Menntamál - 01.12.1958, Page 185
MENNTAMÁL
237
ganga á fund ráðherra og ræða byggingarmálið við hann,
áður en þingstörfum lyki. I viðtalinu sagði ráðherra, að
stjórnarvöldunum væri ljós nauðsyn nýrrar Kennara-
skólabyggingar og þess mætti vænta, að bygging 1. áfanga
tefðist ekki vegna þess, að stæði á leyfum. Aðspurður um
æfingaskóla svaraði ráðherra, að samningum milli ríkis
og Reykjavíkurbæjar væri að verða lokið um skólann,
og ekki væri um neinn ágreining þar að ræða.
Svohljóðandi tillögur voru samþykktar varðandi þetta
mál:
„15. fulltrúaþing SÍB fagnar yfirlýsingu hæstvirts
menntamálaráðherra um endurskoðun á fræðslulögun-
um og lögum um menntun kennara, svo og vilja hans á
því, að Kennaraskólinn veiti stúdentspróf.
Þingið leggur ríka áherzlu á, að vegur Kennaraskól-
ans verði aukinn, svo sem framast er unnt, og leyfir
sér að vænta þess, að endurskoðun á lögum um kenn-
aramenntun feli í sér:
1. Að Kennaraskólinn veiti stúdentspróf.
2. Að skólanum verði sjálfum falin ábyrgð á vali
nemenda.
3. Að komið verði á nokkru kjörfrelsi og sérhæf-
ingu í námi í Kennaraskólanum, m. a. í byrj-
endakennslu.
4. Að herða beri á kröfum um sérfræðilegt kenn-
aranám.
„15. fulltrúaþing SÍB skorar á ríkisstjórn að sjá
svo um, að tafarlaust verði veitt nauðsynleg leyfi til
að sá hluti kennaraskólabyggingarinnar, sem áformað
er að reisa í 1. áfanga, verði steyptur upp og gerður
fokheldur, þegar á þessu ári. Leggur þingið sérstaka
áherzlu á, að þessi hluti byggingarinnar verði tilbúinn
til notkunar eigi síðar en haustið 1959.“
„15. fulltrúaþing SÍB skorar á ríkisstjórn og bæjar-