Menntamál - 01.03.1951, Page 49

MENNTAIÚ'ÁL
41
árið var hann heimiliskennari hjá Pétri Ólafssyni konsúl,
en síðan kennari og skólastjóri við barnaskólann þar. Eftir
lát föður síns 1913 fluttist Hermann að Glitsstöðum og tók
við búi, en á vetrum stundaði hann kennslu. 7 vetur kenndi
hann við unglingaskóla Sigurðar Þórólfssonar á Hvítár-
bakka, en eftir það flesta vetur meira og minna á ýmsum
stöðum. Svo segja kunnugir að Hermann væri afburða far-
sæll bóndi og annaðist skepnur sínar af ást og umhyggju.
Sama alúð kemur og fram í öllum störfum, sem hann hefur
með höndum, hvort sem er kennsla eða annað. Hann er
ástsæll kennari. Hermann hefur ávallt verið mjög áhuga-
samur um öll menningar- og menntamál.
J. S.