Menntamál - 01.08.1968, Blaðsíða 96

204
MENNTAMÁL
ara, sem kenna afbrigðilegum börnum, skuli vera i/b af
kennsluskyldu almennra kennara. í kjaradómi 1965 var
þetta ákvæði svo til óbreytt, nema vísað var til fræðslulag-
anna frá 1946, en þar eru talin þau börn, sem undanþegin
eru að sækja skóla, og fellur hluti þeirra undir ákvæði dóms-
ins. Eins og fram kom í síðustu skýrslu sambandsstjórnar,
hafði ekki tekizt að fá settar neinar almennar reglur um
framkvæmd þessa atriðis. Kennarar, sem kenndu þessurn
börnum, fengu ekki kennsluafsláttinn, þótt bent væri á, að
þeir ættu rétt á honum. Tveir kennarar höfðu farið í mál
og unnið þau, en engar reglur fengust settar að heldur.
Þriðji kennarinn óskaði eftir því í apríl 1967, að sambands-
stjórn fengi viðurkenndan rétt sinn til kennsluafsláttar, en
því var algerlega hafnað. Vísaði sambandsstjórn máli þessu
til kjaranefndar, en úrskurður hennar liggur ekki fyrir
ennþá.
Kjaradómur frá 30. nóv. 1967 breytti orðalagi þessa
ákvæðis nokkuð, og er það álit sambandsstjórnar, að það
sé kennurum í hag. Kannað hefur verið, hver skilningur
ríkisvaldsins er á þessari orðalagsbreytingu, og reyndist
hann neikvæður. Hóf sambandsstjórn þá í samvinnu við
S.B.R. undirbúning að söfnun gagna og vottorða meðal
kennara, skólastjóra og skólalækna við þá barnaskóla í
Reykjavík, þar sem myndaðir hafa verið bekkir, skipaðir
börnum, er heyra undir ákvæði kjaradóms. Er undirbún-
ingi þessum nú lokið. Óskað hefur verið eftir fundi með
samninganefnd ríkisins, þar sem gögn þessi verða lögð :!ram
og krafa gerð f. h. þessara kennara um kennsluafslátt þeim
til handa.
4) Yfirvinnumál skólastjóra. Það kom fram í síðustu skýrslu
sambandsstjórnar, að fjármálaráðuneytið hafði neitað á sín-
um tíma að greiða skólastjórum þá tíma, sem þeir höfðu
kennt umfram kennsluskyldu skólaárin 1960—’62, en kenn-
arar fengu eins og kunnugt er þessar greiðslur eftir löng