Menntamál - 01.12.1958, Page 70
122
MENNTAMÁL
GUÐM. GÍSLASON HAGALÍN:
Skýrslur
bæjar- og héraðsbókasafna árið 1956.
ÚTDRÁTTUR OG YFIRLIT.
I. Almenn atriði.
1 árslok 1956 voru bæjar- og héraðsbókasöfn orðin eins
mörg og kveðið er á í lögum um almenningsbókasöfn:
Bæjarbókasöfn 5, bæjar- og héraðsbókasöfn 9 og héraðs-
bókasöfn 17. En aðeins 17 af söfnunum héldu uppi út-
lánastarfsemi á árinu.
Öll bæjarbókasöfnin lánuðu út bækur, nema safnið í
Ólafsfirði, sem var í flokkun og skráningu, og sömuleiðis
bæjar- og héraðsbókasöfnin að undanskildu safninu í
Keflavík. Það skorti bæði bókakost og húsnæði. Aðeins
bókasöfnin í Reykjavík, á ísafirði, Siglufirði, Akureyri
og í Vestmannaeyjum höfðu opinn lestrarsal. Einungis 5
héraðsbókasöfn gátu á árinu lánað út bækur. Fjögur gátu
ekki hafið starfsemi sína vegna vöntunar á húsnæði. En
í hinum var unnið að nýskipan. Aðeins í Hafnarfirði,
Reykjavík, á Akranesi, Isafirði og Akureyri voru laun
bókavarða miðuð við, að bókavarzlan væri aðalstarf.
Skýrslur um bókakost safnanna voru enn ekki til, og
hjá ýmsum þeirra, sem störfuðu, var skýrslugerð um
starfsemina ekki komin í tilskilið form. Þá voru og út-
lán til sveitarbókasafna lítt hafin.
II. Húsnæðismál safnanna.
Bókasöfnin í Reykjavík, á ísafirði og Akureyri störf-
uðu í allgóðu húsnæði, en öll hin söfnin áttu annað tveggja