Æskan - 01.12.1989, Qupperneq 31

► \
Æ r ■ r\ m
high I t low
I skótanum, sem þessi börn ganga í, fer kennsla fram á ensku. Þau tala annad tungumál heima.
- Ljósm.: \NCC Photo: Don Edkins.
Unglingarnir eru sammála
um að gaman hafi verið að
kynnast þessum söngvum.
Margir þeirra fjalla um bar-
áttuna fyrir auknum réttindum.
Flestir eru þeir trúarlegs eðlis
enda frá kirkjunni komnir.
Söngvarnir eru mjög taktfastir
og grípa flytjendur og hlust-
endur oft sterkum tökum.
Á tónleikunum var textinn
sunginn bæði á íslensku og
Zulu-máli. Forsöngvarar voru
Egill Ólafsson og Sigrún Hjálm-
týsdóttir.
í guðsþjónustunni kynnti
Sigríður Guðmundsdóttir starf
Hjálparstofnunar kirkjunnar.
Egill Ólafsson á æfingu með unglingunum. Sigrún
Hjálmtýsdóttir var forsöngvari ásamt honum.
Margir söngvanna frá Namibíu fjalla um baráttuna fyrir auknum
réttindum. Þeir eru flestir trúariegs eðlis - taktfastir og grípa
hlustendur sterkum tökum.
Sr. Þórhallur Heimisson pred-
ikaði og þjónaði fyrir altari.
St/ðjum skólana
í Namibíu
Namibía er strjálbýlt land
sunnarlega í Afríku. Um þessar
mundir eru miklir atburðir að
gerast þar. Namibíumenn eru
loks að öðlast sjálfstæði eftir
langa sjálfstæðisbaráttu. í 74 ár
hefur landið verið hernumið af
hinu volduga nágrannaríki,
Suður-Afríku. í byrjun nóv-
ember var efnt til fyrstu frjálsu
kosninganna í sögu Namibíu og
síðar í vetur mun landið end-
anlega fá sjálfstæði.
Mikið starf er framundan í
landinu. Þar þarf að byggja
marga skóla. Hingað til hefur
hvítum og svörtum börnum
verið bannað að ganga í sömu
skóla. Það hafa því verið tvö
ólík skólakerfi í Namibíu. Ann-
ars vegar góðir skóla fyrir hvít
börn og hins vegar þéttsetnir
og lélegir skólar fyrir blökku-
börn.
Kirkjan í Namibíu hefur um
árabil barist gegn aðskilnaðar-
stefnunni og hefur raunar ver-
ið einn sterkasti málsvari hinna
fátæku þar í landi. Kirkjan
starfar á mörgum sviðum. Hún
hefur beitt sér í baráttunni
gegn mannréttindabrotum og
aðstoðað fórnarlömb slíkra
brota. Hún rekur barnaheimili,
heilsugæslustöðvar, þjónustu
við aldraða og lestrarkennslu
fyrir fullorðna.
Kirkjan er einnig áhrifamikil
á sviði skólamála í Namibíu.
Skólar, sem hún styður eða
rekur sjálf, hafa afneitað að-
skilnaðar-stefnunni. Hún tók
einnig að sér að sjá um mót-
töku tugþúsunda namibískra
flóttamanna sem hafa snúið
heim á undanförnum mánuð-
um. Meðal þeirra er fjöldi
barna og þau þurfa að fara í
skóla. En fleiri börnum verður
ekki komið fyrir í því húsnæði
sem nú er í notkun. Þess vegna
er knýjandi þörf á að útvega
skólastofur og láta gera við
gamalt húsnæði.
Hjálparstofnanir kirknanna á
Norðurlöndum hafa tekið
höndum saman um að aðstoða
við uppbyggingu skóla og mót-
töku flóttamannabarna í Nami-
bíu - með því að reisa skóla-
stofur; kaupa skrifföng, pappír,
stóla og fleiri nauðsynlega
hluti. Þetta er eitt af þeim
verkefnum sem safnað er fyrir
í landssöfnuninni „Brauð handa
hungruðum heimi“.
Æskan 31