Æskan - 01.05.1971, Page 3

JE^kítn
Hús
Jóns Sigurðssonar
Jón SigurSsson.
Pann 12. september 1970 eignuðust
íslendingar sína eigin menningar-
miðstöð í Kaupmannahöfn, en það
er húseignin Öster Voldgade 12,
þar sem Jón Sigurðsson, forseti, bjó á
árunum 1852—1879. i mörg ár hefur minn-
ingartafla staðið á vegg hússins, þar sem
Hús Jóns Sigurðssonar við Öster Voldgade 12 í Kaupmannahöfn.
Þarna verður miðstöð íslenzks menningar- og félagslífs í framtíðinni.
á hefur verið ietrað, að í þessu húsi hafi
búið mesti baráttumaður fyrir sjálfstæði ís-
lands. Húsið var fyrir nokkrum árum gefið
Alþingi íslendinga. Þá gjöf gaf íslenzkur
maður, Carl Sæmundsen, búsettur I Kaup-
mannahöfn.
Minningin um Jón Sigurðsson mun lifa
í þessari menningarmiðstöð. Hann kom
sem ungur maður til Kaupmannahafnar ár-
ið 1829 og fékk starf við handritasafn
Árna Magnússonar. Þar hóf hann af kappi
að rannsaka fornbókmenntir íslendinga og
vann að útgáfu margra vísindalegra verka.
Samtímis þessu var hann mjög áhugasam-
ur um stjórnmál lands síns, og í tímariti,
sem hann tók að gefa út, mælti hann ákaft
með því, að ísland yrði frjálst og óháð
Dah'mörku. í þessu skyni vann hann að
endurreisn hins gamla Alþingis íslendinga
og barðist fyrir afnámi einokunarverzlunar-
innar. Á frelsisvakningarári Danmerkur
1848—1849 átti Jón Sigurðsson sæti á rík-
isþinginu, sem setja skyldi öllu Danaveldi
stjórnarskrá, og þar hélt hann því fram,
að allir íslendingar ættu að krefjast eigin
rlkisstjórnar í Reykjavik. Afleiðing þessa
urðu íslenzku stjórnarskrárlögin frá 1874.
I tveimur herbergjum í menningarmiðstöð-
inni er minnzt lífs og starfs Jóns Sig-
urðssonar i Kaupmannahöfn bæði með
myndum og á annan hátt. Eru þessi her-
bergi á annarri hæð hússins, þar sem ibúð
hans var.
Þá eru í húsinu tvær íbúðir. Önnur þeirra
er látin að kostnaðarlausu í té íslenzkum
vísindamönnum, sem tii skiptis kunna að
eiga námsdvöl í Kaupmannahöfn. Hin íbúð-
in er embættisíbúð fyrir íslenzka prestinn
í Kaupmannahöfn.
Mikilvægur þáttur í starfsemi hússins er
sá vettvangur, sem það verður sem sam-