-
húsráði, milliþinganefnd í skólamálum, úthlutunarnefnd
styrkja til skálda og listamanna, var lengi formaður skóla-
nefndar Miðbæjarskólans o. fl. o. fl.
f sumum þessara nefnda hefur fundum okkar séra Ingi-
mars ærið oft borið saman síðustu 15 árin. Þori ég að
fullyrða, að við, samstarfsmenn hans, viljum ógjarna af-
greiða mál án þess að hafa heyrt álit hans og tillögur,
jafnvel þótt við berum fullt traust til skoðana okkar sjálfra.
Séra Ingimar er margt til lista lagt. Hann hefur tamið
sér orðsins mennt í bezta lagi, en þó hygg ég, að gáfnafar
hans hafi verið jafnvel enn betur lagað fyrir raunvísindi en
humaniora. Hann er mjög sérstæður og mótaður per-
sónuleiki, en þó ekki meitlaður í stein, því að mikil mýkt
er samfara festunni.
Kvæntur er séra Ingimar Elinborgu Lárusdóttur rit-
höfundi og eiga þau tvo sonu uppkomna, Lárus og Jón. Að
dyrum þeirra hjóna mun grasið aldrei gróa, því að hjá þeim
á gestrisnin heima.
Á.H.