Æskan - 01.01.1984, Page 14
Um þessar mundir er barnastúk-
an Kvistur nr. 170 sex ára. Hún var
stofnuð 6. nóvember 1977 og er
ein 28 starfandi barnastúkna á
landinu. í 98 ár hafa barnastúkur
verið til hér á landi. Þær eru barna-
deildir í félagsskap templara.
Félagsskapur templara - Góð-
templarareglan á sér stærri draum
og göfugri hugsjón en það eitt að
vinna gegn neyslu áfengis og ann-
arra fíkniefna. Draumurinn er líka að
allir menn á jörðinni megi lifa sam-
an í friði og kærleika. Þannig náum
við kannski einna bestum árangri í
baráttunni við vímuefnin, óvininn
sem rífur niður og skemmir alla
heilbrigða hugsun og dómgreind.
Einnig vekur hann traust í mann-
legum samskiptum.
Krakkarnir í Kvisti vilja leggja
bindindishugsjóninni lið. - Æskan
heimsótti þá á fyrsta stúkufundi
vetrarins í október og tók nokkra
tali.
GOÐUR ANDI
Annan hvern föstudag yfir
vetrarmánuðina heldur Kvistur
fund. Þennan dag voru 38 krakkar
saman komnir. Það var glatt á
hjalla þegar okkur bar að garði og
krakkarnir sungu hástöfum „Vi ár
barn pá samma jord“ undir stjórn
Rebekku söngstjóra. Þeir setja það
ekkert fyrir sig þótt textarnir séu á
öðru tungumáli enda sum þeirra
farin að lesa Norðurlandamál í skól-
anum. Á þessum fundi var sungið,
glímt við gátur, farið í leiki og sitt-
hvað fleira gert.
Við tókum Ingibjörgu Ás-
geirsdóttur tali en hún er vara-
templar í Kvisti. Varatemplar er
varaformaður stúkunnar en foringi
hennar nefnist æðstitemplar. Ingi-
björg er 13 ára og hún hefur verið í
Kvisti frá stofnun hans. Við spurð-
um hana hvernig hún kynni við sig.
„Mér finnst mjög gaman í Kvisti,"
14