Menntamál - 01.12.1958, Side 164

216
MENNTAMÁL
mörku og Svíþjóð. Styrkir voru veittir til kennaraskipt-
anna.
Lagt hefur verið til, að löggilding á námsbókum verði
til 5 ára í einu.
1. júlí 1957 var heimiluð fjárveiting til að skipa megi
námsstjóra fyrir hjálparbekki og hjálparskóla. Skal hann
skipaður af ráðuneytinu. Sveitarfélögum var gert að skyldu
með lögum 30. júní 1955 að hafa sérkennslu fyrir nem-
endur, sem ekki geta fylgzt með almennri kennslu, og
skal námsstjórinn hafa umsjón með og veita aðstoð við
framkvæmd laganna.
Hinn 6. júní 1957 var skipuð nefnd, sem á að reyna að
finna sem hagkvæmasta lausn á fyrirkomulagi skólabygg-
inga og vinna að athugunum á, hvernig mestrar hagsýni
verði gætt.
72 lýðháskólar með ríkisstyrk störfuðu á árinu. Meðal-
aldur nemenda var hærri en nokkru sinni fyrr eftir stríð.
20 skólar höfðu eldri deild, og er líklegt, að fleiri skólar
taki það upp með vaxandi aðsókn. Ríkisstyrkur var veitt-
ur til norrænu lýðháskólanna í Kungálv og Genf og til
brezk-norræna lýðháskólans í Manchester.
Tveir sérskólar fyrir afbrigðileg börn voru teknir í notk-
un á árinu, báðir heimavistarskólar, annar fyrir treggáf-
uð börn, hinn fyrir erfiða drengi. Starfandi sérskólar eru
nú: 8 skólar fyrir daufdumba, 3 skólar fyrir blinda og
sjónlitla, 3 fyrir málhalta, 13 fyrir treggáfaða og 9 skól-
ar fyrir erfið börn. Nemendafjöldi í þessum skólum er
samtals 1740.
Unnið er samkvæmt áætlun að aukinni iðnaðar- og
tæknimenntun, og margir iðn- og tækniskólar eru í bygg-
ingu. Lærlingar við skrifstofu- og verzlunarstörf falla und-
ir sömu lög og lærlingar í iðngreinum.
Lög frá 6. júlí 1957 um verzlunarmenntaskóla og skóla
fyrir verzlunar- og skrifstofufólk eru fyrstu lögin, sem
sett eru um þennan þátt skólakerfisins. Lögin eru þó fyrst