Menntamál - 01.12.1958, Page 184
236
MENNTAMÁI.
Sveinbirni Markússyni og Stefáni Jónssyni, þess efnis, að
ekki væri rétt að afgreiða slíkt mál án þess að öllum fé-
lögum sambandsins væri gefinn kostur á að kynna sér það
nánar, og væri málið því tekið út af dagskrá. Tillagan var
samþykkt að viðhöfðu nafnakalli.
Mörgum þótti þessi afgreiðsla á tillögum laganefndar
of fljótfærnisleg, og voru eftirfarandi tillögur bornar upp
og samþykktar:
„15. fulltrúaþing SÍB felur stjórn sambandsins að
láta endurskoða lög þess fyrir næsta fulltrúaþing, enda
liggi þá fyrir álitsgerðir og tillögur kennarafélaga og
kennarasambanda um breytingar á skipulagi og starfs-
háttum SÍB.
Samþykktir kennarasamtakanna þurfa að hafa bor-
izt sambandsstjórn fyrir 1. maí 1959.“
„15. fulltrúaþing SÍB heimilar sambandsstjórn að
gera kosningar til þings og stjórnar svo einfaldar sem
verða má innan ramma laga SÍB.“
Hitt höfuðmál þingsins var menntun kennara. Flutti
Kristján J. Gunnarsson yfirkennari ýtarlegt framsöguer-
indi um málið, og urðu um það miklar umræður. Menn
voru á einu máli um, að kennaramenntunina þyrfti að
auka og bæta, og bent var á nauðsyn þess, að allir kenn-
arar hæfu nám sitt í Kennaraskólanum. Flestir voru því
fylgjandi, að úr Kennaraskólanum yrði tekið stúdents-
próf, en jafnframt bent á, að það mætti ekki verða á kostn-
að sérmenntunarinnar. Hana þyrfti þvert á móti að auka
og taka sérgreinar skólans með til stúdentsprófs, sbr. for-
dæmi Verzlunarskólans. Framhaldsnám þyrftu kennarar
að geta stundað sem mest í landinu sjálfu. Rætt var um,
að hugsanlegt væri að hafa sérdeild fyrir kennara yngstu
barna og að yfirleitt væri æskilegt, að nokkurt kjörfrelsi
væri um námsgreinar. Allir voru einhuga um, að hraða
bæri byggingu Kennaraskólans, og var kosin nefnd til að