Menntamál - 01.12.1958, Qupperneq 53

MENNTAMÁL
105
JÓN G. ÞÓRARINSSON:
Tónlistarkennsla í Bandaríkjunum.
í byrjun september síðastliðið haust fór ég til Banda-
ríkja Norður-Ameríku til námsdvalar um 6 mánaða skeið.
1 Washington, höfuðborg Bandaríkjanna, var saman-
kominn hópur af kennurum frá ýmsum löndum. Við höfð-
um allir hlotið Fulbright-styrk til þessarar ferðar. Banda-
ríkjastjórn veitir styrk þennan, og er það gert til að efla
kynni og stuðla að betri samvinnu milli þjóða.
Hér er eigi aðeins um gagnkvæma kynningu að ræða
milli Bandaríkjanna og heimalands styrkþega, heldur er
öllum styrkþegum gefið tækifæri til að fræðast um mörg
fjarlæg lönd og jafnframt kynna sitt eigið land með dag-
legum samskiptum kennara frá mörgum heimsálfum.
Fyrstu tvær vikurnar dvöldu allir í Washington. Eftir
það fóru kennararnir til nokkurra háskóla víðs vegar um
Bandaríkin.
Ég var í hópi 20 kennara frá mörgum löndum, og átt-
um við að stunda nám við háskólann í Denver í Colorado
um þriggja mánaða skeið. Jafnframt náminu voru skipu-
lagðar fyrir okkur heimsóknir í skóla og ýmsar stofnanir.
Auk þess átti hver kennari að heimsækja ákveðinn skóla
reglulega, dvelja þar allan daginn og fylgjast með
kennslu.
Er þessari þriggja mánaða háskóladvöl var lokið, kom
að öðrum þætti námsferðarinnar.
Hver kennari fékk nú ákveðna ferðaáætlun. Var gert
ráð fyrir ferðalagi víða um Bandarikin í jólaleyfinu. Eftir
það var ferðinni heitið til ákveðins fylkis, þar skipulögðu
fræðsluyfirvöld fylkisins daglegt starf kennarans.